YÔSUĀ 2:12 - TÖHET LĪPÖRE (Re-edited) Bible (BSI)

¹² Lökten, vë-ekūö yīö chin, im Mā Tēv ṙô yin kilēḵngôre in chu, sā chu chū-ö ngaich aheūkölōn tö yīö hòṅ yīö yī-ö inrē aheūkölōn tö patī öp yöng chu kikōnyö, kē-ĕkūö chu inrē tö tökô-en minkahngö;

YÔSUĀ 2:12 Referans Kwoze

YÔSUĀ 2:18

Yĕh meuk, hē ih min yih i ngih panam, kapòklö ngih pömchö tökuvāha töngāṅv ta-īö im inkup ngam löknyö ai hôtu tö meh: ngaich hamūltöre yī-ö el patī ap yöng meh, tö yip kanônyö meh, ṙòkhöre inrē yip aṅ patī ap kikōnyö yöng meh.

YĀKÖP 2:13

Pò ngam kinṙôka nö öt miṙē-ĕvlōn nö in ò ngam töt mahameuktö miṙēlōn: eū-eure an ngam miṙēlōn nö lā-al ngam kinṙôka.

1 TIMÒTĪ 5:8

Yē tarik pöri nö rö-öv nö meukṙenre, möthë tal yip aṅ patī ò, mahayëḵngen ngam mikah an anga-aṅ, ngaich nö höichngen tö tötṙamātö ellōnre.

RŌMA 1:31

Öt īnu tö mikah, fumlalngö chöngö, öt īnu tö nehngenre hanāngen, tötaṙē-ĕlōn.

T. MĀKÖS 14:44

Ngaich ök kamëḵngen Ò, nö halēnngö minkahtökūö, nö ngö ṙô, Öp töng ahāmkūö chu min, Anga-aṅ Ap min; kēḵ an ngaich, hachōḵngen Ò, köptī

YERIMIĀ 12:16

Ngaich ngö inlahen angū-ö min, yē cha min nö haṙēmngenre nö haköp nup talöökö yip tarik chu, nö chūökūṙô nö i minë-eny chu, Sā ngam Mā Tēv nö tö-aṅ, sā ṙô cha nö haköptö yip tarik chu nö chūöku ṙô nö in Pē-al, ngaich acha-a min nö mānlöngö nö ellōn yip tarik chu.

ESTÖR 8:6

Sitih kanô-òṅ ṙöng öich chū-ö min meuk ngam öt kanôlò yamih nö i kui vē tarik chu? Hēk sitih kanô-òṅ öich min hatīönkö inlëlngö vē mak alahare?

2 KINṘÖTNGÖ 36:13

Ahôngen ök rācha inrē anga-aṅ Nikōpetnēsör, ök hamôten ò nö chūökuṙô nö im Tēv; hakeh likeun re anga-aṅ ane inrē hangëṅngö ellōnre nö im invöötökūöre nö im Mā Tēv, ngam Tēv Israĕl.

1 SAMUĔL 30:15

Ngaich ngö ṙô Tāvit tö ò, Hō ömeh kēten chu in yip kumyung? Ngaich ngö ṙô anga-aṅ, Chūöku ṙô man im Tēv in chu, tö re min öt fëlngen chu, öt rēhĕn kēten chu eltī öp yöngṙen chu, ngaich kēten meh chū-ö min in yip kumyung.

YÔSUĀ 9:15

Ngaich Yôsuā nö vī lanāmö nö in cha, vī kinlēḵngô inrē nö in cha, nö hökngen cha nö aṅ: chūökṙô inrē nö in cha yik mā nö i yik tömaṙôngö nö kilēḵngôre.

YÔSUĀ 2:13

Hòṅ yīö min inrē hayööken ap kikōnyö yöng chu nö aṅ, tap kikānö yöng chu nö aṅ, tap kikānö yöng chu, tö yip kanônyö chu, tö yip kanānö chu, tö nup chehen cha inrē ngaich ṙānyö nômö ih min ṙā-ang im kinpaha.

MANEUTNYI 12:13

Ngaich ap mahām min nö in meh nö minkahngö nö i nup patī chūök yīö: ngaich hē Chu meuk ap mahām, chööḵngen yīö Chū-ö min, ngaich yī-ö min ötteunghu tö plēk nö inlëlngö yīö, hē Chu chökhutī tö ngam panam Aikup.

Ranehlö 24:9

Ngaich ök mahalanṙen nö ṙātö tīre nö ellkatòh takeun ök yönṙenre Aprahām, ngaich chūöku ṙô nö kilēkngôre nö in ò tö inlahen e.

Ranehlö 24:3

Hōten meh chin chūöku ṙô kilēḵngôre im Mā Tēv, ngam Tēv ngam halīöngö, ane inrē Tēv ngam tumlat, tö meh min öm uh kēḵ pīhö ngòh kūön chu kikōnyö tö kikānö aṅ Kanā-an, vē tö iyöngö elṙôngö tö chu:

Ranehlö 21:23

Lökten man kilēḵngôre in chu ihih, im Tēv, tö meh min öt michīlṙen in chu, unrēhĕn ip kūön chu kikōnyö, unrēhĕn ip kūön ap kūön chu kikōnyö: sā ap neūkölōn pöri tī chu ngaich in meh, ngatī tī më-eṅ min tö chu, töngam panam inrē ngam chūök meh rahëichtaṙen iyöng.

Ranehlö 40:14

Köpölōn pömchö tö chu yē e min nö ngaich nö lööken nö in meh, hameuktö miṙēlōnre in chu, kakken chu in Fërō, kēnyen chu ṙā-ang el ngih patī:

YÔSUĀ 2:19

Ngaich angū-ö min, yē öp töng kumnyī-inyre nö löknyö nup inkūp ap patī meh nö el tökiröönö, i kui ò min ap mahām ò, ngaich hö-ö īhö fālūṙen; öp töng mī-in meh min el patī, i kui ih min ap mahām ò, yē öp lamūöltö tīre nö in ò.

YÔSUĀ 6:22

Ngaich ngö ṙô Yôsuā tö nak tönët tak tarik nak mahayuntö matre nö ngëchkö ngam panam, Kuṙòh chuh patī ap mī-inyihköre kikānö, kēnyö öp kikānö nö ṙā-ang muh, tö nup chehen ò inrē nö ṙòkhöre, sāṙô nā kilēḵngôre in ò.

KAMHÔKA 1:24

Ngaich yik amahati nö hĕng tak maheuk tö tarik kumnyī-inyre nö ṙā-ang elpanam, ngaich ngö ṙô cha-a tö ò, Vë-ekūö meh in, hameukhömat ih man tö ap lökhöt im elpanam, ngaich īhö min aṙē-ĕlōn tö meh.