YÔSUĀ 7:12 - TÖHET LĪPÖRE (Re-edited) Bible (BSI)

¹² Lökten yip kūön Israĕl nö ötkô nö sökhak nö i kūö yip lā-alre, hapungtö uk re pöri cha-a nö i kūö yip lā-al cha, pò chān ngaich nö vīngöre nö töt hakôlöngṙô: hö-ö chin ngaich ngöhöre in meh höng yēḵ yīö ahatngö nup tökētu chehen nö ṙā-ang in yīö.

YÔSUĀ 7:12 Referans Kwoze

Isayā 59:2

Nup tökööl yīö pöri tököhngen tī tö hôi yīö tö ngam Tēv yī-ö inrē, hanyatngö kūö ò inrē nup tökööl yīö tö yīö, lökten an nö öt hang.

KAMHÔKA 2:14

Tōttöre kūö ngaich ngam lanīnö ngam Mā Tēv nö in Israel ngaich kēten cha anga-aṅ nö eltī yik tömināch yik maha-āich-ngen cha, inyihngen cha anga-aṅ inrē nö eltī yik lā-al cha maha-vīlen cha, lökngen cha nö öt ōtre kanô-òṅ nö sökhaka nö i kūö yik lā-alre.

KINṘEŪKÖ 14:45

Peūtöre ngaich yik aṅ Amelek tö yik aṅ Kanā-an inrē yik mi-iyöng kui ngam rôngö, fëlö cha ngaich, öt kô-òtī tö cha, uroh nö tölngö Hôrmah.

YÔSUĀ 6:18

Ngaich yī-ö inrē ṙūöhöngre tö nup tökētu chehen, hòṅ yīö yē yīö aṅhāṅv in tö tökētu, ngaich yī-ö öt kē nup chehen tökētu; ngaich yī-ö min vīten ngam elyöngö Israĕl nö tötkôlò, ngaich hakihten e.

I. CHÖNGÖ 7:26

Uh më-eṅ kēhöt sinòṅkūö el patīre, öm kētöre sā u nö tö kētu: sā-òkhö uh man nö ṙòkhöre sōḵo u inrē nö ṙòkhöre; tön tökētu an angū-ö nö i insātēv.

HAPAKŪK 1:13

Me-eṅ tö mötlö hanëtö elmat öm tötkô meuk tötlöök, töt kô inrē öm meuk inhôngen, kūöyòh öm hatīönken cha yip mahachīlngö vah tī re, ngaich öm höng öt ṙô-òv hē ngam tötlöök nö ngeūṅktö ngam tarik tö mötlö lanöökö tö ò?

HŌSĪ 9:12

Pòrô cha-a nö haruklö kūön re sön chū-ö min miṙivngölōn cha, nö öt hĕng tit tak tarik tö ōtre: hôṅ, töt kôlò yip cha-a inrē hē chu min ṙāngen cha!

YERIMIĀ 23:33

Hē öp töhĕng tak aṅ in vē tarik, hēk hĕng tak pròfĕt, hēk hĕng tak kūönṙô mahatönö meh, Suh ap tölangan aṅ im Mā Tēv? Ngaich ngö ṙô min me-eṅ tö cha, Yī-ö yin lumngan, kavalngen yīö chin min, ṙô ngam Mā Tēv.

YERIMIĀ 6:8

Ō Yērusalem, höngöre man yēḵ, hòṅ chu öt haköhngen re ṙāngen meh; hòṅ chu öt vīten meh payāyi, töt aṅhaṅvkūö panam.

INCHŌḴ-OṘÔ 28:1

Falngöre ngòh tötlöök yĕn öt hĕng tak lamū, sā lāyön pöri ngòh tölöök nö öt pa-ekūö.

KAMHÔKA 2:4

Ngaich ngö inlahen angū-ö, hē ök ma-ahānga aṅ im Mā Tēv nö ṙônyö në ṙô nö in yik kuön Israel, kaknyöre ngaich yik tarik nö pōitô, peuny inrē.

KINṘEŪKÖ 14:39

Ngaich Môsös nö vë-eny në ṙô nö in yik kūön Israĕl nö ṙòkhöre: ngaich ṙòkhöre yik tarik nö kiröngö miṙīvlōn.

KAMHÔKA 16:20

Ngaich ngö ṙô anga-aṅ, Semsön Filistian yin vē in meh. Choholre ngaich anga-aṅ nö ṙā-ang ik inṙôhò, ngaich ngö ṙô, Hòṅ kunnyī-inyre chin sāre ṙung, öich piyònglö alahare. Öt akahalōn pöri anga-aṅ tö ngam Mā Tēv nö rāngen ò.

1 SAMUĔL 14:38

Ngö ṙô ngaich ang Sôl, Ṙūötöre yin ihih, yī-ö mākūö vē tarik: ngëichkö öp chūök ngih tökööl i ngih sakāmö hôiṅ akahalōn.

Salmai 44:10

Vīten ih më-eṅ ngaich hapungtö ukre tö yip lā-alre: ngaich cha-a yip tösumrīk tö ih nö pôten ih.

Salmai 60:10

Röh öm höng më-eṅ, Ō Tēv, kamvalngen ih: ngaich rö-ö me-eṅ kiröönngöre in ih kiyung?

KINṘEŪKÖ 14:42

Uh yin kiröönngöre, tön öt in yīö An ngam Mā Tēv; hòṅ yīö öt fëliyö i kūö yip lā-al re.

KINṘEŪKÖ 14:43

Tön umuh yip aṅ Amelek i kūö yīö tö yip aṅ Kana-aṅ inrē, ngaich yī-ö min pôḵ fël: pò yīö havanritre ṙā-ang i tinömörit ngam Mā Tēv, lökten ngam Mā Tēv nö öt hol yīö.