YÔSUĀ 2:2 - TÖHET LĪPÖRE (Re-edited) Bible (BSI)

² Vënyu ngaich angū-ö nö ik rācha aṅ Yerikō, nö ngö vine-eny, Yĕh meuk, yih yip tarik nö ihih i ngih hatööm aṅ i yip kūön Israĕl nö chöh ngih panam.

YÔSUĀ 2:2 Referans Kwoze

TANĪ-ĔL 4:35

Ṙòkhöre yip aṅ ngam tumlat nö kaheuktu nöng törö-övö; kahang tīre sā lōn ò i nup el halīöngö in yip aṅ ngih tumlat inrē; öt hĕng tak tökô nö haköp kël ò hēk ngö ṙô tö ò, Suh ap la-en meh?

Isayā 43:13

Hôṅ, löktökūö ik misī chin Öich chū-ö Anga-aṅ; Öt hĕng tak tökô ṙamā-any nö ṙā-ang eltī chu: lā-evṙen chin ngaich achīö tökô nö asökngö tī chu tö e?

INCHŌḴ-OṘÔ 21:30

Hö-ö mikah, hö-ö mikah elmat, hö-ö inlēnö, nö kôḵ nö lā-al ngam Mā Tēv.

Salmai 127:1

Yē ngam Mā Tēv nö öt mānlö ngam patī, chök alaha cha-a yip mamānlö e: yē ngam Mā Tēv nö öt aṅtö ngam elpanam, chök alaha ap amahaṅti nöng aṅhen.

YÔSUĀ 2:1

Ngaich Yôsuā ök kikōnyö kūön Nön nö tīnngö tarik nët tak ṙā-ang Sitim nö ulaikö matre nö ngëicha, nö ngö ṙô, Kuṙòh ngëichkö ngam panam, Yerikō inrē. Kiröönngöre cha-a ngaich, ngaich yihtöre nö i patī Rāhap ök mi-inyihköre kikānö, ngaich höngngöh nö umuh.

YÔSUĀ 2:3

Tīnhanga ngaich ök rācha aṅ Yerikö nö in Rāhap, nö ngö ṙô, Kētö yip tarik yip yamih nö in meh, yip tö ngaich nö el patī meh: tön yamih yip nö chöh ngih panam.

KAMHÔKA 18:2

Ngaich yik kūön Tën nö taneui tak tahīnngö tö tarik i mupīhö cha nö aṅ in cha nö ṙòkhöre, tarik töt pa-ekūö aṅ Sōrah, aṅ Esta-òl inrē, ulāikö matre töm panam nö chöhö e; ngö ṙô cha-a tö cha, Kuṙòh, chöh ngam panam: sölta cha-a ngaich nö ik rung panam Ifrēm, nö i patī Maika, ngaich hachūöklöre nö umuh.