YÔSUĀ 2:3 - TÖHET LĪPÖRE (Re-edited) Bible (BSI)

³ Tīnhanga ngaich ök rācha aṅ Yerikö nö in Rāhap, nö ngö ṙô, Kētö yip tarik yip yamih nö in meh, yip tö ngaich nö el patī meh: tön yamih yip nö chöh ngih panam.

YÔSUĀ 2:3 Referans Kwoze

2 SAMUĔL 10:3

Ngaich pöri yik kūön rācha yik kūön Amön, nö ngö ṙô tök mā cha Hanun, ʽʽTömilēḵṙen ang Tāvit tö lōn meh tök yöng meh kikōnyö töp lökten ò nö tīntö mahaṙāmlōn meh? Röh ṙöng ang Tāvit nö tīntö yip tarik re nö chöh ngih elpanam hayuntö matre inrē tö e, nö hòṅ tiṙōlngen e?ʼʼ

INLAHEN 12:6

Ngaich hē Heròt nö hòṅ kēḵnyen ò; im hatööm ang Pītör nö haṙòh nö lā ṙat nak tösökhaka, nö nëtö inlök; ngaich aṅtö kūö inkūp ök kinlōngö nak tahëng.

INLAHEN 12:4

Ngaich hē ò nö kēḵ an, kalonghöt ò ngaich anga-aṅ nö el kinlōngö; ngaich kēten ò nö fëntak amahti tö tösökhaka.

T. YÔHAN 19:4

Kunyī-inyre hēk ang Pailĕt, ngaich ngö ṙô tö cha, Yĕh meuk, kēḵnyö ngòh tarik chin in yīö, hòṅ yīö akahalōn tö chu öt kanôtukūö tö falngen in Ò.

NGAM LĪPÖRE YŌP 21:30

Tö ngòh tötlöök tarik nö ṙālöngö ip sakāmö ötkanôlò, tö ò nö hayöökaṙen nö kē-ĕ ip sakāmö lanīnö?

1 KINṘÖTNGÖ 19:3

Ngaich pöri yik kūön rācha aṅ Amön nö ngö ṙô tö Hanun, Kūö Tāvit nö söömtö inṙamlōn meh, tömilēḵṙen ap tölōn meh tök yöng meh? Röh yip tarik ò nö yih nö in meh nö chöh nö tiṙōlhanga inrē nö hayuntö mat re töng panam?

YÔSUĀ 10:23

Ngaich ngatī cha-a, ngaich kēnyu yik tötaneui tak rācha nö in ò nö ṙā-ang el kinluhu, ök rācha aṅ Yērusalem, rācha aṅ Hepròn rācha aṅ Yarmut, rācha aṅ Lakis, rācha aṅ Ĕklòn.

LA-EN LĒVĪ 24:14

Kēnyen ò lā uk ngam elyöngö; ap ramūtngövah hökngen cha nö ṙòkhöre yip hamang ṙô ò nö kētö tīre nö i kui ò, hökngö tī cha nö kulëhe ò yip tömaṙôngö.

Ranehlö 42:31

Ngaich ngöṙô īhö tö ò, Tökô-en in öi tarik, rö-ö in mahayun:

Ranehlö 38:24

Ngaich ngö inlahen, lohten nö lūöi chumngëṅtö unôich, tö e nö vënyu nö in Yūtā nö ngö, Inyihköre apa kan kūön meh Tēmar; yĕh meuk, ngaich ap yih inrē nö lökten i innyihköre nö kūönu. Ngaich Yūtā nö ngöṙô, Kēten ò nö haṙāpi.

YÔSUĀ 2:2

Vënyu ngaich angū-ö nö ik rācha aṅ Yerikō, nö ngö vine-eny, Yĕh meuk, yih yip tarik nö ihih i ngih hatööm aṅ i yip kūön Israĕl nö chöh ngih panam.

YÔSUĀ 2:4

Ngaich ök kikānö nö kē nak tarik, ngaich hayunngen cha; ngaich ngö ṙô anga-aṅ, Hòṅ, yih nak taheui tarik nö in cha, hö-ö pöri chū-ö akahalōn tö ṙeūngö cha:

2 SAMUĔL 17:20

Yihtöre ngaich nak tarik Apsalem nö ik kikānö nö in ök patī; ngö ṙô ngaich cha-a, Isuh nak nā Ahīmais nā Yônatan? Ngaich ngö ṙô ök kikānö tö cha, Ngaich nak nö havāngngö kui ap kun töhëm mak. Ngaich hē cha nö chöhö cha ngaich ötkôtökūö tö cha havan cha-a ngaich nö i Yerusalem.

KAMHÔKA 4:20

Ngaich ngö ṙô anga-aṅ tö Ya-ĕl, sökhak man im inkūp ngam rūkui, ngaich mīnö, yĕn tarīku yamih nö hatönö meh nö ngö ṙô Tarīku hòng ihih, ngaich ngö ṙô pömchö min. Hö-ö.