1 GHANGPUGHANG GUI 1:29 - Cho Bible Common Language 2016

²⁹ Cun kawn ah ani am, “Ka khüikha nak avan ungka, na gung ciah, ghing ciah Bawipa ung shai ka tak ci,

1 GHANGPUGHANG GUI 1:29 Referans Kwoze

2 SAMUEL 4:9

David naw ngani am, “Kyihkyawk nak avan ung na hun ciah ghing ciah Bawipa ung kei ka ng’gun ci nei!

SAM 136:24

ani naw ga gui ah kut ung na m’hlawt gui ci; Ani ah m’hni nak cu ng’täi ci nei.

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

SAM 72:14

Ani naw yawshe nak la shedam nak ung gung gui sei, ngami ah ghin nak cu ani ung ni kyom ci.

2 GHANGPUGHANG GUI 5:20

Elisha ah changshäm Kehazi naw amät ng’htau ne, “Ka bawi naw Naaman ah a i phi kä dou ne hteh ba sak ci! Sirian naw a pek cu ani naw a dou ah khin te ci. Ghing ciah Bawipa ung kei naw gawt ne buuk neta ani ung a i baw ka lak khai” cik ci.

2 GHANGPUGHANG GUI 5:16

Elisha naw, “Abii ka bi ah ghing ciah Bawipa ung ka ng’taam ci, m’cümhnah nak cu kä ka lak khai nei” cik ci. Naaman naw a dou vai ah pyen aih ci, cun ung phi ani naw kä dou ci.

2 GHANGPUGHANG GUI 4:30

Hnumi naw Elisha am, “Kei naw ka bekhüt nak ah ghing ciah Bawipa la nang ung ka ng’khän ci nei, nang kä na hteh tu ung kei kä ka hteit ba khai!” cik ci. Cun ah kyasei ngani cu a täng ah hteit ci goi.

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

1 GHANGPUGHANG GUI 2:24

Bawipa naw kapa David ah mangkiang ung na khänhtek sak pyi ci; ani naw a shaitak k’pang ci, uknak khaw cu kei la ka hta ng’shon am na pe pyi ci. Adonijah cu a tuhngawi sik khai ah ghing ciah Bawipa ung ka ng’tam ci nei!” cik ci.

2 SAMUEL 12:5

David cu ng’büh mang ciah khan ah ang htei ah m’lung she neta, “Kei naw ghing ciah Bawipa ah ma ah ka ng’gun ci nei, cun ah bik ciah chang cu si sä!

1 SAMUEL 20:21

Kei naw ka changshäm am hteit ne shui ba ä, ka cik khai, kei naw, “Teng ä, m’la gui cu na pei ah om ci; la ba ä, ka ci ung, nang cu na phyawng ci, na law ba hning ci, ka ciah kyak khai. Kei naw ghing ciah Bawipa ung akcang ah ka pyen cu, nang cu kyi ng’ä nak kä om khai.

1 SAMUEL 19:6

Saul cu Jonathan ah ng’thu awn a hnga päng khäta, David cu kä ka ngawn khai nei cine Bawipa ah ming ung thukhän bik ci.

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

1 SAMUEL 14:39

Kei naw Israel gui am näng nak pek ciah, ghing ciah Bawipa ung shai ka tak ci, cheishoh ciah chang cu ngawn vai, ka hta Jonathan ah a kyak ung phi” cik ci. Cun ung phi a u naw a i kä pyen ci.

SUKI GUI 8:19

Kideon naw, “Ngami cu kei ah phäi nau gui nei, kanu ah hta gui nei. Kei akcang ah ka ng’taam ci, ngami kä nami ngawn gui vai sü ung, kei naw kä ka ning ngawn gui khai süte” cik ci.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

1 GHANGPUGHANG GUI 1:28

Ghangpughang David naw pyen ci, “Bathsheba a law vai ah pyen vä” — cisei ani law ne a pei ah ng’düi ci.