YÔSUĀ 11:3 - TÖHET LĪPÖRE (Re-edited) Bible (BSI)

³ In yik Kanā-an lā chuhöt lā sūng inrē, in yik aṅ Amôr, aṅ Hitait, aṅ Përis, aṅ Yëpus in öp rung panam, in yip Hivait lā taṙeū tö Harmòn im panam Mispah.

YÔSUĀ 11:3 Referans Kwoze

KAMHÔKA 3:3

Vē tö taneui tak mā kūö Fillistian, ṙòkhöre inrē aṅ Kanā-an, Sītōn, yik Hivait inrē ip rung Pē-al Harmòn söl ip lökhöt i Hamat.

YÔSUĀ 18:26

Mispeh, Kifīrah, Môsā inrē;

Ranehlö 31:49

Mispā inrē, pòn ngöṙô angā-aṅ, Ihôi an ngam Mā Tēv nö aṅten chu tö meh inrē, yē hā ötkö in höö.

YÔSUĀ 15:63

Yik aṅ Yepus pöri, yik mī-i yöng Yerusalem, ötkô yik kūön Yūtā nö ahōnyen cha: höng iyöng in yip kūön Yūtā pöri yip Yepus nö i Yerusalem, söl i ngih sakāmö.

YÔSUĀ 13:11

Kilīöt inrē, öp kūöngö Kessūr inrē tö Mākah inrē, keuheūtlöre öp rôngö Hörmòn, keuheūtlöre inrē Pasān, söl Salëka;

YERIMIĀ 41:14

Lökten yik tarik yik töhakövö kahëḵ Isma-el nö ṙā-ang Mispā nö havanritre nö hēk, ngaich kiröönngöre nö in Yôhanan ök kikōnyö kūön Kariā.

YERIMIĀ 41:3

Fëlngö yik Yahūti inrē ang Isma-el yik mi-in Kētalia i Mispā, tö yik kumyung inrē aṅ Kalti yik mu-umuh hē e.

YERIMIĀ 40:10

Ane pöri chū-ö iyöng i Mispā öich tösökhak ṙënngen yīö i kūö yip aṅ Kālti yip yamih min nö in hī; yī-ö pöri hamūl ṙòng vāin yin, nup ṙòng sikehngö inrē tö tavī-i, hachūökngö u nö el chūökṙen yīö, iyöng el minë elpanam re yī-ö inrē minë kahë yīö.

YERIMIĀ 40:6

Ngaich Yarimiā nö chuh in Kētaliā ök kikōnyö kūön Ahīkam, i Mispā, ngaich iyöng in ò in yik tarik yik tö ṙātu nö im panam.

Sòlòmön 4:8

Tā-a in chu ṙā-ang Lepanön, pīhö chu; tā-a in chu ṙā-ang Lepanön. Kiröönngöre ṙā-ang kui Amanā, ṙā-ang kui Sēnir Harmòn inrē, ṙā-ang i nup kinlūhu lāyön, ṙā-ang minë rôngö lepöt.

Salmai 133:3

Sā tacham i kui Harmòn, öp tameungtöre nö i kui nup rôngö Siyôn: pòn in e ngam Mā Tēv nö chöngu tö inkôlò, ngam nômö tö örheūmköre.

Salmai 89:12

Vahī Meh ngam kapā, tö ngam lòhngö inrē: ṙāmölōn ngaich Tāpōr, Harmòn inrē nö i mine-eny Meh.

1 RĀCHA 15:22

Ngaich ök rācha Asā nö keuheūtngöre chūök ṙô nö ahānga nö i Yūtā; öt hĕng tak töṙālöngö, ngaich cha-a nö kēngö nuk ihong i Rāmā, tö nuk savach inrē in e nuk chehetī Pē-asā nö vī-il e, vīlen Kīpā ngaich ök i Penyamin ök rācha Asā nö aṅtīten tö u, tö Mispah inrē.

1 RĀCHA 9:20

Yik tarik pöri nö ṙòkhöre yik töṙālöngö aṅ Amôr, aṅ Hitait, aṅ Peris, aṅ Hivait, aṅ Yepus, yik töt aṅ-in yik kūön Israĕl;

2 SAMUĔL 24:16

Hē ngam ma-ahānga nö hateutnyö këlre nö kū-ötö Yerūsalem nö halëlngö e, havanrit lōn re ngaich ngam Mā Tēv tö ngam töchōich, ngaich ngö ṙô tök ma-ahānga ök mahalëlngö yik tarik, Ngö tölngö ngaich, ṙatö këlre man ngaich. I chūök pumṙōng sāiny Araunah ök Yepus ök ma-ahānga ngam Mā Tēv.

1 SAMUĔL 10:17

Havëtö yik tarik ngaich Samu-ĕl nö ṙòkhöre nö im Mā Tēv i Mispah;

KAMHÔKA 21:8

Ngaich ngö ṙô cha-a, Achīö ap töhĕng hang tak aṅ miyöngö Israĕl töt yamih nö im Mā Tēv nö i Mispah? Ngaich meūkö nö öt hĕng tak yamih nö im elyöngö manūlö ṙameū-eung Yapeskilīöt.

KAMHÔKA 21:5

Ngaich yik kūön Israĕl nö ngö ṙô, Achiāp i miyöngö Israĕl nö ṙòkhöre öp töt yamih nö im inmūlö im Mā Tēv? Pò cha nö kirööngen ṙô nö chūökuṙô nö kilēḵngôre tö ò öp töt yamih nö im Mā Tēv nö i Mispah, nö ngö ṙô, Hakò-òi vah ap min nö kumpaha.

KAMHÔKA 20:1

Ṙòkhöre ngaich yik kūön Israĕl nö kunyī-inyre nö im Mā Tēv nö i Mispah, hamūlöre ngaich yik tömaṙôngö nö sā töng hĕngtak tarik, löktökūö Tën tölngö Pirsīpa, holtö ngam panam Kilīöt.

KAMHÔKA 3:5

Ngaich yik kūön Israĕl nö iyöng nö in yik aṅ Kanā-an; Hitait, aṅ Amôr, aṅ Përis, aṅ Hiyi, aṅ Yëpus inrē:

YÔSUĀ 15:38

Tīleān, Mispah, Yòktēl inrē,

I. CHÖNGÖ 7:1

Hē ngam Mā Tēv ngam Tēv yīö nö kēhöt meh im panam ngam kū-ö meh kiröönngöre ön kē-ĕ e nö amin meh, ngaich ahōnyö yip töpōyen min pumnāmö tarik i kūö meh, yip Hitāit, Kirkesait, Amôrait, Kanā-an, Perisait, Hivait, Yēpusait, sat pumnāmö tarik tökiröng tökalēḵ tö meh inrē;

I. CHÖNGÖ 4:48

Löktökūö Arōer, öp mī-i taseū achāṙö Arnòn, söl ip rung Siyôn (angū-ö an Hermòn),

KINṘEŪKÖ 13:29

Iyöng im lā lòhngö panam yip Amelek: iyöng i kui rôngö Hitāit, Yēpus, Amôr inrē: iyöng lā kūö mai inrē yik aṅ Kanā-an, teutngö chūök inrē nö i kui Yôtön.

YÔSUĀ 11:8

Ngaich ngam Mā Tēv nö kēten cha nö eltī Israĕl, fëlö cha ngaich acha-a, lū-u cha inrē nö söl ip tökiröng Sitōn söl Misrefòtmēm, söl ip achāṙö Mispa lā chuhöt; fëlö cha ngaich cha-a, hanöng saha cha nö öt ṙātö töhĕng tak tö ōtre.

YÔSUĀ 11:17

Löktökūö öp rôngö Halak, öp tö peūlöre kūö nö i Sēir, söl Pē-alkāt ip achāṙö Lëpanön, lataṙeū töp rôngö Hörmòn: ṙòkngöre yik rācha cha nö kē-ĕ tö ò, nyahaṅvti inrē anga-aṅ tö cha, kumpahangvah cha inrē.

YÔSUĀ 13:5

Panam yik aṅ kēpôl inrē ṙòkhöre Lëpenön, kū-ö tö lā löklö ngam tavūöi, löktökūö Pē-alkāt lātaṙeū töp rôngö Harmòn söl ip lökhöt i Hamat.

2 SAMUĔL 24:7

Sölta inrē cha-a nö ip töngëḵ chūök kumyung i Tūrös, i nup elpanam yip Hivait inrē, tö yip aṅ Kanā-an: chuh lā lòhngö cha-a inrē tö Yūtā, i Pīrsīpā.

YÔSUĀ 3:10

Ngaich ngö ṙô Yôsuā, Ihih yin min akahalōn tö ngam tö-aṅ Tēv nö in yīö, tö ò inrē nö öthō nö ahōngen yip aṅ Kanā-an nö i kūö yīö, tö yip Hitait, Hivait, Përisait, Kirkes, Amôr, Yëpus inrē.