YÔSUĀ 10:8 - TÖHET LĪPÖRE (Re-edited) Bible (BSI)

⁸ Ngaich ngö ṙô ngam Mā Tēv tö Yôsuā, Uh man pa-ekūö tö cha: tön kēten cha chin nö eltī meh; öt hĕng tak min tarik aṅ-in cha tösökhak nö i kūö meh.

YÔSUĀ 10:8 Referans Kwoze

RŌMA 8:31

Sitih ṙô öi pökeh min tö në? Chiāp lā-al hī yē ngam Tēv nö in hī?

I. CHÖNGÖ 3:2

Ngaich ngö ṙô ngam Mā Tēv tö chu, Um pa-ekūö tö ò: tön kēten ò chin, ṙòkhöre yip tarik ò inrē, tö ngam panam ò, nö eltī yīö; ngaich më-eṅ min sā tī re tö Sihòn ök rācha aṅ Amôr, ök mī-iyöng Hespòn ngatī tī më-eṅ tö ò.

YÔSUĀ 11:6

Ngaich ngö ṙô ngam Mā Tēv tö Yôsūa, Um pa-ekūö cha: tön huṙöich chin in ngih ṙētak kēten cha nö fëli i kūö Israĕl: likölngö kalröön minë kōra cha yī-ö min, föngngö minë inröl cha inrē tö tameūyö.

YÔSUĀ 8:1

Ngaich ngö ṙô ngam Mā Tēv tö Yôsuā, Un pa-ekūö, um rēhĕn rötngörāi: kē yip tarik man kumyung nö ṙòkhöre nö in meh, choholre, kuṙòh chuh Ai: yĕh meuk, ngaich chin kētö ap rācha Ai nö eltī meh, tö yip tarik ò, tö ngam elpanam ò, töm panam ò inrē.

I. CHÖNGÖ 7:24

Kēten yip rācha min anga-aṅ nö el tī meh, ngaich më-eṅ min vītö nup minë-eny cha nö hatngö nö el katòh ngam halīöngö: öt tarīku min tökô nö sökhaka nö i kūö meh, hanöng saha meh hatngö tī tö cha.

YÔSUĀ 10:9

Lökten Yôsuā nö öt akahtu yīhih nö in cha; pò ò nö hĕng mitööm röön nö ṙā-ang Kilkāl.

YÔSUĀ 10:25

Ngaich ngö ṙô Yôsuā tö cha, Un pa-ekūö, unrēhĕn ngāng alaha; Ngëṅtöheich hangëṅ alahare inrē: tön ngatī tī an ngam Mā Tēv min tö yip lā-al yīö nö ṙòkhöre yip kiyung yīö.

KAMHÔKA 7:9

Ngaich im hatööm angū-ö, ngam Mā Tēv nö ngö ṙô tö ò, Choholre, peūtöre man im elyöngö; tön kēten e chin nö eltī meh.

KAMHÔKA 6:16

Ngaich ngam Mā Tēv nö ngö ṙô tö ò, Kô-en chin min in meh, ngaich më-eṅ min fëlngö yip aṅ Mītīa sā nyaha töng hĕng tak tarik.

1 SAMUĔL 17:47

Hòṅ vē ihih inrē nö ṙòkhöre tömūlhaka nö akahalōn tö ngam Mā Tēv nö öt aṅtī tö sanët vöi inrē nö hayöölen: pò ngih kinyūngö nö kinyūngö ngam Mā Tēv, ngaich kēten meh min anga-aṅ eltī ih.

1 RĀCHA 20:13

Ngaich, yĕh meuk, yih ön ngòh pròfĕt hĕng tak nö haröhtöre nö in Ahap ök rācha aṅ Israĕl, nö ngö ṙô, Ngö ṙô An ngam Mā Tēv. Ngaich öm meuk ṙôngö vē tömaṙôngö nö ṙòkhöre? Yĕh meuk kēten cha chin min eltī meh; ngaich akahalōn min më-eṅ tö chu öich Mā Tēv.