1 GHANGPUGHANG GUI 1:34 - Cho Bible Common Language 2016

³⁴ A cu ah ani cu Israel ghangpughang ah kyak khai ah Zadok la Nathan naw phyuh theh khai goi. Cun kawn ah phyungheng tum ne m’lau khai gui. “Solomon ghangpughang cu akshou ghing sä!”

1 GHANGPUGHANG GUI 1:34 Referans Kwoze

1 GHANGPUGHANG GUI 1:25

Tuhngawi ani hteit ne seipat gui, htome gui la sei akplan hta gui awn khawihnah ne douthak ci nei. Ani naw na hta gui avan, na gakapbawi Joab la taigü Abiatha cu khü gui ci, tuhbäi chü ngami cu akshaw ghing sä!” cine m’lau ci gui nei.

2 SAMUEL 15:10

Cun ung phi ani naw Israel pakhui avan ung chang tüi ne a pyen sak gui cu, “Phyung heng ah ng’gin nami ng’yak ah akiak ung, ‘Absalom cu, Hebron ung ghangpughang ah kai ci nei’ cine nami m’lau vai!” ciah pyen ci.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.

2 GHANGPUGHANG GUI 9:13

Cun vai am Jehu ah a paw gui bawi gui naw ami suinu gui hlaak ah khan ah Jehu naw angdüih nak vai ah k’phiat u ne, phyungheng tum ne, “Jehu cu Ghangpughang ah kyak ci nei” cine m’lau ci gui.

2 GHANGPUGHANG GUI 9:3

Ani ah lu khan ah shin ah oliv-situi cu yuk shawi neta, “Bawipa naw ng’shäu ci, ani naw nang cu Israel ghangpughang ah ning phyuh theh ci nei!” ci neta ang ghit ah na hteh tak vai nei” cik ci.

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

1 SAMUEL 16:3

Jesse cu khawihnah nak ah na khü vai, kei naw a i bi vai cu ka ning m’thein khai. Kei naw ka ning m’thein ah chang cu ghangpughang ah na phyuhtheh vai.”

2 GHANGPUGHANG GUI 11:14

A cu ah ami thung man ah Taigüim vah luh nak ah tung pei ah ng’düi ciah ghangpughang akthai la ani koi ne ng’düi ci gui ah bawi gui, tumkhawng ci gui, ami van yeikyai ne m’lau ne phyungheng tum ci gui cu hmu gui ci. Ahtaliah naw a sui k’teek ne, am lung thüi sei, “Küknet nak nei! Küknet nak nei!” cine m’lau ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

2 SHONTÄP NAK 23:11

Jehoiada naw Joash cu luk law sak neta, a lu ung lukhu ng’bün sak ne, ghangpughang ah uknak ah thukhän ca-uk tumat cu pek ci. Cun ah ani cu ghangpughang ah pyang ci gui. Taigü Jehoiada la a hta gui naw Joash cu phyuh theh u sei, “Ghangpughang cu a ghingkhaw ng’shei sä!” cine chang nü cu m’lau ci gui.

2 GHANGPUGHANG GUI 9:6

Cun kawn ah ngani cu im kyong ah lut ni neta, prophet nong naw Jehu ah lu khan ah oliv-situi cu yuk shawi neta, a pyen nak cu, “Bawipa, Israel Khanpughi naw ang ng’shäu cu; kei naw nang cu ka chang gui Israel chang gui ah ghangpughang ah ka ning phyuh theh ci nei.

2 SAMUEL 2:4

Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

1 SAMUEL 10:24

Samuel naw chang gui am “Shin ah chang cu Bawipa naw a ghü nei! Ani ah mäih mikmi ung a u kä om ci nei” cik ci. Chang avan naw m’lau ne, “Ghangpughang ghi ne ghing sä” cik ci gui.

1 GHANGPUGHANG GUI 1:35

Ani cu kei ah mangkiang ung ngok khai ah a law ung nami läk law vai nei. Ani cu ghangpughang ah kya ne kei ah hnün ung ngok khai, a i ah kyasei ci ung ani cu kei naw Israel lah Judah ah uktu ah kyak khai ah kei naw ka ghü pyi ah kyak ci.”

1 GHANGPUGHANG GUI 1:39

Zadok naw Bawipa ah om nak ah Phung ungka a law püi ah olive-situi cu la neta Solomon cu phyuh theh ci. Ngami naw phyungheng tum u ne, chang gui ami van m’lau u ne, “Solomon ghangpughang akshaw ghing sä!” cik ci gui.