YÔSUĀ 7:9 - TÖHET LĪPÖRE (Re-edited) Bible (BSI)

⁹ Pò yip aṅ Kanā-an tö yip aṅ në panam nö ṙòkhöre min nö hāngö e, ngaich havīlen ih min, ngaich rökngö minë-eny ih nö ṙā-ang i kūö ngih panam: ngaich sitih inlahen min më-eṅ tö ngam tökiröng minë-eny meh?

YÔSUĀ 7:9 Referans Kwoze

MANEUTNYI 32:12

Kūöyòh yip min aṅ Aikup nö hōḵnyu ṙô, nö ngö ṙô, Chööḵöinytö tö chōich An nö kēnyen cha pòn hòṅ fëlngen cha nö i kui minë rôngö, ahatngen cha inrē nö ṙā-ang i kūö ngih tumlat? Havööngökūö ngam tanānyöre man yĕh, havanrit ngih töchōich nö ṙā-ang i vē tarik meh.

Salmai 83:4

Ngö ṙô yin, Tā-a, töi rökngen cha nö pumnāmö tarik: hòn öt ngöhören nö köp ngam mine-eny Israĕl.

T. YÔHAN 12:28

Kūö e Chinri yih i ngih ṙētak. Kayöngö; hakôlò ngam Mine-enyre Man. Hē e, ök ṙô lamöktö el halīöngö, tö ngö, Ngaich Chin hakôlò e; hēk min inrē Öich hakôlò e,

YŌ-ĔL 2:17

Hökngen yip kūönṙô tö yip mameukṙen ngam Mā Tēv, nö peuiny nö ihôi ngam nyat rit tūi tö ngam tahāklö, höknyô cha nö ngö ṙô, Ō Mā Tēv, aṙēlö vē tarik re man, un kētu vē amin meh nö im minṙēngö, hòṅ vē pumnāmö tarik nö öt mināich tö cha: kūöyòh ṙöng aich min nö ngö ṙô nö i vē tarik, Isuh ap Tēv cha?

ISIKĪ-ĔL 20:9

Ngaich pöri chū-ö höng sā inlahen ngam minë-eny chu, öich sōḵngen e nö hachōichi nö i kuö pumnāmö tarik i yip chūök cha nö iyöng, yip mameūkö chu mikahtökūö cha töre i kinënyö cha nö ṙā-ang im panam Aikup.

I. CHÖNGÖ 9:28

Hòn öt ngö ṙô ap töṙā-ayö panam ṙeū-eung ih kēnyu tö meh, Kūöre an ngam Mā Tēv nö ötkô nö kēten cha nö ip panam öp ṙô ò nö kilēḵngôre nö in cha, kūö re inrē nö kunyaha elmat tö cha, kēnyen cha anga-aṅ nö kumpaha cha nö el tönyalnyi.

KINṘEŪKÖ 14:13

Ngaich Môsös nö ngö ṙô tö ngam Mā Tēv, Hāngö e yip min aṅ Aikup; pò Meh holtö minhôiṅyöre kēngen vē tarik nö ṙā-ang in cha;

YÔSUĀ 7:8

Ō Mā, sitih ṙô öich min unôich tö Israĕl nö hapungtö ukre nö i kūö yip lā-alre!

YÔSUĀ 7:10

Ngaich ngö ṙô ngam Mā Tēv tö Yôsuā, Choholre man; kūöyòh öm ngatī fāthakkūö afukngöre?

1 SAMUĔL 12:22

Tön öthō an ngam Mā Tēv nö ṙāngö vē tarikre tökūö ngam tökiröng mi ne-eny ò: pò e nö kumchiklōn ngam Mā Tēv nö vīlen yīö öi tarik ò.

Salmai 48:10

Sā ngam Minë-eny meh, Ō Tēv, ngatī ngam nöinyö meh söl i manā-angkūö ngih panam: tööḵlö an ngam la-hāmö eltī meh tö lanöökö.

Salmai 79:9

Holṙen ih, Ō Tēv, inyööken ih, nö ineū-euṅ ngam minë-eny Meh: ṙānyen ih inrē, ahetngö në tökööl ih, lökten im mine-eny Meh.

Salmai 83:5

Pò cha nö hĕngren lōn nö halēn ṙô re: lā-al Meh yin nö kilēḵngôre.

Salmai 115:1

Öt in ih, Ō Mā Tēv, öt in ih, ngam mine-eny Meh pöri tö ha-öinyö: kūö ngam miṙēlōn Meh, kūö ngam kanô-en Meh inrē.

MAIKA 7:10

Ngaich meūkö e min ngam tökunyaha elmat tö chu, ngaich öp sinrōngkūö min nö hanyatngen ò; ök tö ngö ṙô tö chu, Isuh ap mā Tēv ap Tēv meh? Hatīöken ò min në mat chu; ngaich an min tö ngamuh nö rööntu kui sā tilin el talöökö.