YÔSUĀ 2:10 - TÖHET LĪPÖRE (Re-edited) Bible (BSI)

¹⁰ Pò ih ngaich hang tī ngam Mā Tēv nö hanyôngö mak ngam Töngāṅv Mai nö i kūö yīö, hē yīö ṙā-ang Ai-kup; tö tī yīö inrē tö nak tönët tak rācha aṅ Amôr, nak lamuh tö Yôtön, Sihòṅ, Ôk inrē nak töhatngö tö tī yīö.

YÔSUĀ 2:10 Referans Kwoze

I. CHÖNGÖ 2:30

Ngaich pöri Sīhòn ök rācha Hespòn nö öt halöngten ih lök in ò: pò ngam Mā Tēv ngam Tēv yīö nö hangë-eng ellōn ò, vīhöt ellōn ò inrē nö ahôngen, pò ò nö hòṅ kēten ò nö el tī yīö, sā e ing töngamuh.

KINṘEŪKÖ 23:22

Ṙā-ang Aikup yin nö kēnyu tö ngam Tēv; Kumlē-ĕv an tö tösā kumlēḵ hanchōn kōiny nuā.

YÔSUĀ 4:24

Hòṅ vē tarik aṅ ngih tumlat nö akahakūö tö kël ngam Mā Tēv, tö e nö tökalēḵ: hòṅ cha nö örheūheu nö pa-ekūö tö ngam Tēv yīö ngam Mā Tēv.

KINṘEŪKÖ 20:14

Ngaich ṙā-ang Kātes ang Môsös nö tīnngö ma-ahānga nö ik rācha aṅ Itöm, Ngö ṙô ap kahëm meh Israĕl, Akahalōn man tö nuk kanihngen ih nö ṙòkhöre nuk famuk in ih:

KINṘEŪKÖ 24:8

Kēnyen ò an ngam Tēv nö ṙā-ang Aikup; Ngaich sā kumlēḵ hanchōn kōiny nuā anga-aṅ: Keuheūt an min nö kāḵngö pumnāmö tarik yip tökunyāha elmat tö ò, Pinyeny nup tangëḵ cha an min nö likölö u, Ngaich tafūni tī nö lirënyö cha.

YÔSUĀ 5:1

Ngaich ngö inlahen angū-ö, hē yik rācha aṅ Amôr, yik lāmuh tö Yôtön lā sung, ṙòkhöre yik rācha aṅ Kanā-an, yik lā kūö mai, nö hang tī ngam Mā Tēv nö hanyôngö ök mak Yôtön nö i kūö yik Israĕl, hanöng saha cha nö vāngngö, ngaich cha-a nö paṙööyi ellōn, öt rēhĕn cha-a nö ōtre ma-alaha nö in re, tökūö yik kūön Israĕl.

Salmai 74:15

Harēv töpöklö mak Më-eṅ, tö ngam tötöh: hanyôlö tökiröng tahël Më-eṅ.

YÔSUĀ 9:10

Nuk tī ò inrē nö ṙòkhöre i nak tönët tak rācha aṅ Amôr, nak lamuh tö Yôtön, Sihòn ök rācha Hespòn, Ôk ök rācha Pasān, ök mi-i Astòròt.

YÔSUĀ 24:12

Ngaich urēhĕkūö yīö chū-ö tīntö kilamta-ō tösīnrōlu nup ma-ahōngen cha nö ṙā-ang i kūö yīö, cha-a nak tönët tak rācha aṅ Amôr; öt aṅtī sanët yīö, ötrēhĕh aṅtī tö linreny yīö.