YÔSUĀ 13:3 - TÖHET LĪPÖRE (Re-edited) Bible (BSI)

³ Löktökūö Sihōr, ap lākūö Aikup, söl i kūöngö Ĕkròn kū-ö tö lā kapā, öp tökaheuktu nö panam aṅ Kanā-an: yik tötaneui tak mā aṅ Filistain; aṅ Kasā, aṅ Astòt, aṅ Askēlòn, aṅ Kitti, aṅ Ekròn: inrē; yik aṅ Avim inrē,

YÔSUĀ 13:3 Referans Kwoze

YERIMIĀ 2:18

Asuh ap töngamuh taneūngen meh i chinūhuh Aikup, inôkö mak nup Na-īl? Hēk asuh ap taneūngen meh i chinūhuh Asīriā inôkö up mak Yūfrātīs?

KAMHÔKA 3:3

Vē tö taneui tak mā kūö Fillistian, ṙòkhöre inrē aṅ Kanā-an, Sītōn, yik Hivait inrē ip rung Pē-al Harmòn söl ip lökhöt i Hamat.

I. CHÖNGÖ 2:23

Ngaich yik Avim yik mi-iyöng el tuhēt, nö töl ngö i Kāsa nö öt kô tö yik Keftòrim, yik ṙamā-ang Keftòr, nö mihôiṅ tö cha, ngaich iyöng in e nö ṙënngen cha.)

1 SAMUĔL 6:4

Ngaich ngö ṙô cha-a, Asuh ap min kūö tökööl tökētu nö hol e nö havantu nö in ò? Ngaich ngö ṙô cha-a, Taneui nup humlum insā tö aṅ alaha, taneui humlum kumit, sā tumtak yip mā i Filistain: pòn hĕng tölëngökūö invah in cha nö ṙòkhöre, in yip mā yīö inrē.

YÔSUĀ 13:13

Hö-ö pöri yik kūön Israĕl nö ahōnyö yik aṅ Kessūr, öt rēhĕn tö yik aṅ Mākah: höng iyöng ellōn Israĕl pöri Kessūr Ma-akat, söl i ngih sakāmö.

Ranehlö 10:6

Nyīö kikōnyö kūön Hem; Kus, Aikup, Pöt, Kanā-an inrē.

KAMHÔKA 16:5

Ngaich yik mā aṅ Filistain nö yihtöre nö in ò, ngaich ngö ṙô tö ò, Haṙöiyan, ngëichkö chūök öp yöng kumlēḵ ò, töp aṅtī hī inrē öi mihôiṅ lā-al ò, hòṅ hī nyëkan öi hakihten ò: ngaich kö tī-ivö min īhö in meh tö rupīö kahuk sīönòng.

1 SAMUĔL 5:1

Kēḵ ngam kasòng ngam Tēv ngaich yik Filistain, kētö e ngaich nö i Astòt nö ṙā-ang Epenisör.

1 RĀCHA 8:65

Hē e ngaich Sòlòmön nö ha-aṅhal ik tökiröng nāhaṅl, hol ò inrē yik Israĕl nö ṙòkhöre, nö maṙôngö, löktökūö lökhöt i Hamat söl ik kun töhëm mak Aikup, i kūö ngam Mā Tēv ngam Tēv hī, sat sumkam, sat sumkam inrē, nö fënsīön sakāmö.

Isayā 23:3

I kui nup tökiröng mak inrē öp kulöl aṅ Sīhōr, ṙòng taneūich aṅ ap Nā-il, anū-ö rupīö taneūngen ò; chūök innyihkö chehen pumnāmö tarik an angū-ö inrē.

Ranehlö 15:18

Im sakāmö angū-ö ngam Mā Tēv nö Vītö kinlēḵngôṅ nö in Aprām, nö ngöṙô, ngaich Chin kēḵtö ngih panam ip kūön meh, löktökūö ngam tahël Aikup söl im tökiröng tahël Yufaritīs:

1 SAMUĔL 5:8

Lökten cha nö hamūltö yik mā aṅ Filistain nö in cha, ngaich ngö ṙô Sitih inlahen tī öi min tö ngih kasòng ngam Tēv Israĕl? ngaich ngö ṙô cha-a nö sap ṙô, Hökngen ngam kasòng ngam Tēv Israel nö keuntu nö i Kāt. Keuntö ngam kasòng ngam Tēv Israĕl cha-a ngaich nö in e.

1 SAMUĔL 5:10

Lökten cha nö söömngö ngam kasòng ngam Tēv nö i Ēkròn. Ngaich hē ngam kasòng ngam Tēv nö yih nö i Ēkròn, hūḵa ngaich yik aṅ Ēkròn, nö ngö ṙô, Kētö ngam kasòng ngam Tēv Israĕl yin nö ngaich nö in hī nö famëlngen hī tö vē tarik hī inrē.

1 KINṘÖTNGÖ 13:5

Lökten Tāvit nö hamūl yik Israĕl nö ṙòkhöre löktökūö Sīhōr i Aikup Söl ip lökhöt i Hamat, nö kētö ngam kasòng chöngö ngam Tēv nö ṙeū-eung Kiriatyēarim.