YÔSUĀ 2:6 - TÖHET LĪPÖRE (Re-edited) Bible (BSI)

⁶ Kēlen cha pöri anga-aṅ nö i kui patī, ngaich hayunngen cha nö i nuk rōi chōn tövī-i nö linen, nup töhaṙākö tö ò nö i kui patī.

YÔSUĀ 2:6 Referans Kwoze

YĀKÖP 2:25

Ngatī inlahen inrē misī Rāhap, ök mi-inyihköre kikānö, halööklöngö lökten i nup la-en, i ò nö kēḵ yik ma-ahānga, ngaich tīnngen cha nö talöökö tö tahëng.

HEPRĀI 11:23

Lökten i ṙinātö ellōn ang Môsös, hē ò nö fötnyu, nö lūöi chumngëṅtö nö hayūni tö nak yöngre, pò cha nö meūkan nö tavai nö nyīö; ngaich cha-a nö öt pa-ekūö tö chöngö ök rācha.

KÒLÒSĪ 3:3

Tön kapah yin ngaich; ngaich hayūni nup nômö yīö, nö hol Kristū, nö im Tēv.

2 SAMUĔL 17:19

Ngaich ök kikānö nö kē ranup tö kui e, ngaich haṙĕhtö kui e, pirāt nuk tösōngö sāiny inrē nö i kui e; ngaich nöng öt akahaiṙen cha-a.

T. MËTIV 24:17

Hökngen öp mī-i kui patī, nö un yônti nö kē-ĕrö chehenre nö el patī;

YERIMIĀ 36:26

Ngaich ök rācha nö tölṙô Yērahmil ök kikōnyö kūön ök rācha, Sērāya inrē ök kikōnyö kūön Asri-ĕl, Selēmayā inrē ök kikōnyö kūön Aptīl nö kē-ĕ Pārök ök hamòlṙen i kinūichö tö Yarimiā/Yeremiā inrē ök pròfĕt hayūni pöri cha-a tö ngam Mā Tēv.

2 RĀCHA 11:2

Ngaich pöri Yēhōsīpa, ök kikānö kūön ök rācha Yōram, ök kikōnyö kūön Ahāsiā, nö kē-ĕ Yôas ök kikōnyö kūön Ahāsiā ngaich ulāingen ò nö ṙā-ang in yik kikōnyö kūön rācha yik töfëliyö, anga-aṅ tök maharūkan inrē, ngaich chaphöt cha nö el ök urôhò chūök mahaṙòh; ngaich cha-a nö hayunngen ò tö Ataliā, lökten ò nö öt fëliyö.

1 RĀCHA 18:13

Öt vënyu ök tī chu nö i ngam Mā chu hē Yēsipel nö fëlngö yik pròfĕt ngam Mā Tēv, tö tī chu hēngòng hayunngö tö tarik yip pròfĕt ngam Mā Tēv nö kö taneui anāi el töhĕng kinluhu ngaich ha-aṅlen cha ha-ôkö cha inrē tö mak?

1 RĀCHA 18:4

Pò e nö ngö inlahen, hē Yēsīpel nö fëlngö yik pròfĕt ngam Mā Tēv ngaich ang Opĕtiā nö hēngòng kahë tö yik pròfĕt ngaich hayunngen cha nö kö taneui anāi nö el töhĕng kinluhu, ngaich ha-aṅlen cha ha-ôkö cha inrē tö mak).

2 SAMUĔL 11:2

Ngaich ik harap, ang Tāvit nö choholre nö ṙā-ang el chamam re, ngaich havötköre nö i kui ök patī rācha: löktö kui patī mat anga-aṅ nö meuk ök kikānö nö vōk; tövāyö mineūkö ök kikānö.

YÔSUĀ 2:8

Ngaich öölu cha-a nö ṙōlngöre, yòhlö anga-aṅ ngaich nö in cha nö i kui patī;

I. CHÖNGÖ 22:8

Yē meh mānlö tufömngöre patī, ngaich vīlö rananglö kui e më-eṅ, hòṅ meh ötkētö mahām i kui ngam patī meh, yĕn hĕng tak öp tö suktöre tarik nö löktö in e.

MANEUTNYI 2:2

Pirūkö nyīö ngaich ök kikānö, ngaich kayôḵnyö nyīö kikōnyö; ngaich hē ök yöng ò kikānö nö meūkan nö tövai nö nyīö, lūöi chumngëtö tī ngaich angā-aṅ nö hayunngen ò.

YÔSUĀ 2:5

Ngaich ngö inlahen angū-ö i rētak linöptökūö inkūp kinlōngö, hē e nö ngaich nö sangūla, kunyī-inyre ngaich nak tarik: öt akahalōn chū-ö tö kū-ö cha: lū-u cha ka-eūyen; kôlö yin min in cha.

YÔSUĀ 2:7

Ngaich yik tarik nö lū-u cha nö kū-ö tö Yôtön nö söl i nuk lökngö invāngngö: höng feushë cha-a nö elkahôiyö yik lamū-u cha, ngaich öptö kūö ök inkūp kinlōngö cha-a.

YÔSUĀ 6:25

Rāhap pöri ök mī-inyihköre, tö yik aṅ patī ök yöng ò kikōnyö, tö hayöölöngṙen nö aṅ, tö Yôsuā, ṙòkhöre nuk chehen ò inrē; ngaich iyöng el ṙôngö Israĕl anga-aṅ, söl i ngih sakāmö; pòn hayunngö nak ma-ahāṅnga anga-aṅ, nak tahīntö Yôsuā nö hayuntö matre tö Yerīkō.