YÔSUĀ 1:5 - TÖHET LĪPÖRE (Re-edited) Bible (BSI)

⁵ Öt hĕngtak min tarik tökô nö sökhak nö i kūö meh i rô-òtö sakāmö meh aṅ: sā chu misī in Môsös, ngatī chū-ö min in meh: öt hō chin min öt teung in meh, öt rēhĕn ṙāngen, meh.

YÔSUĀ 1:5 Referans Kwoze

RŌMA 8:31

Sitih ṙô öi pökeh min tö në? Chiāp lā-al hī yē ngam Tēv nö in hī?

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

YÔSUĀ 1:9

Röh öich chū-ö tamölrô meh? Ngëtöhëich hangë alahare inrē; un pa-ekūö, un rēhĕn ngāng alaha: tön in meh an ngam Tēv ngam Mā Tēv meh ip töng kū-ö meh kiröönngöre.

I. CHÖNGÖ 20:4

Pò ngam Tēv ngam Mā Tēv nö anga-aṅ kumröönngöre nö hol meh, nö kiyunglen meh lā-al yip tö kunyāhaṅ elmat tö meh, nö hayööken meh.

2 TIMÒTĪ 4:17

Sökhaka pöri ngam Mā nö in chu, nö hangëken chu; pòn hōtu nö lökten in chu ngam inhānga nö keuheūtnyöre inhangnyö, pòn hōtu inrē yip Tahëng mihëṅṙö nö ṙòkhöre nö hang: ngaich ṙānyu chu-ö ṙā-ang elvāng ap lāyön.

Salmai 46:11

In hī an ngam Mā Tēv yip tömaṙôngö: ngam Tēv Yā-köp an innyatlö hī.

HEPRĀI 13:5

Ui aṅhaṅv-in tö hanāngen tö rupīö, ngāichö ṙôngònglōn tö nup in yīö inlānen: pòn ngö ṙô Anga-aṅ, Öthōḵ Chin löhlö tö meh ötrēhĕn Chin min löktu ṙāngen meh.

YÔSUĀ 3:7

Ngaich ngö ṙô ngam Mā Tēv tö Yôsuā, Hapōilen meh chin min i ngih sakāmö i kūö Israĕl nö ṙòkhöre, hòṅ cha nö akahalōn, tö chu sāre misī in Môsös ngatī chū-ö min in meh.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

RŌMA 8:37

Hö-ö, mötlö in tö tömihôiṅ in u nö ṙòkhöre lökten in Ò ngam tö hāngen tö hī.

YÔSUĀ 1:17

Sā ih misī hang ṙô Môsös i tökeuheūttöre ngatī min īhö hang ṙô meh: höng in meh an yēḵ ngam Tēv meh ngam Mā Tēv, sā ò misī nö in Môsös.

I. CHÖNGÖ 7:24

Kēten yip rācha min anga-aṅ nö el tī meh, ngaich më-eṅ min vītö nup minë-eny cha nö hatngö nö el katòh ngam halīöngö: öt tarīku min tökô nö sökhaka nö i kūö meh, hanöng saha meh hatngö tī tö cha.

YÔSUĀ 6:27

In Yôsuā ngaich ngam Mā Tēv; ngaich ök ineūnyö ò nö i nuk panam nö keuheūtngöre chūök.

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

I. CHÖNGÖ 4:31

Pò ngam Mā Tēv ngam Tēv meh, nö tö-aṙē-ĕlōn nö Tēv; öt hōḵ an nö öt teunglen tī tö meh, öt rēhĕn nö halëlngen meh, öt rēhĕn nö vaichngö tö ngam kinlēḵngô in yik muvöhngö yīö ngam kinlēḵngô ò nö chūöku ṙô nö in cha.

YÔSUĀ 10:8

Ngaich ngö ṙô ngam Mā Tēv tö Yôsuā, Uh man pa-ekūö tö cha: tön kēten cha chin nö eltī meh; öt hĕng tak min tarik aṅ-in cha tösökhak nö i kūö meh.

KAMHÔKA 2:18

Hē ngam Mā Tēv nö hachohlö ma-akaha fālen nö in cha, ngaich ngam Mā Tēv nö in öp ma-akah fālen, ngaich hayööken cha nö ṙā-ang eltī yip lā-al i ṙô-òtö sakāmö öp ma-akah fālen: pò ngam Mā Tēv nö havanrit lōnre kūö nup ṙô inlöinyö cha tökūö cha yip tamṙāmö cha nö hakihten cha.

KAMHÔKA 6:16

Ngaich ngam Mā Tēv nö ngö ṙô tö ò, Kô-en chin min in meh, ngaich më-eṅ min fëlngö yip aṅ Mītīa sā nyaha töng hĕng tak tarik.

1 SAMUĔL 10:7

Ngaich mīnö, yē në minkahngö nö teungtöre nö in meh, ngaich më-eṅ la-evṙen yĕm hōtenvö; tön in meh an ngam Tēv.

1 RĀCHA 1:37

Sā ngam Mā Tēv misī nö im mā chu ngam rācha, ngatī An yēḵ nö in Sòlòmön hòn vīlöm kantēra ò nö kiröng tö ngam kantēra ngam mā chu rācha Tāvit.

1 RĀCHA 6:13

Ngaich chū-ö min iyöng in yip kūön israĕl, ngaich öt ṙāngen yip tarik re min Israĕl.

1 RĀCHA 8:57

In hī An yēḵ ngam Mā Tēv ngam Tēv hī, sā ò misī nö i yik muvöhngö hī: uh an yēḵ nö ṙāngen hī, un rēhĕn nö ṙā-ang tīre tö hī;

1 RĀCHA 11:38

Ngaich mīnö angū-ö, yē meh min hang nup tinöölôre tö chu, ngaich lök el në talöökö chu, ngaich la-evṙen inrē tö töhuveū nö i mat chu, öm haköp në chöngö chu tö në inchöngten inrē aṅ in chu, sā ök tarik chu Tāvit; hòṅ chu min in meh, ngaich mānlö patī meh min tö tököp, sā ti chu mānlö patī Tāvit, ngaich kēten Israĕl min nö in meh.

1 KINṘÖTNGÖ 28:20

Ngaich ngö ṙô Tāvit tök kūönre Sòlòmön, Hangë-eṅre man um pa-ekūö inrē, la-evṙen tö e. Um pa-ekūö, um ngangngö kūö; tön in meh an ngam Mā Tēv, ngam Tēv chu, Öthōḵ an nö öt teung nö in meh hēk öthō nö ṙāngen meh, hanöng saha nup la-en i ngam patī ngam Mā Tēv nö keuheūten.

Isayā 42:16

Kētö tötmeuk chin min nö el ap talöökö töt mikahkūö cha; el kanröönö öich hachō-o cha min öp töt mikahkūö cha: vītö sinngūlö chin min i kūö cha nö hanātö, tökuròk inrē nö chip. Anū-ö nun min tī chu, hö-ö chin min ṙāngen cha.

YERIMIĀ 1:8

Uh man pa-ekūö tö cha, tön in meh chin öich ṙānyen meh, ṙô ngam Mā Tēv.

TANĪ-ĔL 11:16

Yih pöri anga-aṅ min nö lā-al ò nöng asā kanahanglōn re, ngaich öt hĕng tak min tösökhak nö i kūö ò; ngaich anga-aṅ min nö sökhak nö im tökôlò panam, keuheūthötre min angū-ö nö elkatòh chöngö ò.

Ranehlö 39:2

In Yôsĕf ngam Mā Tēv, tökôlô ngaich angā-aṅ nö tarik; i patī ök yöngṙenre ngaich angā-aṅ ök aṅ Aikup.

I. CHÖNGÖ 20:1

Yē meh kiröönngöre im kinyūngö öm lā-al yip tökunyāhaṅ elmat tö meh, ngaich meuk nup kōra, inröl inrē, yip tarik inrē nö maṙôngö tö meh, uh më-eṅ pa-ekūö tö cha: tön in meh an ngam Tēv meh ngam Mā Tēv, ngam kamënyen meh ṙā-ang ngam panam Aikup.

YÔSUĀ 21:44

Ngaich ngam Mā Tēv nö vinngö tī nö kētö haneūheu cha, sā nuk ṙô ngam Mā Tēv nö kilēḵngôre nö in yik muvöhngö cha: ngaich öt hĕng tak tarik aṅ i yik tökunyahaelmat tö cha tökô nö sökhak nö i kūö cha; keuheūtlöre tī ngam Mā Tēv nö kētö yik tökunyaha elmat tö cha nö eltī cha.