YÔSUĀ 1:9 - TÖHET LĪPÖRE (Re-edited) Bible (BSI)

⁹ Röh öich chū-ö tamölrô meh? Ngëtöhëich hangë alahare inrē; un pa-ekūö, un rēhĕn ngāng alaha: tön in meh an ngam Tēv ngam Mā Tēv meh ip töng kū-ö meh kiröönngöre.

YÔSUĀ 1:9 Referans Kwoze

Ranehlö 28:15

Yĕhmeuk, in meh Chin, aṅten meh min ip töng kū-ö meh kiröönngöre, ngaich kēten meh min hēk i ngih panam; pò Chu öthòṅ ṙāngen meh, hanöngsaha kinheūnten chu töp ṙô Chu in meh.

I. CHÖNGÖ 20:1

Yē meh kiröönngöre im kinyūngö öm lā-al yip tökunyāhaṅ elmat tö meh, ngaich meuk nup kōra, inröl inrē, yip tarik inrē nö maṙôngö tö meh, uh më-eṅ pa-ekūö tö cha: tön in meh an ngam Tēv meh ngam Mā Tēv, ngam kamënyen meh ṙā-ang ngam panam Aikup.

Salmai 46:7

In hī an ngam Mā Tēv yip tömaṙô-ngö: ngam Tēv Yāköp an innyatlö hī.

Isayā 43:1

Ngö ṙô pöri ngam Mā Tēv töngamuh, anga-aṅ ngam vamīlen meh, Ō Yāköp, anga-aṅ inrē ngam mahachipngen meh, Ō Israĕl: Um pa-ekūö tön ngaich chin ṙānyen meh: havëken meh chin tö ngam minë-eny meh, chū-ö chu mana.

Isayā 43:5

Um pa-ekūö; tön holtöṙah meh chin: kētöp kūön meh chin min nö ṙā-ang lā chuhöt, hamūlö meh inrē löktökūö lā sūng;

KAMHÔKA 6:14

Hatīönken ò ngaich ngam Mā Tēv, ngaich ngö ṙô, Kuṙòh i ngih kumlēḵ man kiröönngöre, hayöölen Israĕl ṙā-ang eltī yip aṅ Mītīa: röh öich chū-ö tamīnngen meh?

2 SAMUĔL 13:28

Ngaich Apsalem nö kētö chöngö yik tarikre, nö ngö ṙô, Köpngöre yin, yē Amön min nö malĕh tökūö vāin; ngaich yē chu min inrē ngö ṙô tö yīö. Tinī-īv yin ngaich tö Amön, ngaich fëlngen ò yī-ö, ui pa-ekūö: röh öich chū-ö tamöl ṙô yīö? Ui pa-ekūö, hangëṅ alahare inrē.

INLAHEN 4:19

Ngö ṙô pöri nā Pītör, nāṅ Yôhan, nö sapṙô cha, Öp yòh öp töhuveū nö i kūö ngam Tēv, ngam hinang ṙô yīö, nö mötlö tö hinangṙô ngam Tēv; ngëichken e yin yēk.

I. CHÖNGÖ 31:28

Hamūltö yip minṙöinylen in chu nö ṙòkhöre i miyöngö yīö, yip yöng kūö yīö kiyung inrē, hòṅ chu elnang cha ṙô tö në ṙô, havëkö ngam halīöngö inrē tö ngam tumlat nö mameuk nö lā-al yīö.

I. CHÖNGÖ 1:21

Yĕh meuk, ngam Mā Tēv yīö nö ngaich nö ṙātö ngam panam nö i kūö yīö: kuṙòh, kē-ĕ e nö amin yīö, sā ṙô ngam Mā Tēv nö in yīö, ngam Tēv yik muvöhngö yīö; un pa-ekūö, un rēhĕn rötngö rāi.

YÔSUĀ 1:10

Ngaich Yôsuā nö tölṙô yik yöngṙen kumyung in yik tarik, nö ngö ṙô,

YÔSUĀ 1:17

Sā ih misī hang ṙô Môsös i tökeuheūttöre ngatī min īhö hang ṙô meh: höng in meh an yēḵ ngam Tēv meh ngam Mā Tēv, sā ò misī nö in Môsös.

YÔSUĀ 8:1

Ngaich ngö ṙô ngam Mā Tēv tö Yôsuā, Un pa-ekūö, um rēhĕn rötngörāi: kē yip tarik man kumyung nö ṙòkhöre nö in meh, choholre, kuṙòh chuh Ai: yĕh meuk, ngaich chin kētö ap rācha Ai nö eltī meh, tö yip tarik ò, tö ngam elpanam ò, töm panam ò inrē.

YÔSUĀ 10:8

Ngaich ngö ṙô ngam Mā Tēv tö Yôsuā, Uh man pa-ekūö tö cha: tön kēten cha chin nö eltī meh; öt hĕng tak min tarik aṅ-in cha tösökhak nö i kūö meh.

2 KINṘÖTNGÖ 15:7

Uh pöri më-eṅ pa-ekūö! Un hökiṙen minë kël meh nö öt kalēḵ, tön reushu an min ngam la-en meh.

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

Ranehlö 39:2

In Yôsĕf ngam Mā Tēv, tökôlô ngaich angā-aṅ nö tarik; i patī ök yöngṙenre ngaich angā-aṅ ök aṅ Aikup.

Ranehlö 39:3

Ngaich ök yöngṙen nö meuk ngam Mā Tēv nö in ò, ngaich ngam Mā Tēv nö vīten nup taṙòkhöre inlānen ò nö kôlô nö elti ò.

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

YÔSUĀ 1:18

Öp töng ma-ahôngen chöngö meh min, öt hang nup ṙô meh inrē öm tölṙô ò, kumpaha min anga-aṅ: höng ngë töhëch hangë alahare inrē.

YÔSUĀ 3:7

Ngaich ngö ṙô ngam Mā Tēv tö Yôsuā, Hapōilen meh chin min i ngih sakāmö i kūö Israĕl nö ṙòkhöre, hòṅ cha nö akahalōn, tö chu sāre misī in Môsös ngatī chū-ö min in meh.

YÔSUĀ 6:27

In Yôsuā ngaich ngam Mā Tēv; ngaich ök ineūnyö ò nö i nuk panam nö keuheūtngöre chūök.

YÔSUĀ 10:25

Ngaich ngö ṙô Yôsuā tö cha, Un pa-ekūö, unrēhĕn ngāng alaha; Ngëṅtöheich hangëṅ alahare inrē: tön ngatī tī an ngam Mā Tēv min tö yip lā-al yīö nö ṙòkhöre yip kiyung yīö.

1 SAMUĔL 10:7

Ngaich mīnö, yē në minkahngö nö teungtöre nö in meh, ngaich më-eṅ la-evṙen yĕm hōtenvö; tön in meh an ngam Tēv.

1 KINṘÖTNGÖ 28:20

Ngaich ngö ṙô Tāvit tök kūönre Sòlòmön, Hangë-eṅre man um pa-ekūö inrē, la-evṙen tö e. Um pa-ekūö, um ngangngö kūö; tön in meh an ngam Mā Tēv, ngam Tēv chu, Öthōḵ an nö öt teung nö in meh hēk öthō nö ṙāngen meh, hanöng saha nup la-en i ngam patī ngam Mā Tēv nö keuheūten.

Isayā 8:12

Uh yin ngö ṙô, Inmūlngö töchōch lōn, nup ṙô vē tarik min, uh yī-ö rēhĕn vöö tö e.

TANĪ-ĔL 10:19

Ngö ṙô anga-aṅ, Ō tarik tö kiröngö hananghuṙen, um pa-ekūö, lanāmö yēḵ in meh; hangë-eṅre um pinhëṅeṅvkūö. Ngaich hē ò nö vë-ekūö chu, ngëḵlöre ngaich chū-ö, ngaich ngö ṙô, Ṙò-òv an yēḵ ngam mā chu, tön ngaich man hangëlen chu.

HAKAI 2:4

Sön pöri yĕh töngamuh hangëṅ-eṅre, Ō Sērupāpĕl, ṙô ngam Mā Tēv; hangë-eṅre inrē, Ō Yôsūa, kikōnyö kūön Yēhōsatak, ök mākūö kūönṙô; hangë-eṅnre in re, ṙòkhöre yī-ö tarik ngam panam, ṙô ngam Mā Tēv, la-evṙen inrē: tön holtöṙah yīö chin, ṙô ngam Mā Tēv, yip tömaṙôngö,

HAKAI 2:5

Köpölōn tö ngam ṙô ngam kinlēḵngô chu in yīö hē yīö ṙā-ang Aikup, ngam fanöinylö chu inrē nö köpngö nö in yīö: uh yin pa-ekūö.