YÔSUĀ 10:6 - TÖHET LĪPÖRE (Re-edited) Bible (BSI)

⁶ Ngaich yik tarik aṅ Kipīön nö tīnngö chamuh in Yôsuā nö ik elyöngö Kilkāl, nö ngö ṙô, Uh man ha-aṅtī i vē tarikre; tā-a ka-eūyen yih in ih, hayöölen ih, holṙen ih inrē: tön ṙòkhöre yip rācha aṅ Amôr nö hamūlöre nö lā-al ih yip mi-iyöng kui rung panam.

YÔSUĀ 10:6 Referans Kwoze

YÔSUĀ 9:6

Chuh in Yôsuā cha-a ngaich nö ik elyöngö i Kilkāl, ngaich ngö ṙô tö ò, yik tarik Israĕl inrē, Yamih in īhö ṙā-ang tömarôvat panam: tā-a lökten yin vī kinlēḵngô in ih.

YÔSUĀ 5:10

Ngaich yik kūön Israĕl nö iyöngtöre nö i Kilkāl; ngaich cha-a nö haköpken öp Paska ik finënsīön sakāmö ngam chingëṅt tö harap el nup töṙa-ākūö panam Yerikō.

T. LŪKÖS 1:39

Choholre ngaich ang Mariā, hē e, nö ka-eūinyen nö chuh ik panam i kui rôngö nö ip panam Yūtā.

Isayā 33:22

Pò ngam Mā Tēv nö ma-akaha fālen hī, kamëtö chöngö hī ngam Mā Tēv, rācha hī an ngam Mā Tēv; anga-aṅ an min mahayööken hī.

Salmai 125:2

Sā nup rôngö nö vinngö nö i Yērusalem: ngatī ngam Mā Tēv nö havīlö vē tarik re, töngamuhuten sök môkö örheūheu.

2 RĀCHA 4:24

Ūichlöre ngaich anga-aṅ nö i uk ök köttö, ngaich ngö ṙô tök tarik re, Ahōṙan, pöh urĕh: un hakūöṅniröön, höng yē chu chöngu tö meh.

YÔSUĀ 21:11

Ngaich cha-a nö kēten Kiriatarpā nö in cha, anga-aṅ ök Arpā kikōnyö yöng Anak, (angū-ö aṅ Hepròn,) ip rung panam Yūtā, holre tö nup chūök kiyôp mahavīlen e.

YÔSUĀ 9:15

Ngaich Yôsuā nö vī lanāmö nö in cha, vī kinlēḵngô inrē nö in cha, nö hökngen cha nö aṅ: chūökṙô inrē nö in cha yik mā nö i yik tömaṙôngö nö kilēḵngôre.

I. CHÖNGÖ 1:15

Lökten chu ngaich kēḵ yöng kūö yīö i miyöngö yīö, tö tö-akahaṙa tarik, mikahkūö inrē, ngaich vīlen cha nö yöngkūö yīö, mākūö tököṅnyu; mākūö töṙôngö, mākūö tö taneui anāi, mākūö tösöm, yöngṙen inrē, nö asā miyöngö yīö,

KINṘEŪKÖ 13:29

Iyöng im lā lòhngö panam yip Amelek: iyöng i kui rôngö Hitāit, Yēpus, Amôr inrē: iyöng lā kūö mai inrē yik aṅ Kanā-an, teutngö chūök inrē nö i kui Yôtön.

YÔSUĀ 10:5

Lökten yik tötaneui tak rācha aṅ Amôr, rācha aṅ Yērusalem, rācha an Hepròn, rācha aṅ Lakis, rācha aṅ Ĕklòn, nö hamūlöre, ngaich kiröönngöre, cha-a tö yik kumyung in cha, ngaich iyöngtöre nö lā-al Kipīön ngaich kiyung nö lā-al cha.

YÔSUĀ 10:7

Lökten Yôsuā nö kiröönngöre nö ṙā-ang Kilkāl, anga-aṅ tö yik tarik kumyung hol ò, ṙòkhöre inrē yik tökalēḵ tarik töt pa-ekūö.

YÔSUĀ 9:8

Ngaich ngö ṙô cha-a tö Yôsuā, Tarik meh in īhö. Ngaich ngö ṙô Yôsuā tö cha, Achīö öi yī-ö? Ṙamā-ang yih öyih?