YÔSUĀ 24:1 - TÖHET LĪPÖRE (Re-edited) Bible (BSI)

¹ Ngaich Yôsuā nö hamūlten yik miyöngö Israĕl nö i Sīkem, havëtö yik minṙöinylen Israĕl inrē, tö yik yöngkūö cha, tö yik ma-akah fālen cha, yik mākūö kumyung cha inrē; yihtöre cha-a ngaich nö i kūö ngam Tēv.

YÔSUĀ 24:1 Referans Kwoze

YÔSUĀ 23:2

Havëten yik Israĕl ngaich Yôsuā nö ṙòkhöre, yik minṙöinylen cha yik yöngkūö cha inrē, tö yik ma-akah fālen cha mākūö kumyung cha inrē, ngaich ngö ṙô tö cha, Köiny chin ngaich sööḵlö inrē i samyeūheu:

1 SAMUĔL 10:19

Sōk-o ngam Tēv re pöri yī-ö in ngih sakāmö ngam mahayööken yīö ṙā-ang i nup taṙòkhöre öt kanôlò yīö kanihngen yīö inrē; ngaich ngö ṙô yī-ö tö ò, Hö-ö, ha-ūichlö rācha pöri i kui ih. Lökten hameuktöre yin töngamuh ikūö ngam Mā Tēv i miyöngö yīö, i tun köṅny yīö inrē.

INLAHEN 10:33

Ngaich ilööṙen chū-ö tīnngö lamukken meh; ngaich me-eṅ löök öm yih. Ṙòkhöre in īhö ngaich ihih, i kūö ngam Tēv; öi hòṅ hang nup taṙòkhöre tinöölô meh tö ngam Mā Tēv.

1 RĀCHA 12:1

Ngaich chuh Sikem ang Rēhōpoām, pòn ṙòkhöre yik aṅ Israel nö yih nö i Sikem nö vīlen ò nö rācha.

Ranehlö 12:6

Tufunngöre Aprām nö lök ip panam Sikem, ip chōn tarpin i Môrē. Ngaich yip aṅ Kanā-aṅ nö umuh ik panam.

Ranehlö 35:4

Ngaich achā-a nö keuhēuttöre tī tö nuk insātēv nö in Yāköp nuk më-eltī cha, nuk i nang cha inrē kinlölnang; hayunngö u ngaich Yāköp nö i rööntö ök ōk ök i Sikem.

I. CHÖNGÖ 29:9

Lökten haköp në ṙô ngih kinlēḵngô, la-evṙen inrē tö u, hòṅ yīö kôlòṙen i nup vahīṙen.

YÔSUĀ 20:7

Ngaich cha-a nö haköhngen Kates i Kelelī ip rung panam Naftalī, Sīkem inrē ip rung panam Ifrēm, Kirīatarpā inrē (angū-ö an Hepròn), ip-rung panam Yūta.

KAMHÔKA 20:26

Ngaich yik kūön Israĕl nö ṙòkhöre, yik tarik inrē, nö peūlöre, ngaich yih nö i Pētĕl, ngaich peuiny, ūichngöre ngaich nö umuh i kūö ngam Mā Tēv, söl harap ngaich nö ahik ik sakāmö angū-ö; kētö töföngö cha-a tökētu nö i kūö ngam Mā Tēv tökētu inrē nö inlāmö.

2 RĀCHA 23:1

Tīnhanga ngaich ök rācha ngaich cha-a nö hamūlten yik mā aṅ Yūtā nö in ò aṅ Yērusalem inrē.