YÔSUĀ 2:11 - TÖHET LĪPÖRE (Re-edited) Bible (BSI)

¹¹ Höng hangtöre īhö tö e, paṙöyi ellōn īhö ngaich, öt rēhĕn nö ōtre ma-alaha nö i tarik, tökūö yīö: pò ngam Tēv yīö ngam Mā Tēv, anga-aṅ an Tēv latulöng töm halīöngö, lataṙeū inrē töng tumlat.

YÔSUĀ 2:11 Referans Kwoze

I. CHÖNGÖ 4:39

Akahalōn yēḵ lökten töngamuh, ṙāḵtö e inrē ellōn yīö, tö ngam Mā Tēv nö anga-aṅ Tēv el halīöngö lātulöng i kui ngih panam inrē lā taṙeūḵ; öt tahënguvö.

YÔSUĀ 5:1

Ngaich ngö inlahen angū-ö, hē yik rācha aṅ Amôr, yik lāmuh tö Yôtön lā sung, ṙòkhöre yik rācha aṅ Kanā-an, yik lā kūö mai, nö hang tī ngam Mā Tēv nö hanyôngö ök mak Yôtön nö i kūö yik Israĕl, hanöng saha cha nö vāngngö, ngaich cha-a nö paṙööyi ellōn, öt rēhĕn cha-a nö ōtre ma-alaha nö in re, tökūö yik kūön Israĕl.

Isayā 13:7

Lökten min ṙòkhöre nup kël nö öt kalē-en, paṙöiyi ellōn tarik min nö ṙòkhöre inrē:

YÔSUĀ 7:5

Lūöi anāi tafūöl tak pô yik tarik aṅ Ai tö cha: lū-u cha ngaich cha-a nö löktökūö ök inkūp söl Sīparim, ngaich ötkô-òtī tö cha nö ik paneūtī: ngaich paṙööyi nuk ellōn yik tarik, ngaich vītöre nöng sā mak.

Salmai 102:15

Ngaich pa-ekūö min vē pumnāmö tarik tö mine-eny ngam Mā Tēv: ṙòkhöre inrē vē rācha ngih panam nö pa-ekūö tö ngam kanôlò Meh.

Salmai 83:18

Hòṅ cha nö akahalōn tö Meh höng Me-eṅ, Öm tö minënyu tö Yāvēh Lamātulöng tö në panam nö ṙòkhöre.

1 RĀCHA 8:60

Hòṅ vē tarik aṅkūö ngih panam nö ṙòkhöre nö akahakūö töm Mā Tēv, nöng anga-aṅ Tēv; öt ōtngöre vö tahëng.

INMEUKHÖMAT 6:16

Ngaich ngö ṙô cha-a, tö minë rôngö, tö minë ihong inrē, Afukkui ih, hayunngen ih, tö kūö ngam amūichhaka nö el kantēra, hayunngen ih inrē tö lanīnö ngam pököre:

NAHOM 2:10

Öt aṅhāṅv an nö ngaich, hönglungāṅhaka, Ötaṅhāṅvkūö inrē: Paṙööyi nômö inrē, ponghen höö nup kui kinmônö, keuheūtngöre ngam ṙat inrē nö chök ngaich nup kūö cha nö ṙòkhöre nö lunyī.

Salmai 22:14

Ṙösnyu chin sā mak, ṙòkhöre në tangëḵ chu nö öt taptöre kūö: sā paröm an ngam ellōn chu; ayëri an nö ellōn chu.

YÔSUĀ 14:8

Ngaich pöri yik hol chu yik mī-in chu nö vīngö ellōn yik tarik nö paṙööyi: höng heumeng tak pöri chū-ö tökeuheūtlöre tömrit ngam Tēv chu ngam Mā Tēv.

I. CHÖNGÖ 20:8

Vë-ekūö yip tarik yip yöngṙen kumyung nö ṙūönyôre, ngö ṙô cha-a min, Chiāp tarik umuh öp tö pa-ekūö töt kalē-ĕ ellōn inrē? hökngen ò kuṙòh nö havan patīre, hòṅ ap mak alaha ò nö öt paṙööyi ellōn.

I. CHÖNGÖ 1:28

Chuh in e öi pökeh ayī-ö? Tön ngaich yih vē hol hī nö piṙööingö ellōn hī, nö ngö ṙô, Tökiröng yip tarik marôlö inrē tö hī, ngaich nup elpanam inrē nö kiröng söllö rô-òl kui kinlōngö nö el halīöngö; ane inrē īhö umuh meuk yip kikōnyö kūön Anakim.

MANEUTNYI 15:14

Hang yip tarik, kichëyöre chā-a ngaich: fanëlu ngaich yik aṅ Filistia.

MANEUTNYI 15:15

Uṙeh ngaich yip mā aṅ Ĕtöm; yip tökalēḵ tarik aṅ Mō-ap, löökö alaha chā-a tö kinchëyöre; ṙòkhöre yik aṅ Kanā-an nö kē-ĕngre.

2 RĀCHA 5:15

Havantöre ngaich anga-aṅ nö ik tarik ngam Tēv, yih ngaich anga-aṅ tö yik hol ò inrē nö ṙòkhöre sökhak ngaich nö i kūö ò: ngö ṙò ngaich anga-aṅ, Yĕh meuk, akahalōn chin ngaich tö töṙö-övö Tēv i në taṙòkhöre panam, höng in Israĕl: vë-ekūö meh chin yĕh lökten, kē raneushöre man i ngòh tarik meh.

Salmai 58:7

Hökngen cha nö ṙööingö sā mak tökalēḵ nö hëm: yĕn sōktö kūö chòk re anga-aṅ, hökngen ò nöng sā tö ta-nyinylöngkūö.

Isayā 19:1

Ngam ṙô ngam Tēv nö in Aikup. Yĕh meuk ngam Mā Tēv nö i kui töyit taṙūl, yih inrē nö i Aikup; ngaich nup insātēv Aikup min nö kē-ĕngre nö i kūö ò ayëṙi min inrē öp ellōn Aikup nö el ṙôngö e.

ISIKĪ-ĔL 21:15

Hòṅ nup fanöiylö cha nö paṙööyi, ngaich maṙôngö töfukngö nö i kūö nup inkūp cha nö ṙòkhöre. Ngaich chin kētö ngam töpachāla kūö sanët: Aōla! Vī-i an nö sā hanyālö, mingāinyu elmat an nö fanëlhanga.

YÔSUĀ 2:24

Ngaich ngö ṙô cha-a tö Yôsuā, Kô-en an ngam Mā Tēv nö kētö në panam nö eltī hī; hēk inrē yip aṅ në panam nö yëngö nö i kūö hī.

YÔSUĀ 9:24

Ngaich sap ṙô Yôsuā cha-a nö ngö ṙô, Pò e nö kô-en vinënyi nö in vē tarik meh, nö tölṙô ök tarikre Môsös nö kē-ĕkūö, yīö tö në panam nö ṙòkhöre, ngaich hōtö inhatngö yip aṅkūö në panam nö i kūö yīö; lökten ih kiröngö pinhë-eṅkūö tökūö yīö kūö në nômö ih, ngaich öi ngatī inlahen.

NAHIMIĀ 6:16

Hē yik lā-al ih nö ṙòkhöre nö hāngö e, ṙòkhöre yik pumnāmö tarik mahavīlen ih nö pa-ekūö ngaich pōyen miṙē-ĕv nöng kahngenre; pò cha nö akahalōn tö ngam la-en nö keuheūten i hinôlṙen ih tö ngam Tēv ih.

ESTÖR 8:17

Kö i nup panam kö i nup elpanam inrē, i nup töng chūök lööṙö ök chöngö ök rācha nö yih, ṙanāmulōn ngaich nö in yik Yahūti, tökiröng nyinā-aṅ ngaich haneūheu inrē. Maṙôngö ngaich yik tarik aṅ ngam panam vamë-enyre nö Yahūti, pò cha nö ngaich nö fukkui tö pinhëṅeṅkūöre tö yik Yahūti.