YÔSUĀ 1:6 - TÖHET LĪPÖRE (Re-edited) Bible (BSI)

⁶ Ngëtöhëich hangë alahare inrē: tön vīten vē tarik man nö amin tö ngam panam, ngam kinlēḵngô chu i yik muvöhngö cha nö tö kētu nö in cha.

YÔSUĀ 1:6 Referans Kwoze

TANĪ-ĔL 10:19

Ngö ṙô anga-aṅ, Ō tarik tö kiröngö hananghuṙen, um pa-ekūö, lanāmö yēḵ in meh; hangë-eṅre um pinhëṅeṅvkūö. Ngaich hē ò nö vë-ekūö chu, ngëḵlöre ngaich chū-ö, ngaich ngö ṙô, Ṙò-òv an yēḵ ngam mā chu, tön ngaich man hangëlen chu.

YÔSUĀ 1:9

Röh öich chū-ö tamölrô meh? Ngëtöhëich hangë alahare inrē; un pa-ekūö, un rēhĕn ngāng alaha: tön in meh an ngam Tēv ngam Mā Tēv meh ip töng kū-ö meh kiröönngöre.

YÔSUĀ 1:7

Höng hangëḵeṅre më-eṅ um pa-ekūö inrē, haköpkö ngam chöngö la-evṙen asā-a e nö ṙòkhöre ngam tinöölô meh tö Môsös ök tarik chu: um havööngö kūöre tö e lahāmö hēk la tavē, hòṅ meh teunglen ip töng kū-ö meh kirööngöre.

EFISÖS 6:10

Ngëḵ yin yĕh im Mā, töngamuhöten, im kumlēḵ ngam minhôiṅyö Ò inrē,

1 KÒRIN 16:13

Höngöre yin, haköpöre im mikah; haṙongtöre yin sā tarik, hangëḵeṅre.

2 TIMÒTĪ 2:1

Lökten man, me-eṅ kūön chu, hangëḵeṅre im inlōnti ngam aṅ in Kristū Yēsū.

1 KINṘÖTNGÖ 28:10

Haṙēmngenre man töngamuh, tön atöllen meh an ngam Mā Tēv öm mānlö öp patī tö het chūök; hangë-eṅre man, la-evṙen inrē tö e.

1 KINṘÖTNGÖ 22:13

Ngaich më-eṅ min kôlò yē meh kūötenre haköp në inchöngten. Chöngö inrē tinöölô Môsös nö in yik Israĕl tö ngam Mā Tēv, Ngëḵ man yĕh, öt pinhë-eṅvkūö inrē. Um pa-ekūö, um ngangngö kūö inrē.

HAKAI 2:4

Sön pöri yĕh töngamuh hangëṅ-eṅre, Ō Sērupāpĕl, ṙô ngam Mā Tēv; hangë-eṅre inrē, Ō Yôsūa, kikōnyö kūön Yēhōsatak, ök mākūö kūönṙô; hangë-eṅnre in re, ṙòkhöre yī-ö tarik ngam panam, ṙô ngam Mā Tēv, la-evṙen inrē: tön holtöṙah yīö chin, ṙô ngam Mā Tēv, yip tömaṙôngö,

Salmai 27:14

Höka im Mā Tēv: hangë-eṅre, hökngen ngam ellōn meh nö un pa-ekūö; hòṅ, höka man im Mā Tēv.

SAKARIĀ 8:9

Ngö ṙô an ngam Mā Tēv yip tömaṙôgö. Kalēḵ nun yēḵ minë kël yīö yī-ö hamang në ṙô i në sakāmö nö löknyö elvāng yik pròfĕt, yik mu-umuh misī ik sakāmö ṙinātö chūökrööntö machööḵlö ngam patī ngam Mā Tēv yip tömaṙôngö, ngam töhet chūök, pò e nö hōtu nö mānlöngö.

1 RĀCHA 2:2

Kiröönngöre chin el talöökö taṙòkhöre aṅ ngih panam: lökten man hangëḵeṅre, hameuktöre öm sātarik:

Ranehlö 26:3

Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:

1 SAMUĔL 4:9

Hangë-eṅre yin, Ō yī-ö Filistain, hameuktöre yin sā tarik, hòṅ yīö öt kūön alaha yip Hīprū, nö sā cha cha-a nö in yīö: hameuktöre yin sā tarik, öi kiyung.

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

I. CHÖNGÖ 1:21

Yĕh meuk, ngam Mā Tēv yīö nö ngaich nö ṙātö ngam panam nö i kūö yīö: kuṙòh, kē-ĕ e nö amin yīö, sā ṙô ngam Mā Tēv nö in yīö, ngam Tēv yik muvöhngö yīö; un pa-ekūö, un rēhĕn rötngö rāi.

I. CHÖNGÖ 11:8

Lökten yin haköp në inchöngten nö ṙòkhöre në tinölô yīö tö chu i ngih sakāmö, hòṅ yīö ngëḵ, kuhēthötre ngaich kēḵ ngam panam nö amin yīö, ngam kū-ö yīö havāngngöre kē-ĕ e nö amin yīö;

2 SAMUĔL 10:12

Um pa-ekūö, tā-a töi sā tarik laklö vē tarik re, në elpanam ngam Tēv hī inrē: tī-iv An ngam Mā Tēv inrē töp tölöök min aṅ in ò.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

KINṘEŪKÖ 26:53

In vē ön ngam panam nö michööḵöyi nö amin sā tūmö nup minë-eny.

KINṘEŪKÖ 33:53

Ngaich kē ngam panam yī-ö nö amin yīö min, ngaich iyöng in e: tön ngaich Chin kētö ngam panam in yīö nö amin yīö.

I. CHÖNGÖ 1:8

Yĕh meuk, i kūö yīö tī chin tö ngam panam: kuṙòh amīnu yin ngaich tö ngam panam ngam ṙô ngam Mā Tēv nö kilēḵngôre nö in yik yöng yīö, in Aprahām, in Isak, in Yāköp inrē, nö kētö e nö in cha in yip kūön cha inrē unôichrit cha.

YÔSUĀ 1:18

Öp töng ma-ahôngen chöngö meh min, öt hang nup ṙô meh inrē öm tölṙô ò, kumpaha min anga-aṅ: höng ngë töhëch hangë alahare inrē.

YÔSUĀ 5:6

Pò yik kūön Israĕl nö el tönyalnyi nö kiröön tö fën anāi samyeūheu, hanöng saha yik tarik, yik tarik kumyung yik yamih nö ṙā-ang Aikup, nö keuheūtngörevah, pò cha nö öt hang ṙô ngam Mā Tēv: cha-a yik chūök ṙô ngam Mā Tēv: nö kilēḵngôre tö ò nö öt halöngten cha nö meuk ngam panam, ngam ṙô ngam Mā Tēv nö kilēḵngôre nö in yik muvöhngö cha nö kētö e nö in hī, panam töhëmö aṅkūö tö aṅteh hönī inrē.

YÔSUĀ 10:25

Ngaich ngö ṙô Yôsuā tö cha, Un pa-ekūö, unrēhĕn ngāng alaha; Ngëṅtöheich hangëṅ alahare inrē: tön ngatī tī an ngam Mā Tēv min tö yip lā-al yīö nö ṙòkhöre yip kiyung yīö.

YÔSUĀ 13:6

Ṙòkhöre yip aṅ ngam rung panam löktökūö Lëpenön söl Mesapotamīa, ṙòklöre yip aṅ Sitōn; acha-a min ahōngö chu ṙā-ang i kūö yip kūön Israĕl: höng michöö-öng e pöri më-eṅ ngaich in Israĕl nö amin ò sā tinöölô meh tö chu.

YÔSUĀ 18:3

Ngaich ngö ṙô Yôsuā tö yik kūön Israĕl, Iṙôktöre hanā-aṅ alaha öi yī-ö kē ngam aminre panam ngam kahëtö ngam Mā Tēv nö in yīö, ngam Tēv yik muvöhngö yīö?

YÔSUĀ 21:43

Ngaich ngam Mā Tēv nö kē-ĕkūö Israĕl tö nuk panam kinlēḵngô ò nö in yik muvöhngö cha; amīnu cha-a ngaich tö e, iyöng ël e inrē.

1 KINṘÖTNGÖ 28:20

Ngaich ngö ṙô Tāvit tök kūönre Sòlòmön, Hangë-eṅre man um pa-ekūö inrē, la-evṙen tö e. Um pa-ekūö, um ngangngö kūö; tön in meh an ngam Mā Tēv, ngam Tēv chu, Öthōḵ an nö öt teung nö in meh hēk öthō nö ṙāngen meh, hanöng saha nup la-en i ngam patī ngam Mā Tēv nö keuheūten.

2 KINṘÖTNGÖ 15:7

Uh pöri më-eṅ pa-ekūö! Un hökiṙen minë kël meh nö öt kalēḵ, tön reushu an min ngam la-en meh.

2 KINṘÖTNGÖ 20:7

Röh öm më-eṅ, Ō Tēv ih, ma-ahōngö yik aṅ ngih panam nö i kūö vē tarik meh Israĕl, ngaich kētö e nö örheūheu nö in yip kūön Aprahām ök hol meh?

2 KINṘÖTNGÖ 20:11

Yĕh meuk reushen ih yin nö ngaich nö yih nö ahōnyen ih ṙā-ang ngih amin meh, ngam kahëtö meh nö amin ih.