YÔSUĀ 6:2 - TÖHET LĪPÖRE (Re-edited) Bible (BSI)

² Ngaich ngö ṙô ngam Mā Tēv tö Yôsuā, Yĕh meuk, ngaich chin kēten Yerikō nö eltī meh, töp rācha e, tö yip tökalēḵ tarik töt pinhë-eṅvkūö inrē.

YÔSUĀ 6:2 Referans Kwoze

I. CHÖNGÖ 7:24

Kēten yip rācha min anga-aṅ nö el tī meh, ngaich më-eṅ min vītö nup minë-eny cha nö hatngö nö el katòh ngam halīöngö: öt tarīku min tökô nö sökhaka nö i kūö meh, hanöng saha meh hatngö tī tö cha.

YÔSUĀ 8:1

Ngaich ngö ṙô ngam Mā Tēv tö Yôsuā, Un pa-ekūö, um rēhĕn rötngörāi: kē yip tarik man kumyung nö ṙòkhöre nö in meh, choholre, kuṙòh chuh Ai: yĕh meuk, ngaich chin kētö ap rācha Ai nö eltī meh, tö yip tarik ò, tö ngam elpanam ò, töm panam ò inrē.

YÔSUĀ 2:24

Ngaich ngö ṙô cha-a tö Yôsuā, Kô-en an ngam Mā Tēv nö kētö në panam nö eltī hī; hēk inrē yip aṅ në panam nö yëngö nö i kūö hī.

YÔSUĀ 2:9

Ngaich ngö ṙô ök kikānö tö nak tarik, Akahalōn chin tö ngam Mā Tēv nö kētö ngih panam nö in yīö, ngaich ngam pinhë-ekūö ih tö yīö inrē nö fuk kui ih, ngaich ṙòkhöre inrē vē aṅ ngih panam nö yëngö nö i kūö yīö.

NAHIMIĀ 9:24

Ngaich lökten yik kūön nö kiröönngöre nö kē ngam panam, ngaich më-eṅ inrē tumṙeūtö yik aṅkūö ngam panam nö i kūö cha, yik aṅ Kanā-an, ngaich kēten cha nö eltī cha, holtö yik rācha tö yik tarik aṅ ngam panam inrē, pòn hōtu cha-a nö kahngö tīre tö cha.

TANĪ-ĔL 4:17

Lamökten i chöngö yip amahāṅti ön ngih sācha, lamökten i ṙô yip töhet ngam chöngö, pòn hōtu yip tö-aṅ nö akahalōn tö ngam Lamātulöng nö hayöng pūlngö tarik, ngaich kētö e ip chūök lōn ò, ngaich i kui e tī nö ha-uichtö öp manā-angkūö ṙôngòng tarik.

TANĪ-ĔL 2:21

Haṙīngö ṙētak an hē inrē; kēngö rācha an ha-ūichlö rācha inrē; kētö mikah an i tö-akaha inkaha inrē in cha yip tö-aṅhaṅv-in tö mikah elmat;

2 SAMUĔL 5:19

Ngaich ngö ṙô Tāvit nö hatöntöre nö im Mā Tēv, Kiröönngöre öichu lā-al yip Filistain? Kēten cha öm min eltī chu? Ngaich ngö ṙô ngam Mā Tēv tö Tāvit, Kiröönngöre man kuṙòh: tön öt hō chin öt kēten yip Filistain nö eltī meh.

KAMHÔKA 11:24

Röh öm öre më-eṅ amīnu töp kahëtö ngam Tēv meh Kimòs nö in meh nö amin meh? Lökten yip töṙā-aiṙen tö aminre tö ngam Tēv ih ngam Mā Tēv nö i kūö ih, ngaich amin ih anū-ö.

KAMHÔKA 11:21

Ngaich ngam Tēv Israĕl, ngam Mā Tēv, nö kēten Sihòn tö yik tarik ò inrē nö ṙòkhöre nö eltī Israĕl, fëlngen cha ngaich acha-a; lökten Israĕl nö amīnu töm panam yip Amôr, tö yip aṅ ngam panam angū-ö.

TANĪ-ĔL 4:35

Ṙòkhöre yip aṅ ngam tumlat nö kaheuktu nöng törö-övö; kahang tīre sā lōn ò i nup el halīöngö in yip aṅ ngih tumlat inrē; öt hĕng tak tökô nö haköp kël ò hēk ngö ṙô tö ò, Suh ap la-en meh?

TANĪ-ĔL 2:44

I nup sakāmö yip rācha min ngam Tēv ngam halīöngö min nö asöklö öp pūlngö öp töthētu nö payāyi min, ötrēhĕn öp inyöngö tö e nö ṙā-ai nö i tahëng tarik. Panyënyö tī öp min nö likölngö nup pūlngö nö ṙòkhöre, ngaich kētö manāngen u, ngaich sökhak anū-ö min nö örheūheu.

TANĪ-ĔL 5:18

Ō rācha, ngam Tēv Lamātulöng an kamë-eṅkūö Nēpukatnēsör ök yöng meh tö inyöngö, kinröngö, kanôlò minā-aṅ inrē;

YÔSUĀ 6:1

Öpikūö ngaich Yerikō tökūö yik kūön Israĕl: öt kumnyī-inyrevö, öt kumhēthötrevö inrē.

YÔSUĀ 6:3

Ngaich yī-ö min havī ngam elpanam, hĕng van öi kiröönngöre havī ngam elpanam, ṙòkhöre yip tarik kumyung. Tafūöl sumkam yī-ö öi ngatī inlahen.

YÔSUĀ 12:9

Ök rācha aṅ Yerikō, hĕng tak; ök rācha aṅ Ai, ök hol Pētĕl, hĕng tak;

YÔSUĀ 20:1

Ngaich ngam Mā Tēv nö vë-ekūö Yôsuā, nö ngö ṙô,