YÔSUĀ 10:2 - TÖHET LĪPÖRE (Re-edited) Bible (BSI)

² Tö cha ngaich nö kiröngö pinhë-eṅkūö kūö Kipīön nö tökiröng nö elpanam, sā töhĕng i nup elpanam rācha, kūö e inrē nö tökiröng tö Ai, ṙòkhöre inrē yik tarik aṅ e nö tökalēḵ.

YÔSUĀ 10:2 Referans Kwoze

I. CHÖNGÖ 11:25

Öt tarīku min tökô nö sökhak nö i kūö yīö: ngam Tēv yīö an min ṙamātö ngam pinhë-eṅ yīö i kui nup panam töröönka ël tö yīö, sā ṙô ò nö ngaich tö yīö

YÔSUĀ 2:24

Ngaich ngö ṙô cha-a tö Yôsuā, Kô-en an ngam Mā Tēv nö kētö në panam nö eltī hī; hēk inrē yip aṅ në panam nö yëngö nö i kūö hī.

HEPRĀI 10:31

Pinhe-eṅkūö an ngam fanuk eltī ngam tö-aṅ Tēv.

HEPRĀI 10:27

Höng öp pinhe-eṅkūö tömeūkka im kinṙôka, öp töhūkūö tameūyö inrē inṙāpngö yip tökunyahaṅ elmat tö ngam Tēv.

INCHŌḴ-OṘÔ 10:24

Öp pinhë-eṅkūö öp tötlöök teung hökui ò min, kētu pöri min öp lōn ngòh tölöök.

2 SAMUĔL 12:26

Ngaich Yôap nö kiyung yik kūön Amön nö i Rapā, ngaich kē ök elpanam rācha.

1 SAMUĔL 27:5

Ngaich ngö ṙô Tāvit tö Akis, Yē chu aheukhuvö i kūö meh, hökngen cha yēḵ nö kētö chūök chu hĕng i në elpanam ngam panam, hòṅ chu iyöng umuh: kūöyòh ṙöng ang ngòh tarik meh nö uroh nö iyöng elpanam rācha nö in meh?

I. CHÖNGÖ 28:10

Ngaich ṙòkhöre min vē tarik aṅ ngih tumlat nö meūkö meh min minë-eny tö minë-eny ngam Mā Tēv öm havëka; ngaich cha-a min nö pa-ekūö tö meh.

YÔSUĀ 9:3

Hē yik aṅ Kipīön pöri nö hang tī Yôsuā tö yik aṅ Ai tö Yerikō inrē,

I. CHÖNGÖ 2:25

I ngih chin sakāmö kētö kui vē tarik tö ngam vanööṙö tö meh ngam pinhë-eṅkūö inrē tö meh, vē taṙòkhöre elkatòh ngam halīöngö, yip tönghamang ineūkö meh min, ngaich kichëyöre min, halöinyöre ellōn nö chök inrē tö pòkūö meh.

YÔSUĀ 9:24

Ngaich sap ṙô Yôsuā cha-a nö ngö ṙô, Pò e nö kô-en vinënyi nö in vē tarik meh, nö tölṙô ök tarikre Môsös nö kē-ĕkūö, yīö tö në panam nö ṙòkhöre, ngaich hōtö inhatngö yip aṅkūö në panam nö i kūö yīö; lökten ih kiröngö pinhë-eṅkūö tökūö yīö kūö në nômö ih, ngaich öi ngatī inlahen.