YÔSUĀ 23:3 - TÖHET LĪPÖRE (Re-edited) Bible (BSI)

³ Ngaich yī-ö meuk tī ngam Tēv yīö ngam Mā Tēv tö vē pumnāmö tarik nö ṙòkhöre tö pòkūö yīö; pò ngam Tēv yīö ngam Mā Tēv, anga-aṅ An kumyunglen yīö.

YÔSUĀ 23:3 Referans Kwoze

MANEUTNYI 14:14

Ngam Mā Tēv an min kumyunglen yīö, uh yī-ö min ṙô-òvö inrē.

YÔSUĀ 10:42

Kē-ĕ yik rācha nö ṙòkhöre tö nuk panam cha inrē tö Yôsuā nöng hĕngtumtī, pò ngam Mā Tēv, ngam Tēv Israĕl, nö kiyunglen Israĕl.

YÔSUĀ 10:14

Öt sakāmuvö tösā e nö lā-urĕh tö e hēk lā-unôich tö e, tö ngam Mā Tēv nö hang ṙô tarik: pò ngam Mā Tēv nö kiyunglen Israĕl.

MALAKI 1:5

Meuk nun min minë mat yīö, ngaich ngö ṙô yī-ö min, Hapōilöng an yēḵ ngam Mā Tēv nö vāngngö tö kūöngö panam Israĕl.

I. CHÖNGÖ 20:4

Pò ngam Tēv ngam Mā Tēv nö anga-aṅ kumröönngöre nö hol meh, nö kiyunglen meh lā-al yip tö kunyāhaṅ elmat tö meh, nö hayööken meh.

I. CHÖNGÖ 4:9

Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.

I. CHÖNGÖ 1:30

Ngaich ngam Mā Tēv ngam Tēv yīö nö kiröönngöre nö urēhĕkūö yīö, anga-aṅ an min kumyunglen yīö, sā nuk tī ò i Aikup tö pòkūö yīö nö i kūö minë mat yīö;

YÔSUĀ 23:10

Lūḵ töhĕng köny öp min töhĕng tak tarik in yīö: pò ngam Tēv ngam Mā Tēv, anga-aṅ an kumyunglen yīö, sā ṙô ò tö yīö.

ISIKĪ-ĔL 20:28

Pò chu hē chu kēten cha i ngih panam öich chūökuṙô kētö e in cha, ngaich yē cha nöng meuk tömarô-òlkui rung hēk tölīpö rōi chōn in e cha-a ngaich nö kētö tökētu ngaich kētö inrunnyö lanīnö aṅ i nup kahëtö cha; in e cha-a nö söömlö nuk tökuchīkö tinveūkö, in e cha-a inrē nö ṙösnyö tökētu tö-ôkö tö cha.

MANEUTNYI 19:4

Meuk nuk tī chu yin ngaich i yik aṅ Aikup, tö inlahen chu inrē in yīö öich keūnö yīö i rōi kël matēṙö, öich kēten yīö in Chu inrē.

I. CHÖNGÖ 7:17

Yē yīö min ngö ṙô ellōnre, Maṙôngö yin vē pumnānö tarik tö ih, sitih kanô-òṅ öi ahōngen cha?

I. CHÖNGÖ 7:24

Kēten yip rācha min anga-aṅ nö el tī meh, ngaich më-eṅ min vītö nup minë-eny cha nö hatngö nö el katòh ngam halīöngö: öt tarīku min tökô nö sökhaka nö i kūö meh, hanöng saha meh hatngö tī tö cha.