1 GHANGPUGHANG GUI 1:39 - Cho Bible Common Language 2016

³⁹ Zadok naw Bawipa ah om nak ah Phung ungka a law püi ah olive-situi cu la neta Solomon cu phyuh theh ci. Ngami naw phyungheng tum u ne, chang gui ami van m’lau u ne, “Solomon ghangpughang akshaw ghing sä!” cik ci gui.

1 GHANGPUGHANG GUI 1:39 Referans Kwoze

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

1 SHONTÄP NAK 29:22

A cu ah hnüüp ung ngami cu Bawipa ah ma ah ami ei awk ah phäh ah anghtei ah yeikyai ci gui. Solomon cu ghangpughang ah kyak ci nei cine ak nih vei nak ah ng’shäu ci gui. Ani cu Bawipa ming awn ami uktu ah phyuh theh u ne, Zadok cu taigü ah tha ci gui.

1 GHANGPUGHANG GUI 1:34

A cu ah ani cu Israel ghangpughang ah kyak khai ah Zadok la Nathan naw phyuh theh khai goi. Cun kawn ah phyungheng tum ne m’lau khai gui. “Solomon ghangpughang cu akshou ghing sä!”

1 SAMUEL 10:24

Samuel naw chang gui am “Shin ah chang cu Bawipa naw a ghü nei! Ani ah mäih mikmi ung a u kä om ci nei” cik ci. Chang avan naw m’lau ne, “Ghangpughang ghi ne ghing sä” cik ci gui.

2 SHONTÄP NAK 23:13

Phyung heng tum ci gui la gabawi gui naw koi u sei, Taigüim valuh nak k’tungnu pei ah ghangpughang ah ng’düih nak vai ami pyan nak ung ng’düi ciah ghangpughang ak thai cu hmuk ci. Chang gui ami van yei ne m’lau ci gui, phyungheng tum ci gui, Taigüim ung tumkhawng ci gui naw phi tumkhawng u sei pawi cu bik ci gui. Ani naw a sui k’teek ne, “Küknet nak nei! Küknet nak nei!” cine m’lau ci.

2 SHONTÄP NAK 23:11

Jehoiada naw Joash cu luk law sak neta, a lu ung lukhu ng’bün sak ne, ghangpughang ah uknak ah thukhän ca-uk tumat cu pek ci. Cun ah ani cu ghangpughang ah pyang ci gui. Taigü Jehoiada la a hta gui naw Joash cu phyuh theh u sei, “Ghangpughang cu a ghingkhaw ng’shei sä!” cine chang nü cu m’lau ci gui.

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.

1 GHANGPUGHANG GUI 1:25

Tuhngawi ani hteit ne seipat gui, htome gui la sei akplan hta gui awn khawihnah ne douthak ci nei. Ani naw na hta gui avan, na gakapbawi Joab la taigü Abiatha cu khü gui ci, tuhbäi chü ngami cu akshaw ghing sä!” cine m’lau ci gui nei.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 GHANGPUGHANG GUI 1:40

Ngami ami van naw ani cu läk u ne, phyung lawi tum ne, yei ne m’lau u ne, kho ng’lei thüng sei m’lau ci gui.

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,

2 GHANGPUGHANG GUI 9:13

Cun vai am Jehu ah a paw gui bawi gui naw ami suinu gui hlaak ah khan ah Jehu naw angdüih nak vai ah k’phiat u ne, phyungheng tum ne, “Jehu cu Ghangpughang ah kyak ci nei” cine m’lau ci gui.

2 GHANGPUGHANG GUI 11:14

A cu ah ami thung man ah Taigüim vah luh nak ah tung pei ah ng’düi ciah ghangpughang akthai la ani koi ne ng’düi ci gui ah bawi gui, tumkhawng ci gui, ami van yeikyai ne m’lau ne phyungheng tum ci gui cu hmu gui ci. Ahtaliah naw a sui k’teek ne, am lung thüi sei, “Küknet nak nei! Küknet nak nei!” cine m’lau ci.

PHYAWN NAK 30:35

cun gui cu tui ng’ui ah mäih ah na k’caw vai, ang ui khu ah na mang vai, theing ne ng’cim khai ah na pyan vai.

1 GHANGPUGHANG GUI 2:15

Ani naw, “Na hmat ah mäih ah kei cu ghangpughang ah ka kyak khai süta, Israel chang päng naw phi ngaih te u ci. Cun ung phi a hei ah kya lawk ci, kei ah ka nau cu ghangpughang ah kya lawk ci, cun cu Bawipa ah ng’yak hlü ah kyak ci.