YÔSUĀ 3:6 - TÖHET LĪPÖRE (Re-edited) Bible (BSI)

⁶ Ngaich vë-ekūö yik kūönṙô ang Yôsuā, nö ngö ṙô, havāngngöre yin urēhĕkūö më tarik keun ngam kasòng chöngö. Keunlöre cha-a ngaich töm kasòng chöngö, kiröönngöre ngaich nö urēhĕkūö yik tarik.

YÔSUĀ 3:6 Referans Kwoze

MAIKA 2:13

Urēhĕkūö cha an nö ngaich ngam ṙamānyö: talungköiny yin nö ngaich nö kū-ö tö kūö inkūp, ngaich löknyö in e nö kunyī-inyre: urēhĕkūö cha ngam rācha cha, ngaich ngam Mā Tēv nö yöngkūö cha.

YÔSUĀ 3:3

Ngaich cha-a nö tölṙô yik tarik, nö ngö ṙô, hē yīö meuk ngam kasòng chöngö ngam Tēv ngam Mā Tēv yīö, ngaich keūnö e yip kūönṙô yip Lēvī, ngaich yī-ö min ṙā-ang ngam chūökre, ngaich tömrit e.

KINṘEŪKÖ 14:15

Yē Meh min töngamuh fëlngen vē tarik nö sā nyāha töng hĕng tak tarik, ngaich yip pumnāmö tarik yip hamang ineū-eu Meh nö ngö ṙô min,

KINṘEŪKÖ 10:33

Kiröönngöre cha-a ngaich nö ṙā-ang im ṙôngö ngam Mā Tēv nö lūöi sumkam röön; urēhĕkūö cha ngam kasòng chöngö ngam Mā Tēv nö lūöi sumkam röön, nö chöh chūök haneūheu cha.

HEPRĀI 6:20

In e nö sā mu-urĕh Ang Yēsū nö kuhēthötre tö pòkūö hī, ngaich nö örheūheu nö mākūö kūönṙô sā ngam chöngö Melkisētĕk.

YÔSUĀ 3:5

Ngaich ngö ṙô Yôsuā tö yik tarik, Ahetlöre yin; tön huṙöich an min ngam Mā Tēv nö la-evṙen tö pinngangkūö nö in yīö.

YÔSUĀ 3:7

Ngaich ngö ṙô ngam Mā Tēv tö Yôsuā, Hapōilen meh chin min i ngih sakāmö i kūö Israĕl nö ṙòkhöre, hòṅ cha nö akahalōn, tö chu sāre misī in Môsös ngatī chū-ö min in meh.

1 RĀCHA 8:3

Yit ngaich nö ṙòkhöre yik mākūö Israĕl, ngaich yik kūönṙô nö keunlö ök kasòng.

2 KINṘÖTNGÖ 5:4

Yih ngaich nö ṙòkhöre yik mā Israĕl, ngaich yik Lēvī nö chātlö ök kasòng.

YÔSUĀ 6:6

Ngaich Yôsuā ök kikōnyö kūön Nön nö havëtö yik kūönṙô, ngaich ngö ṙô tö cha, Keunlöre töm kasòng chöngö, hökngen yip tösat tak kūönṙô nö sātö kum tö römpet nup sinrōl kūön sīṅp nö urēhĕkūö ngam kasòng ngam Mā Tēv.