YÔSUĀ 8:1 - TÖHET LĪPÖRE (Re-edited) Bible (BSI)

¹ Ngaich ngö ṙô ngam Mā Tēv tö Yôsuā, Un pa-ekūö, um rēhĕn rötngörāi: kē yip tarik man kumyung nö ṙòkhöre nö in meh, choholre, kuṙòh chuh Ai: yĕh meuk, ngaich chin kētö ap rācha Ai nö eltī meh, tö yip tarik ò, tö ngam elpanam ò, töm panam ò inrē.

YÔSUĀ 8:1 Referans Kwoze

YÔSUĀ 1:9

Röh öich chū-ö tamölrô meh? Ngëtöhëich hangë alahare inrē; un pa-ekūö, un rēhĕn ngāng alaha: tön in meh an ngam Tēv ngam Mā Tēv meh ip töng kū-ö meh kiröönngöre.

I. CHÖNGÖ 7:18

Uh yin pa-ekūö tö cha: köpölōn yin tö tī ngam Tēv yīö ngam Mā Tēv nö in Fërō, in yip aṅ Aikup inrē nö ṙòkhöre;

I. CHÖNGÖ 1:21

Yĕh meuk, ngam Mā Tēv yīö nö ngaich nö ṙātö ngam panam nö i kūö yīö: kuṙòh, kē-ĕ e nö amin yīö, sā ṙô ngam Mā Tēv nö in yīö, ngam Tēv yik muvöhngö yīö; un pa-ekūö, un rēhĕn rötngö rāi.

YÔSUĀ 6:2

Ngaich ngö ṙô ngam Mā Tēv tö Yôsuā, Yĕh meuk, ngaich chin kēten Yerikō nö eltī meh, töp rācha e, tö yip tökalēḵ tarik töt pinhë-eṅvkūö inrē.

I. CHÖNGÖ 31:8

Ngam Mā Tēv, anga-aṅ kumröönngöre nö urēhĕkūö meh; in meh an min, öt hō an min nö öt teunglentītö meh, öt hō nö rāngen meh: um pa-ekūö, um rĕhĕn ngāng alaha.

Isayā 43:2

Yē meh lök el mak, in meh chū-ö min; lök el tahël inrē ngaich anū-ö min nö öthōḵ nö pökngö tī tö meh: yē meh lök kūö tameūyö, ngaich öthō me-eṅ min ökngö; öt rēhĕn min ngam töhū kūö nö pachôllöngkūö nö i kui meh.

T. MËTIV 8:26

Ngaich ngö ṙô Anga-aṅ tö cha, “Kūöyòh öi pa-ekūö, Ō yī-ö tökūöṅnö mikah?” Choholre Anga-aṅ, ngaich vëkö ngam kuföt, ngam mai inrē; ngaich kalūöng takô.

TANĪ-ĔL 4:35

Ṙòkhöre yip aṅ ngam tumlat nö kaheuktu nöng törö-övö; kahang tīre sā lōn ò i nup el halīöngö in yip aṅ ngih tumlat inrē; öt hĕng tak tökô nö haköp kël ò hēk ngö ṙô tö ò, Suh ap la-en meh?

TANĪ-ĔL 4:25

Tö meh min ahōṙi ṙā-ang i tarik, ngaich öp elyöngö meh min nö holtöṙah nup töṙeūla el ngam kahôyö; vītuṙen me-eṅ min nyā kiyôp sā kōiny nūā, ngaich nyôp min me-eṅ tö tacham ngam halīöngö, sat van nup ṙētak min nö chööḵngö kui meh, hanöng saha meh akahalōn tö ngam Lamātulöng nö hayöng pūlngö tarik, kētö e inrē nö ip chūök lōn ò.

TANĪ-ĔL 2:21

Haṙīngö ṙētak an hē inrē; kēngö rācha an ha-ūichlö rācha inrē; kētö mikah an i tö-akaha inkaha inrē in cha yip tö-aṅhaṅv-in tö mikah elmat;

YERIMIĀ 46:27

Uh pöri me-eṅ pa-ekūö Ō tarik chu Yāköp, um rēhĕn ngangngökūö Ō Israel; Yĕh meuk, löktökūö tömarôvat chin min hayööken meh, yip kūön meh inrē löktökūö ip panam chūök inkövö cha. Havan ap min Yāköp ngaich chēvhakṙen min nö ngöh, öt hĕng tak min töpa-ekūö tī tö ò.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

Salmai 46:11

In hī an ngam Mā Tēv yip tömaṙôngö: ngam Tēv Yā-köp an innyatlö hī.

Salmai 44:3

Pò cha nö öt teūngen töm panam nö aṅtī tö minë fëlre, öt rēhĕn nuk kël cha nö hayöölen cha: tön ngam lahāmö kël meh, ngam takeun kël meh, ngam hanātö ngam arëkūö meh inrē, pò meh öm lā in cha lōn.

Salmai 27:1

Ëāṅvö chu an ngam Mā Tēv, inyôken chu inrē; chiāp min pinhë-eṅkūö chu? Ngam Mā Tēv an kumlēḵ ngih nômö chu; chiāp min pahë-e chu?

YÔSUĀ 7:9

Pò yip aṅ Kanā-an tö yip aṅ në panam nö ṙòkhöre min nö hāngö e, ngaich havīlen ih min, ngaich rökngö minë-eny ih nö ṙā-ang i kūö ngih panam: ngaich sitih inlahen min më-eṅ tö ngam tökiröng minë-eny meh?

YÔSUĀ 10:7

Lökten Yôsuā nö kiröönngöre nö ṙā-ang Kilkāl, anga-aṅ tö yik tarik kumyung hol ò, ṙòkhöre inrē yik tökalēḵ tarik töt pa-ekūö.

YÔSUĀ 10:8

Ngaich ngö ṙô ngam Mā Tēv tö Yôsuā, Uh man pa-ekūö tö cha: tön kēten cha chin nö eltī meh; öt hĕng tak min tarik aṅ-in cha tösökhak nö i kūö meh.

YERIMIĀ 49:3

Ō Hespòn, peuiny miṙivlōnre man tö Ai nö ngaich nö piṙāpi! Peuiny, yī-ö kikānö kūön Rapā! Kafānöre tö sāk, harāmöre, fal umu-aṅ ihī-a inrē i minë kinlōngö! Tön kiröönngöre öp min Milkòm nö ahötiyö, holtö yip kūönṙô ò tö yip kūön rācha ò inrē.

I. CHÖNGÖ 7:21

Uh man pa-ekūö tö cha: tön el ṙôngö meh an ngam Tēv meh ngam Mā Tēv, tökiröng nö Tēv, pinhë-eṅkūö inrē.

YÔSUĀ 2:24

Ngaich ngö ṙô cha-a tö Yôsuā, Kô-en an ngam Mā Tēv nö kētö në panam nö eltī hī; hēk inrē yip aṅ në panam nö yëngö nö i kūö hī.