YÔSUĀ 18:3 - TÖHET LĪPÖRE (Re-edited) Bible (BSI)

³ Ngaich ngö ṙô Yôsuā tö yik kūön Israĕl, Iṙôktöre hanā-aṅ alaha öi yī-ö kē ngam aminre panam ngam kahëtö ngam Mā Tēv nö in yīö, ngam Tēv yik muvöhngö yīö?

YÔSUĀ 18:3 Referans Kwoze

INCHŌḴ-OṘÔ 13:4

Yāla an ngam nômö tö ṙahata, öt taneūnguṙen pöri, kôlò mineukten pöri ngam nômö töpētngen.

KAMHÔKA 18:9

Ngaich ngö ṙô cha-a, Chōholre, tā-a töi kiröönngöre lāḵlö cha: matö ih ngaich meuk öp panam, ngëcha, tölngö tölöök ap: öt halöinyköre öyih? Uh yin ṙahata kiröönngöre öi kuhēt in e kē ngam panam.

T. MËTIV 20:6

Im tö taneui köṅny ṙô anga-aṅ nö kiröönngöre nö hēk; ngaich kôtökūö tö yik tahëng taka, nöng sökhaka. Ngaich ngö ṙô anga-aṅ tö cha, Kūöyòh öi yī-ö höng sökhaka ihih, hĕng sumkam, höng öt la-evṙen?

INCHŌḴ-OṘÔ 15:19

Sīöplö ël tö töchökhu ngam talöökö töṙahata, ngam kanröönö töchiplö pöri nö töṙā-a ël tökiröng talöökö.

INCHŌḴ-OṘÔ 10:4

Öt kôlò tī an ngam töṙāhata kël, kôlòti pöri ngam kël töpētngen.

SEFAINIĀ 3:16

Ngö ṙô öp min nö i Yērusalem ip sakāmö angū-ö, Um pa-ekūö: Ō Sīyôn un hökiṙen minë kël meh nöng kilölhaka.

T. YÔHAN 6:27

Un harëtnyö elmatre tökūö chamuhngöre nya-aṅkūö; harëtnyö elmatre pöri tökūö ngam töngngöh nya-aṅkūö, im nômö tö-örheūheu-aṅ, ngam kahëtö ngam Kūön Tarik min nö in yīö; pòkūö Ò An ngam Yöng, ngam Tēv nö minkahngö.

Mumkahten 9:10

Nup la-en kanôtökūö kuntī meh, mā-anyre me-eṅ umuh hēk lōn, hēk inkaha, hēk mikah el Chūök Tökapah, öp chahūhu meh.

YÔSUĀ 18:2

Ngaich ōtren in yik kūön Israĕl sat miyöngö yik tö-öl nö michöḵö tö aminre.

YÔSUĀ 18:4

Lūöi tak vahīlö yin tö tarik i töhĕng miyöngö: hòṅ chu tīnngen cha, hòṅ cha nö hōklöre nö kiröön nö lök el ngam panam, ngaich mikahang e asā amin cha ngaich yih cha-a min nö in chu.

YÔSUĀ 1:6

Ngëtöhëich hangë alahare inrē: tön vīten vē tarik man nö amin tö ngam panam, ngam kinlēḵngô chu i yik muvöhngö cha nö tö kētu nö in cha.

YÔSUĀ 13:1

Köiny ngaich ang Yôsuā sööḵngö tö ṙētöre inrē; ngaich ngö ṙô ngam Mā Tēv tö ò, Ngaich man köiny sööḵngö inrē tö ṙētöre, ngaich ōttit nup panam töhòṅ kē-ĕ.