1 GHANGPUGHANG GUI 1:12 - Cho Bible Common Language 2016

¹² Na hnun-gui la na hta Solomon ah hnun-gui nak phyawn hlü ah a kyak ung, kei naw ka ning m’shümthein khai,

1 GHANGPUGHANG GUI 1:12 Referans Kwoze

LAMKTU 27:31

Paul naw gaakap bawi la gaakap gui am, “htinpaw ung bi bik ci gui kä ami om ba ung, nangmi nami mät phi nami ghin vai ah ngaih u nak kä om ba khai” cine kyak na gui ci

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

JEREMIAH 38:15

Kei naw m’shang ne, “Kei naw akcang ka ning m’thein ah a kyak ung nang naw sih nak na na pek khai, kei naw ka ning m’cäi m’ä ch a kyak ung nang naw a i ah kü na na sui khai’ ka cik ci.

NG'THU K'THUUK~ 27:9

Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

NG'THU K'THUUK~ 20:18

Nik ciah m’cumcäii nak cu na dou vai, cun ung na nang khai, kapawng htei ah ng’tuk bi nak ah ka na hteh vai.

NG'THU K'THUUK~ 15:22

M’cäi ä nak avan dou ci naw näng nak gah ci, kä dou cicu shum nak ung gawk ci.

NG'THU K'THUUK~ 11:14

Lam shüm ci kä a om ung pakhui kho cu kya ne ng’täng ci. M’shüm thein ci ada ung lawt nak om ci.

2 SHONTÄP NAK 22:10

Ghangpughang Ahaziah ah nu Ahtaliah naw a hta ami ngawn cu hmat neta Judah khaw mang im kyong chang avan ami ngawn vai ah thu k’bäi ci.

2 SHONTÄP NAK 21:4

Jehoram naw a uknak khaw cu akni ah akpan kawn ah avan ngawn gui ne, Israel bawi gui phi ngawn gui ci.

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

1 GHANGPUGHANG GUI 1:21

Cun ah kä na bi ah a kyak ung, nang na sih vai am ka hta Solomon la kei cu kä bekhüt ciah pyen ne na pha goi khai gui nei.”

SUKI GUI 9:5

Ani cu apa im, Ophrah ah hteit neta, lung tumat ah khan ah aphäi nau gui chih-kip, Kideon ah hta gui cu ngawn gui ci. Cun ung phi Jotham, Kideon ah hta ak hmaw pi cu ng’thup pei sei kä ngawn tuk ci.

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

1 GHANGPUGHANG GUI 1:13

Ghangpughang David ah ang ghit ah hteit neta na pyen nak vai, ‘Bawi awi, ka hta Solomon cu nang ah hnün ung ghangpughang ah ngok khai ah akcang ah shai na tak ciah kä kya ne ang? A i hawkcha ah kyasei Adonijah cu ghangpughang ah a kyak law ang?