YÔSUĀ 7:6 - TÖHET LĪPÖRE (Re-edited) Bible (BSI)

⁶ Tikachngö inyutre ngaich Yôsuā, ngaich fātngökūöre nö, afukngöre nö el tumlat nö i kūö ngam kasòng chöngö ngam Mā Tēv nö söl harap, anga-aṅ tö yik minṙöinylen Israĕl inrē, tūi el kui re inrē cha-a tö tumlat.

YÔSUĀ 7:6 Referans Kwoze

Ranehlö 37:29

Havantöre ngaich Rūpön nö ik tö-ūlö, ngaich, yĕh meuk, öt ël ök tö-ūlö ang Yôsĕf; tikaichngö inyutre ngaich angā-aṅ.

Ranehlö 37:34

Tikaichngö inyutre ngaich ang Yāköp, ngaich fūmlöṙatre tö sāk, ngaich ṙōl sumkam nö sanòkngö ök kikōnyö kūönre.

INRĀMÖRE 2:10

Ūichhak yip maṙöinylö kikānö kūön Sīyôn nö el tumlat nöng öt ṙô-òvö; tūi kuire cha-a inrē tö tumlat hayūtöre inrē tö sāk; sōntö kui re nö el tumlat yip rēlö aṅ Yērusalem.

2 SAMUĔL 13:31

Chōholre ngaich ök rācha, tikāichngö inyūt re ngaich, ṙōlngöre ngaich nö el tumlat; ngaich yik tarik ò nöng sökhaka nöng takāicha inyut.

KINṘEŪKÖ 14:6

Ngaich Yôsuā ök kikōnyö kūön Nön tö Kalĕp inrē ök kikōnyö kūön Yĕfuneh nak mi-in cha nö ulāikö matre töm panam, nö tikaichngö inyutre.

INMEUKHÖMAT 18:19

Tūi elkuire cha-a ngaich tö tumlat, hūḵa inrē, peuny, ane inrē haṙivlōn, nö ngö ṙô. Ötkôlò, ötkôlò, ngam tökiröng elpanam, ngam chūök yip tö chōngu nö el mai, nö vīlöngö nö kôlò, tö kūö ṙôken nuk ṙāitī! Pòn höng i tö hĕng chinvāl ṙô inhangnang angū-ö nö vītu nö lëlngö.

INLAHEN 14:14

Hē nak tanīnöṙô pöri, nā Parnöpas, nāṅ Pôl, nö hāngö e, tikaichngö hilāre cha-a ngaich, ngaich faltöre nö i yik tömaṙôngö; nö hūḵa, nö ngö ṙô,

NGAM LĪPÖRE YŌP 2:12

Ngaich hē cha nö meūkan nö marôvat, öt akahakūö cha-a tö ò; peuiny cha-a ngaich nö pōitô; tikaichngö inyut re inrē cha-a tūi kui re inrē tö pitung nö kū-ötö el halīöngö.

NGAM LĪPÖRE YŌP 1:20

Choholre ngaich Yōp, ngaich tikaichngö inyutre, kuhākngö kui re inrē, afukngöre ngaich nö el tumlat, ngaich salām.

ESTÖR 4:1

Hē Môrtikai nö akahalōn tö nuk tökeuheūten, tikaichngö inyutre ngaich Môrtika; hayutlöre inrē tö sāk ngaich tūyöre tö tisum, kiröönngöre ngaich nö ellōn ök elpanam, harāmöre ngaich nö pōitô nö pānyô inrē nö peūny;

2 SAMUĔL 12:16

Lökten Tāvit nö vë-elkui ngam nyīö nö im Tēv; ahik inrē Tāvit, kuhēthötre ngaich hĕng mitööm ngaich nöng hulalhaka nö el tumlat.

2 SAMUĔL 1:12

Sanòk cha-a ngaich, ngaich harāmöre, söl harap inrē nö ahik tökūö Sôl, kūö ök kūön ò inrē kikōnyö Yônatan, kūö yik tarik ngam Mā Tēv, yik aṅ patī Israĕl inrē; pò cha nö fukngö tökūö fël.

1 SAMUĔL 4:12

Ngaich hēng tak ök umuh tarik aṅ Penyamin ṙāma-ang i yik kumyung, yamih nö i Sailō hē e nöng takācha inyut, tumlātu elkui inrē.

KAMHÔKA 21:2

Yih ngaich yik tarik nö i Pētĕl, ngaich i kūö ngam Tēv nö ūichhak söl harap, pōitô ngaich cha-a nö ayôṙa, kalē-ĕ ṙô inrē nö peuiny.

KAMHÔKA 20:26

Ngaich yik kūön Israĕl nö ṙòkhöre, yik tarik inrē, nö peūlöre, ngaich yih nö i Pētĕl, ngaich peuiny, ūichngöre ngaich nö umuh i kūö ngam Mā Tēv, söl harap ngaich nö ahik ik sakāmö angū-ö; kētö töföngö cha-a tökētu nö i kūö ngam Mā Tēv tökētu inrē nö inlāmö.

KAMHÔKA 20:23

(Ngaich yik kūön Israĕl nö kiröönngöre nö peuinynö i kūö ngam Mā Tēv söl harap; hatön ngam Mā Tēv cha-a, hēk öichu ṙūötöre im kinyūngö lā-al yip kūön Penyamin öp kahëm chu? Ngö ṙô ngam Mā Tēv. Kiröönngöre man lā-al ò.)

KINṘEŪKÖ 16:45

Kē-ĕngre man ṙā-ang i ngih ṙôngö tarik, hòṅ Chu keuheūtngen cha öt rô-òtu tī. Ngaich cha-a nö afukngöre nö fāthakkūö.

KINṘEŪKÖ 16:22

Ngaich cha-a nö afukngöre nö fāthakkūö, ngaich ngö ṙô, Ō Tēv, Tēv, ma-alaha taṙòkhöre tarik, ṙòkngöre chūök lanīnö Öm min i vē ṙôngö tarik yĕn hĕng tak öp tököölöfālen?

YÔSUĀ 7:7

Ngaich ngö ṙô Yôsuā, Aōla Ō Mā Tēv, kūöyòh ömeh havāngngö vē tarik nö i Yôtön, öm kēten hī eltī yip aṅ Amôr, öm hōten ih hatngö? Röh öi öre sòk höng kô-ònglōn iyöng lamuh tö Yôtön!

2 SAMUĔL 1:11

Ngaich Tāvit nö kētö tī re nö i inyut ò, tikachngö u ngaich: ngatī tī inrē anga-aṅ tö nuk mi-in ò nö ṙòkhöre:

2 RĀCHA 22:11

Ngaich ngö inlahen angū-ö, hē ök rācha nö hang nuk ṙô aṅmat ngam līpöre chöngö, tikaichngö inyut re ngaich anga-aṅ.

2 KINṘÖTNGÖ 34:19

Hē ök rācha nö hang nuk ṙô ngam chöngö tikaichngö inyutre ngaich anga-aṅ.

NGAM LĪPÖRE YŌP 42:6

Lökten chin ahūöngöre, ngaich havöötö ellōn re öich höng pitung, tisum inrē.

KAMHÔKA 11:35

Ngaich hē ò nö meūkan, tikaichngö inyut re ngaich anga-aṅ, nö ngö ṙô, Aōla, kūön chu kikānö! tumṙeūtu chin ngaich tö meh lā taṙeū. Ngaich man inrē sā cha yip mahakihten chu: pò chu ngaich vā-anykūöre im Mā Tēv, ngaich ötkô öich heūlritre.

2 SAMUĔL 1:2

Ngaich im linūöyö sakāmö, yĕh meuk, hĕng tak ök tarik yamih nö ṙā-ang elyöngö Sôl nöng chaṙësa inyut, aṅ el kui tö tumlat inrē, afukngöre ngaich nö salāman.

2 SAMUĔL 13:19

Tūilö tisum ngaich Tēmar nö elkuire, tikāichngö ök töṙōlkangen mirun mat inyutre inrē ök in ò; ngaich rup kui re anga-aṅ tö eltī re, kiröönngöre ngaich, nö pōitô nöng paneuinyngöre nö kiröönngöre.

ESRĀ 10:1

Hē Esrā nö ṙònghöichṙen nö vë-ekūötēv ve-eny tökööl re inrē, peuiny afukngöre inrē nö i kūö ngam patī ngam Tēv, maṙôngö yip tarik tömūl, nyīö inrē, hamūlöre nö in ò aṅ in yik Israĕl; pò yip tarik nö kalē-ĕṙô nö peuiny.

NAHIMIĀ 9:1

Im innët anāi fën sakāmö ngòh chingëṅt yik tarik Israĕl nö hamūlöre nö ahik inyut tö sāk inrē, tumlat inrē nö el kui cha.

ESTÖR 4:3

Keuheūtngöre chūök nö i nup panam, nuk tö yīhivö tök chöngö ök rācha, ök yöng miṙivlōn nö in yik Yahūti, hol tö inhīkö, pineūnyö, inrāmöre inrē, maṙôngö yik in cha töhulalhaka nö inyuttö sāk tisum inrē.