YÔSUĀ 7:7 - TÖHET LĪPÖRE (Re-edited) Bible (BSI)

⁷ Ngaich ngö ṙô Yôsuā, Aōla Ō Mā Tēv, kūöyòh ömeh havāngngö vē tarik nö i Yôtön, öm kēten hī eltī yip aṅ Amôr, öm hōten ih hatngö? Röh öi öre sòk höng kô-ònglōn iyöng lamuh tö Yôtön!

YÔSUĀ 7:7 Referans Kwoze

HEPRĀI 12:5

Vaichngö yin tö ngam ṙinūöhöl alaha, vame-ekūö, nö sā kūönre ṙô; Kakūönö, uh man höhölōn tö ngam vinëköre aṅ im Mā Tēv, um rēhĕn uhā-en yē meh chöken tö Ò.

2 RĀCHA 3:10

Ngö ṙô ngaich ök rācha aṅ Israĕl, Aōla! Pò ngam Mā Tēv nö havëten vē tölūöi tak rācha nö mūl nö kēten cha nö eltī aṅ Mô-āp.

T. MËTIV 17:20

Ngaich ngö ṙô Anga-aṅ tö cha, Kūö ngam kun mikahre yin. Tökô-ò ṙô Chin tö yīö, Yē öp mikah yīö öre, nöng sā ṙôngòng kun kulöl, ngaich kô-òren yī-ö ngö ṙô tö ngih rôngö, Kē-ĕngre; chuh umu-aṅ; ngaich kô-òren angū-ö nö kē-ĕngre; ngaich öthēngö, öt kanô-òṅ yī-ö.

T. MËTIV 17:17

Ngaich ngö ṙô Ang Yēsū, Ō tötakaha, töminôṙô tūmö; i rô-òten Öich min in yīó? I rô-òtö manöiyö Öich min in yīö? Kēten ò ihih, in chu.”

Salmai 116:11

Ngö ṙô chin i pinhe-eṅ kūö re: ṙòkhöre tarik nöng minyôny.

KINṘEŪKÖ 14:3

Angū-ö önguh lökten ngam Mā Tēv nö kēten hī i ngih panam, öi pôḵ sanët? Pôḵ fanël yin min vē pīhö hī tö vē kun kūön hī inrē; röh öi öre ĕhten havan i Aikup?

MANEUTNYI 17:3

Ngaich yik tarik nö umuh nö yal tö mak; ngaich siṙös ṙôre yik tarik nö lā-alkūö Môsös, nö ngö ṙô, Kūöyòh öm kēnyen ih ṙā-ang Aikup, öm kumpaha ih tö vē kūön ih tö në nuā ih inrē öm aṅtī tö yanālö?

MANEUTNYI 16:3

Ngö ṙô yik kūön Israĕl tö cha, Ĕhten in öre kapahtö tī ngam Mā Tēv ip panam Aikup, isaha ih ūichhakṙen i nup tanīönyö tö aṅtö alaha, isaha ih tööḵngen nyā rôtī; pò nā ngaich kēnyen ih löö el ngih tönyaṅlnyi, vē tömaṙôngö nö kumpahaivah tö neūköre.

KINṘEŪKÖ 14:16

Kūö ngam Mā Tēv nö ötkô nö kētö vē tarik nö im panam ngam ṙô Ò nö kilēḵngôre nö in cha, lökten an nö fëlngen cha nö el inchōn.

YÔSUĀ 7:6

Tikachngö inyutre ngaich Yôsuā, ngaich fātngökūöre nö, afukngöre nö el tumlat nö i kūö ngam kasòng chöngö ngam Mā Tēv nö söl harap, anga-aṅ tö yik minṙöinylen Israĕl inrē, tūi el kui re inrē cha-a tö tumlat.

YÔSUĀ 7:8

Ō Mā, sitih ṙô öich min unôich tö Israĕl nö hapungtö ukre nö i kūö yip lā-alre!

KAMHÔKA 20:23

(Ngaich yik kūön Israĕl nö kiröönngöre nö peuinynö i kūö ngam Mā Tēv söl harap; hatön ngam Mā Tēv cha-a, hēk öichu ṙūötöre im kinyūngö lā-al yip kūön Penyamin öp kahëm chu? Ngö ṙô ngam Mā Tēv. Kiröönngöre man lā-al ò.)

1 SAMUĔL 4:3

Ngaich hē yik tarik nö yih nö im elyöngö, ngaich ngö ṙô yik mā aṅ Israĕl, Sitih Ang ngam Mā Tēv nö fëlngen hī töngamuh i kūö vē filistain! Ta-a töi kē-ĕrö öp kasòng kinlēḵngô ngam Mā Tēv nö ṙā-ang Sailō nö in hī, hòṅ e nö yih nö in hī, ngaich hayöölen hī ṙā-ang eltī vē lā-al hī.