1 Corintios 9:2 - Manitanati Tuparrü

² Aboma bama namatü que arrüñü chütüpü apóstol ümoma. Pero aume ñemanauncurratoe apóstol ñü, itopiqui sobi apicococati Jesús. Aboi te tusio que apóstol ñü.

Manityanati Tupax

² Axtɨ ɨmo makiataka axɨñɨ chanankapɨñɨ isiuti Jesús. Tapɨ aume ñemanaunkuxatoe ta sane, axɨna uiche atusi ta tyopiki axaño kaɨma apikokokati Jesús.

1 Corintios 9:2 Referans Kwoze

2 Corintios 12:12

Bien ñasamunaunca abaübu. Itusiancata ausucarü ta ñemanauncurratoe apóstol ñü. Ñasamuca milagrorrü y señarrü taha abarrüpecu.

San Juan 6:27

Tapü apapacheca amutuburibo arrüna contoatai tacürusu, apapache amutuburibo arrüna ururau, arrüna bachebo süboriquirri arrüna champü nitacürurrü. Arrüñü Ñemanauncurratoe Ñoñünrrü, tone arrüna yacheca aume, itopiqui torrio isüriacabo uiti Tuparrü nauqui isamune sane.

San Juan 3:33

Pero arrübama icocotama tonema bama tusio ümoma ta ñemanauncurratoe nanaiña arrüna urapoiti Jesús ta tone nurarrti Tuparrü.

Hechos 1:25

nauqui asuriuti nesarrti cargorrü Judas tücañe numo apostoltiqui. Pero churriampataito yachücoiti, sane nauquiche tanati taha auna cauta nipenequirrti.

1 Corintios 9:3

Rranitana baeta ichacuñüantoe isucarü bama unumañü y churriampü nurarrüma iñemo.