YÔSUĀ 3:5 - TÖHET LĪPÖRE (Re-edited) Bible (BSI)

⁵ Ngaich ngö ṙô Yôsuā tö yik tarik, Ahetlöre yin; tön huṙöich an min ngam Mā Tēv nö la-evṙen tö pinngangkūö nö in yīö.

YÔSUĀ 3:5 Referans Kwoze

YÔSUĀ 7:13

Choholre, ahetlö më tarik, ngö ṙô, Ahetlöre yin höng öp huṙöich: tön ngö ṙô an ngam Mā Tēv, ngam Tēv Israĕl, Tökētu nup umuh chehen elṙôngö meh, Ō Israĕl: ötkô man sökhak i kūö yip lā-al re, hanöng saha nup tökētu chehen nö kē-ĕyö nö ṙā-angin yīö.

LA-EN LĒVĪ 20:7

Lökten yin ahetlöre, het yī-ö inrē: tön Chū-ö Chin Tēv meh Öich Mā Tēv.

YŌ-ĔL 2:16

Hamūl yip tarik, ahetlö yip tömaṙôngö, hamūl yip minṙöinylen tarik, hamūl yip nyīö, cha-a inrē yip pamôḵ: hökngen öp töhapīhö kikōnyö nö kunyī-inyre nö ṙā-ang el urôhò re, öp töhapīhö kikānö inrē nö ṙā-ang el kun urôhò re.

1 SAMUĔL 16:5

Ngaich ngö ṙô anga-aṅ, Lāmö yanīhih chin: yih chin kētö tökētu im Mā Tēv: ahetlöre yin, yihtöre in chu ing tökētu. Ahetlen Yēsī ngaich anga-aṅ tö yik kikōnyö kūön ò, havëten cha ngaich nö ik tökētu.

T. YÔHAN 17:19

Pò kūö cha Chin ahetlöre, hòṅ cha cha-a inrē nö ahetlöngö, nö im kanô-en.

LA-EN LĒVĪ 10:3

Ngaich Môsös nö ngö ṙô tö Āròn Angū-ö ön ngih ṙô ngam Mā Tēv nö ngö ṙô, Ahetlöng chin min in cha yip maharöhtöre nö in chu, ngaich i kūö yip tarik nö ṙòkhöre öich hapōilöngö min. Ngaich höng öt ṙô-òvö Āròn.

Salmai 86:10

Pò Meh Öm tikiröng, vamī pinngangkūö inrē: höng hĕng tak Man Tēv.

NGAM LĪPÖRE YŌP 1:5

Ngaich hē nuk sakāmö nyinā-aṅ nö ṙònghöichṙen ngaich Yōp nö söömtö inhetlö cha, ngaich ka-euilö kūö anga-aṅ tö peuheū nö choholre nö kētö töföngö tökētu asā tum tak cha nö ṙòkhöre; pòn ngö ṙô Yōp, Lohten yip kūön chu kikōnyö nö köölö fālen, ötlēḵkôre inrē tö ngam Tēv nö ellōnre. Ngatī inlahen ang Yōp nö örheūheu.

YÔSUĀ 3:13

Ngaich angū-ö min, hē nup elröön yip kūönṙô yip kameun ngam kasòng ngam Mā Tēv, ngam Mā taṙòkhöre panam, nö röönhak nö el ngam mak Yôtön, röki min ngaich ngam mak Yôtön ngam töhëmti nö löktö lātulöng; fônghak min angū-ö nö söktöheichṙen.

YÔSUĀ 3:15

Ngaich hē cha yip kameunkö ngam kasòng nö sölta nö i Yôtön, kasumtöre röön inrē nö sölta nö i Yôtön, kasumtöre röön inrē yip kūönṙô nö el ngam mak yip kameunkö ngam kasòng, (Pò Yôtön nö taṙēichlöng kui i rô-òten inmūlö ṙòng sāiny,)

KINṘEŪKÖ 11:8

Hamūlö e yik tarik nö kiröönköre, ngaich tilönö e hēk sōngö e inrē, sūmö e inrē nö el tanīöyö, ngaich vī-i e nö kēk: ngaich ök nyīnā-aṅ e nöng sā nyinā-aṅ tufömngöre tavī-i.

YÔSUĀ 3:4

Hôyu min yī-ö ihôi yīö tö e, nët köiny sumkôngö kinlaha: un haröhtöre nö in e, hòṅ yīö akahalōn tö talöököre kiröönngöre; tön rö-ö yin ha-eh lök ngih talöökö.

YÔSUĀ 3:6

Ngaich vë-ekūö yik kūönṙô ang Yôsuā, nö ngö ṙô, havāngngöre yin urēhĕkūö më tarik keun ngam kasòng chöngö. Keunlöre cha-a ngaich töm kasòng chöngö, kiröönngöre ngaich nö urēhĕkūö yik tarik.

Salmai 77:15

Ṙānyö vē tarik re Man ngaich, Öm aṅtī tö ngam kël re: vē kūön Yāköp. Yôsĕf inrē.