YÔSUĀ 1:7 - TÖHET LĪPÖRE (Re-edited) Bible (BSI)

⁷ Höng hangëḵeṅre më-eṅ um pa-ekūö inrē, haköpkö ngam chöngö la-evṙen asā-a e nö ṙòkhöre ngam tinöölô meh tö Môsös ök tarik chu: um havööngö kūöre tö e lahāmö hēk la tavē, hòṅ meh teunglen ip töng kū-ö meh kirööngöre.

YÔSUĀ 1:7 Referans Kwoze

1 KINṘÖTNGÖ 22:13

Ngaich më-eṅ min kôlò yē meh kūötenre haköp në inchöngten. Chöngö inrē tinöölô Môsös nö in yik Israĕl tö ngam Mā Tēv, Ngëḵ man yĕh, öt pinhë-eṅvkūö inrē. Um pa-ekūö, um ngangngö kūö inrē.

I. CHÖNGÖ 5:32

Haköpkö u yin min öi la-evṙen sā hinôtö yīö tö ngam Mā Tēv ngam Tēv yīö: hö-ö yin min kānngöre lā hāmö hēk lā tavē.

YÔSUĀ 1:8

Un ṙā-ang elvāng meh min ngih līpöre ngam chöngö nö kiröönngöre, peuheū harap pöri më-eṅ asīn nup i mat e hòṅ meh la-evṙen haköpkö nup tökūichö nö i mat e: kôlò ap min talöökö meh yē meh ngatī, ngaich më-eṅ min teunglen

INCHŌḴ-OṘÔ 4:27

Um katöngaṙen tö lahāmö hēk latavē; kānngö röönre ṙā-ang im tötlöök.

YÔSUĀ 11:15

Sā tinöölô Môsös tö ngam Mā Tēv ngam tarik ò, ngatī ṙô Môsös nö tölrô Yôsuā; ngaich ngatī inlahen Yôsuā öthēngö ṙahāti anga-aṅ tö töt keuheūten tö nuk taṙòkhöre tinöölô Môsös tö ngam Mā Tēv.

I. CHÖNGÖ 12:32

Nup töng tinölô meh tö chu, anū-ö haköpkö meh öm la-evṙen um ṙūötö ṙôken u, um rēhĕn hakūönhanga in u.

I. CHÖNGÖ 31:7

Ngaich Môsös nö havëten Yôsuā, ngaich ngö ṙô tö ò nö i kūö yik Israĕl, Ngëtöhëch hangë alahare inrē: tön kiröönngöre man hol vē tarik ip panam öp kinë-eṅkūö cha tö ngam Mā Tēv nö chūöku ṙô nö in yik muvöhngö cha: ngaich vīten cha më-eṅ min nö amīnu tö e.

I. CHÖNGÖ 29:9

Lökten haköp në ṙô ngih kinlēḵngô, la-evṙen inrē tö u, hòṅ yīö kôlòṙen i nup vahīṙen.

I. CHÖNGÖ 28:14

Uh më-eṅ kānngöre ṙā-ang i nup ṙô nup tinöölô meh tö chu i ngih sakāmö, öm kān hāmö hēk kān tavē, öm tömrit nup tahëng tēv ngaich lök la-en u.

INCHŌḴ-OṘÔ 8:20

Lök el talöökö lanöökö chin, el kanröönö tötmichūöṙen kinṙôka,

1 RĀCHA 2:3

Haköp chöngö ngam mā Tēv ngam Tēv meh, lök ël nup talöökö ò, haköp nup chöngö ò nup hachöngten ò inrē, nup inkaha fālen aṅ in ò inrē nup inmeuktö kanô-en inrē nö sā ap tökūichi im chöngö Môsös, hòṅ meh huveū-en i nup taṙòkhöre vahīṙen meh ip töng lā-a kūö meh inrē havöökūöre:

KINṘEŪKÖ 27:23

Ṙātö eltīre ngaich anga-aṅ nö i kui ò ngaich kētö chöngö ò, sā ṙô ngam Mā Tēv nö tölṙô Môsös.

YÔSUĀ 1:1

Ngaich angū-ö nö ngö inlahen unôichrit kinpaha Môsös ök tarik ngam Mā Tēv, tö ngam Mā Tēv nö vë-ekūö Yôsuā ök kikōnyö kūön Nön mameukṙen Môsös, nö ngö ṙô,

I. CHÖNGÖ 11:8

Lökten yin haköp në inchöngten nö ṙòkhöre në tinölô yīö tö chu i ngih sakāmö, hòṅ yīö ngëḵ, kuhēthötre ngaich kēḵ ngam panam nö amin yīö, ngam kū-ö yīö havāngngöre kē-ĕ e nö amin yīö;

YÔSUĀ 1:9

Röh öich chū-ö tamölrô meh? Ngëtöhëich hangë alahare inrē; un pa-ekūö, un rēhĕn ngāng alaha: tön in meh an ngam Tēv ngam Mā Tēv meh ip töng kū-ö meh kiröönngöre.

YÔSUĀ 23:6

Lökten yin hangë-eṅre haköp la-evṙen inrē tö nup tökūchi i mat ngam līpöre chöngö Môsös, hòṅ yīö öt kānngöre tö e lāhāmö hēk lātavē;

1 RĀCHA 2:2

Kiröönngöre chin el talöökö taṙòkhöre aṅ ngih panam: lökten man hangëḵeṅre, hameuktöre öm sātarik:

2 RĀCHA 22:2

Ngaich anga-aṅ nö la-evṙen tö tölöök nö i kūö ngam Mā Tēv, lök el nuk talöökö Tāvit inrē ök yöng ò, öt kānkö lāhāmö inrē hēk lātavē.

2 KINṘÖTNGÖ 15:7

Uh pöri më-eṅ pa-ekūö! Un hökiṙen minë kël meh nö öt kalēḵ, tön reushu an min ngam la-en meh.

NGAM LĪPÖRE YŌP 1:8

Ngaich ngö ṙô ngam Mā Tēv tö Satān, Ngëichkö öp tarik chu öm ang Yōp, tö ò nö öt hĕng tak insā nö i kūö ngam tumlat, tötfāluṙen töchiplö inrē nö tarik, töpa-ekūö tö ngam Tēv havööngö kūöre inrē nö ṙā-ang i tötlöök?

TANĪ-ĔL 10:19

Ngö ṙô anga-aṅ, Ō tarik tö kiröngö hananghuṙen, um pa-ekūö, lanāmö yēḵ in meh; hangë-eṅre um pinhëṅeṅvkūö. Ngaich hē ò nö vë-ekūö chu, ngëḵlöre ngaich chū-ö, ngaich ngö ṙô, Ṙò-òv an yēḵ ngam mā chu, tön ngaich man hangëlen chu.

I. CHÖNGÖ 4:2

Uh yī-ö min ṙūöten hol ngam ṙô ngam tinöölô yīö tö chu, ui rēhĕn min hakūöṅnngö e hòṅ yīö köp tö në Chöngö ngam Mā Tēv, ngam Tēv yīö ngam tinöölô yīö tö chu.

I. CHÖNGÖ 29:8

Kē panam cha ngaich ayī-ö, ngaich kētö e nö amin yip Rūpön, yip Kāt inrē, ròngtī inrē öp miyöngö Manasē.

2 KINṘÖTNGÖ 26:5

Kētöre anga-aṅ nö chöh ngam Tēv hē nuk sakāmö Sakariyā, ök mahaköpten ò nö pa-ekūö tö ngam Tēv; ngaich irô-òten ò nö chöh ngam Mā Tēv, kôlò anga-aṅ ngaich tö tī ngam Tēv.

Salmai 80:19

Havanten ih hēk, Ō Mā Tēv yip tömaṙôngö: vīten ngam kūö re nö yang, hòṅ ih min hayöölöngṙen.