YÔSUĀ 13:5 - TÖHET LĪPÖRE (Re-edited) Bible (BSI)

⁵ Panam yik aṅ kēpôl inrē ṙòkhöre Lëpenön, kū-ö tö lā löklö ngam tavūöi, löktökūö Pē-alkāt lātaṙeū töp rôngö Harmòn söl ip lökhöt i Hamat.

YÔSUĀ 13:5 Referans Kwoze

1 RĀCHA 5:18

Ngaich yik mamānö aṅ in Sòlòmön yik mamānö aṅ in Hairām inrē tö yik aṅ Kīpôl nö fāsö u, halēn nuk savaich inrē tö nuk ihong nö minānlö ngam patī.

YÔSUĀ 12:7

Ngaich inrē vē rācha ngam panam lamuh tö Yôtön lā sūng, vē, töfëli tö Yôsuā tö yik kūön Israĕl inrē, löktökūö Pē-alkāt el achāṙö Lepenön söl ip rôngö Halak, öp tö peūlöre nö i Sēir, ngaich kētö e ang Yôsuā nö in yik miyöngö Israĕl nö amin cha asā tūmö minchööḵlö cha;

ISIKĪ-ĔL 27:9

Yip mā aṅ Kīpôl in meh töhuveū-en tarik inrē, kafin kūö tanaptö kūö savach in meh; ṙòkhöre nup chōng el mai holtö yip aṅ u, nö in meh inyihkö nup chehen meh.

Salmai 83:7

Kīpāl, Amön, Amelek inrē: Filistia, hol tö yip aṅ Tūrös inrē.

YÔSUĀ 11:17

Löktökūö öp rôngö Halak, öp tö peūlöre kūö nö i Sēir, söl Pē-alkāt ip achāṙö Lëpanön, lataṙeū töp rôngö Hörmòn: ṙòkngöre yik rācha cha nö kē-ĕ tö ò, nyahaṅvti inrē anga-aṅ tö cha, kumpahangvah cha inrē.

KINṘEŪKÖ 34:8

Löktökūö ip rôngö Hōr tī yī-ö min mikahngö e söl im kunhëthöt i Hāmat, ngam maneutnyi kūö panam inrē i Sētat min:

AMŌS 6:2

Ṙūöhölre yin i Kālnĕh, ngëicha inrē; ngaich ṙēu eung umuh kiröönngöre chuh Hamat öp tökiröng: ngaich peūtöre i Kāt yip aṅ Filistian: mötlö yip cha-a tö në pūlngö? Hēk inrē kiröng ap kūöngö panam cha tö kūöngö panam yīö?

Isayā 10:9

Röh öp Kalnō nö sā Karkimes? Röh öp Hamat nö sā Arpat, röh öp Samaria nö sā Tamāskös?

I. CHÖNGÖ 3:25

Vë-ekūö meh chin, halöngten chu havāngngöre, Öich meuk ap tölöök panam lā muh tö Yôtan, ap tövai rôngö, Lepenön, inrē.

I. CHÖNGÖ 1:7

Havöökūöre yin, öi ngaich kirööngöre, kuṙòh chuh im törūngu panam yip aṅ Amôr, i nup chūökö inrē töröhta nö in e, i Arapa, im törūngu panam, im lā taṙeū panam, lā lòhngö, röhta i kuyāyö ngam mai, i panam yip Kanā-an, Lepanön inrē, tölngö ngam tökiröng tahël, ngam tahël Yufratīs.

KINṘEŪKÖ 13:21

Kiröönngöre cha-a ngaich, ngaich ulāikö matre töp panam löktökūö el inchōnngö Sin söl Rēhop, tölngö ip lökhöt i Hamāt.

YÔSUĀ 11:3

In yik Kanā-an lā chuhöt lā sūng inrē, in yik aṅ Amôr, aṅ Hitait, aṅ Përis, aṅ Yëpus in öp rung panam, in yip Hivait lā taṙeū tö Harmòn im panam Mispah.

1 RĀCHA 8:65

Hē e ngaich Sòlòmön nö ha-aṅhal ik tökiröng nāhaṅl, hol ò inrē yik Israĕl nö ṙòkhöre, nö maṙôngö, löktökūö lökhöt i Hamat söl ik kun töhëm mak Aikup, i kūö ngam Mā Tēv ngam Tēv hī, sat sumkam, sat sumkam inrē, nö fënsīön sakāmö.

YERIMIĀ 52:9

Ngaich cha-a nö ik rācha aṅ Pēpilön nö i Riplah i panam Hamat, ngaich anga-aṅ nö kētö sācha ò.