YÔSUĀ 23:2 - TÖHET LĪPÖRE (Re-edited) Bible (BSI)

² Havëten yik Israĕl ngaich Yôsuā nö ṙòkhöre, yik minṙöinylen cha yik yöngkūö cha inrē, tö yik ma-akah fālen cha mākūö kumyung cha inrē, ngaich ngö ṙô tö cha, Köiny chin ngaich sööḵlö inrē i samyeūheu:

YÔSUĀ 23:2 Referans Kwoze

YÔSUĀ 24:1

Ngaich Yôsuā nö hamūlten yik miyöngö Israĕl nö i Sīkem, havëtö yik minṙöinylen Israĕl inrē, tö yik yöngkūö cha, tö yik ma-akah fālen cha, yik mākūö kumyung cha inrē; yihtöre cha-a ngaich nö i kūö ngam Tēv.

1 KINṘÖTNGÖ 28:1

Yēruselem ang Tāvit nö hamūl yik mā kūö Israĕl, yik mā kūö yik miyöngö, yik yöngṙen yik tömichööḵlöng kumyung yik lamök la-en ök rācha, töchöngu i tököṅyu, töchöngu i töṙôngu, yōm nuk inlānen nuā ök rācha inrē tö yik kikōnyö kūön ò, holre tö yik mā kūö patī rācha, tö kalēḵ tarik, ṙòkhöre inrē yik töha-eh nö kiyung.

I. CHÖNGÖ 31:28

Hamūltö yip minṙöinylen in chu nö ṙòkhöre i miyöngö yīö, yip yöng kūö yīö kiyung inrē, hòṅ chu elnang cha ṙô tö në ṙô, havëkö ngam halīöngö inrē tö ngam tumlat nö mameuk nö lā-al yīö.

YÔSUĀ 23:3

Ngaich yī-ö meuk tī ngam Tēv yīö ngam Mā Tēv tö vē pumnāmö tarik nö ṙòkhöre tö pòkūö yīö; pò ngam Tēv yīö ngam Mā Tēv, anga-aṅ An kumyunglen yīö.

YÔSUĀ 13:1

Köiny ngaich ang Yôsuā sööḵngö tö ṙētöre inrē; ngaich ngö ṙô ngam Mā Tēv tö ò, Ngaich man köiny sööḵngö inrē tö ṙētöre, ngaich ōttit nup panam töhòṅ kē-ĕ.

1 SAMUĔL 12:2

Yĕh meuk, ngaich an ngam rācha töngamuh nö lök i kūö yīö ngaich chū-ö köiny pakū-uvkui inrē; yĕh meuk, in yīö nan minā kūön chu kikōnyö: lök i kūö yīö chin chū-ö ngaich inrē löktökūö ik nyinī-öre söl in töngamuh.

1 RĀCHA 1:1

Köiny ngaich ök rācha Tāvit sööḵngö inrē nö i samyeūheu re; ngaich cha-a nö kahumngen ò tö hilā, hö-ö pöri anga-aṅ nö ṙāich.

1 RĀCHA 8:1

Ngaich ang Sòlòmön nö hamūl yik mā i Israĕl, ṙòkhöre inrē yik mākūö miyöngö tö yik kūön rācha lamökngö rit yik muvöhngö yik kūön Israĕl, nö ik rācha Sòlòmön nö i Yērusalem, nö kēlö kasòng kinlēḵ-ngô ngam Mā Tēv nö ṙā-ang el panam Tāvit, ök i Sīyôn.

1 KINṘÖTNGÖ 23:2

Hamūl yik yöngṙen ang Tāvit nö ṙòkhöre i Israĕl tö yik kūönṙô yik Lēvī inrē.

1 KINṘÖTNGÖ 27:27

I kui panô-òṅ vāin ang Sēmë-i aṅ Ramat; i kui nup ṙòng vāin i nup chūök vāin ang Saptī aṅ Sīfim.