YÔSUĀ 8:2 - TÖHET LĪPÖRE (Re-edited) Bible (BSI)

² Ngaich sā tīre më-eṅ tö Yerikō tök rācha e inrē öm in Ai töp rācha e inrē; höng nup tökē-ĕ pöri aṅ e, tö nup nuā aṅ e, anū-ö pôḵ yīö tökē-ĕ kanahngen yīö: ṙātö mahayunngöre nö höng ngam elpanam lamuh tö e.

YÔSUĀ 8:2 Referans Kwoze

I. CHÖNGÖ 20:14

Yip kikānö pöri, tö yip tö kun kūöṅnö, tö nup nuā, ṙòkhöre inrē nup el ngam elpanam, ṙòkhöre nup chehen ël e, kē-ĕ u më-eṅ nö pôḵ meh nö chehen meh: nyā-aṅvkūö më-eṅ inrē tö nup aṅ i yip tö kunyāhaṅ elmat tö meh pôḵ meh, nup kahëtö ngam Tēv ngam Mā Tēv nö in meh.

INCHŌḴ-OṘÔ 13:22

Ṙā-akūö yip kūön yip kūönre ön ngòh tölöök tarik tö amin, ṙātu pöri nup kanôlò tötlöök nö lumnööṙö tölöök,

2 KINṘÖTNGÖ 20:22

Hē cha nö kaknyöre nö tikökṙôre nö ha-öiny, ngaich ngam Mā Tēv nö ṙātö mahayun nö lā-al yik tarik aṅ Amön, Mô-ap, Rung Sēir inrē, yik yamih nö lā-al Yūtā, lökten cha ngaich nö parātiyö,

YÔSUĀ 6:21

Hatngö tī cha-a ngaich tö nuk taṙòkhöre el ngam elpanam, nö aṅtī tö sanët, hĕnghöre kikōnyö kikānö inrē, hĕnghöre tö-ayal tököiny inrē, kōiny nuā, sīṅp, köttö inrē.

YERIMIĀ 51:12

Asöklö ngam pantēra i nup kinlonglö Pēpilön; vīten amahati nö kalēḵ; asöklö tarik amahati; halēn nup chūök mahayun; tön ngaich an ngam Mā Tēv nö hālenhölö keuheūten inrē tö ṙô re tö inlahen yip aṅ Pēpilön.

YERIMIĀ 17:11

Sā ngam Patrich mahamūl kūönre tö nup töt yahum ò ngatī anga-aṅ ngam kamëḵ kanôlòre rö-ö pöri nö inlānen ò; i tūmö nup sākāmö ò anū-ö min nö ṙāngen ò, ip manāngen ò anga-aṅ min inrē nö tökulō-ov.

INCHŌḴ-OṘÔ 28:20

Pōyen inkôlò an min ngòh tökô-en tarik, anga-aṅ pöri ngòh tökurāten nö hòṅ kôlò öt hō min nö kiröönngöre nö öt sācha.

Salmai 39:6

Kôngen ön ngòh tarik nöng sā nyat; kôngen yin nöng tötöl: hamūl kanôlòre ön, ngaich öt akahakūö töp mahamūlö u min.

2 KINṘÖTNGÖ 13:13

Ngaich Yēropōam nö tīnngö mahayun nö havīngöre nö löktö lā uk cha; ngaich lökten yik kumyung in ò nö lākūö Yūtā, ngaich yik mahayun nö lā uk cha.

YÔSUĀ 10:28

Ik sakamö angū-ö Yôsuā nö kē-ē Makkatā, ngaich fangngö e nö aṅtī tö kūö sanët, tök rācha e inrē; keuheūtngöre vah tī anga-aṅ tö cha yik tö unhômu ël e, öt hēng tit tak ṙahāti anga-aṅ tö tö-ōtre: ngaich sā tīre anga-aṅ tök rācha aṅ Yerikō ngatī tī tök rācha aṅ Makkatā.

YÔSUĀ 10:1

Ngaich ngö inlahen angū-ö hē Atōnisētök ök rācha aṅ Yerūsalem nö hang tī Yôsuā nö kē-ĕ Ai; nö sā tīre tö Yerikō tök rācha e inrē, ngati tī anga-aṅ tö Aitök rācha e inrē nö vī lanāmö nö in Israĕl ngaich mūlhöt nö in cha;

YÔSUĀ 8:24

Ngaich ngö inlahen angū-ö, hē yik Israĕl nö keuheūtötī nö fëlngö yik aṅ Ai nö el kahôyö el tönyalnyi inrē ip chūök cha nö lū-u cha, ngaich ṙòkhngöre vah cha-a tökūö sanët, hanöng saha cha nö keuheūtngörevah ngaich möl yik Israĕl nö havan nö i Ai, ngaich fëlngen e nö aṅtī tö sanët.

YÔSUĀ 8:19

Choholre ngaich yik hamöng nö ka-eūyen nö ṙā-ang el chūökre, ilööṙen cha-a ngaich nö fël hē inteuntnyö kël ò, kuhēthötre ngaich nö el ngam elpanam, ngaich kē-ĕ e; föngtökūö ngam elpanam cha-a ngaich nö kaeūyen.

YÔSUĀ 8:14

Ngaich angū-ö nö ngö inlahen, hē ök rācha aṅ Ai nö meūkö e, kurāten cha-a ngaich nö kaeuilökūö nö choholre, ngaich kunyī-inyre yik tarik aṅ ngam elpanam nö lā-al Israĕl nö kiyung, hē ök ṙētak töhalēni, nö lākūö Arāpa, anga-aṅ tö yik tarik ò; hö-ö pöri anga-aṅ nö akahalōn tö yik hamöng lā-al ò lamuh tö ngam elpanam.

YÔSUĀ 8:12

Taneui köny yik tarik kahë ò, ngaich ṙāten cha anga-aṅ nö höng ihôi Pētĕl tö Ai, lā sung tö ngam elngam elpanam.

YÔSUĀ 8:9

Tīnngen cha ngaich Yôsuā nö im hinööngö, ngaich iyöng ihôi Pētĕl tö Ai, lā sūng tö Ai: im hatööm pöri angū-ö ang Yôsuā nöng iyöng in yik tarik.

YÔSUĀ 8:7

Ngaich choholre yī-ö min ṙeū-eung ip chūökre höng, ngaich kē ngam elpanam: pò ngam Tēv yīö ngam Mā Tēv min nö kētö e nö eltī yīö.

I. CHÖNGÖ 3:2

Ngaich ngö ṙô ngam Mā Tēv tö chu, Um pa-ekūö tö ò: tön kēten ò chin, ṙòkhöre yip tarik ò inrē, tö ngam panam ò, nö eltī yīö; ngaich më-eṅ min sā tī re tö Sihòn ök rācha aṅ Amôr, ök mī-iyöng Hespòn ngatī tī më-eṅ tö ò.

YÔSUĀ 8:3

Choholre ngaich Yôsuā, tö yik kumyung tarik nö ṙòkhöre, nö chuh Ai: Ngaich Yôsuā nö lūöi anāi köny atöllö tö tarik tökalēḵ töt pa-ekūö nö tarik, ngaich tīnngen cha tö hatööm.

YÔSUĀ 8:8

Ngaich min angū-ö, yē yīö kē ngam elpanam, föng tökūö ngam elpanam yī-ö min tö tameūyö; sāṙô ngam Mā Tēv ngatī tī yī-ö: yĕh meuk ngaich chin tölṙô yīö:

I. CHÖNGÖ 2:35

Höng nuk nuā pôḵ hī tökē-ĕ tö hī, holre tö nup chehen aṅ nup el panam tö kē-ĕ tö hī.

YÔSUĀ 9:3

Hē yik aṅ Kipīön pöri nö hang tī Yôsuā tö yik aṅ Ai tö Yerikō inrē,

YÔSUĀ 11:14

Ṙòkhöre nuk tökē-ĕ aṅ el në elpanam, nuk nuā inrē, kē-ĕ tö yik kūön Israĕl nö pôḵ cha nö kanahngen cha; ṙòkhöre pöri tarik nö fëli tö cha nö aṅtī tö kūö fël, hanöng saha cha nö hatngö tö tī cha, öt rĕhĕn cha-a nö ṙātö mu-uhôm.