YÔSUĀ 1:4 - TÖHET LĪPÖRE (Re-edited) Bible (BSI)

⁴ Löktökūö el tönyalnyi, tö ngih inrē Lepanön söl im tökiröng tahël, ngam tahël Yufratīs, ṙòkhöre panam Hitāit, söl im Tökirön Mai inrē i löktö ngam tavūöi, angū-ö min kūöngö meh.

YÔSUĀ 1:4 Referans Kwoze

MANEUTNYI 23:31

Ngaich chū-ö min hakamngökūö panam meh löktökūö mai Ētöm söl ip mai Filistia, löktökūö im tönyaṅlnyi söl im Tahël: pò Chu min kēḵ yip aṅ ngam panam eltī meh; ngaich ahōngen cha më-eṅ min nö ṙā-ang i kūö meh.

I. CHÖNGÖ 11:24

Ṙòkhöre nup törööntu elröön yīö nö amin yīö min: löktökūö im tönyalnyi, i Lepenön inrē, löktökūö im tahël, ngam tahël Yufritīs kūöngö meh min ngam lā sūng mai.

I. CHÖNGÖ 3:25

Vë-ekūö meh chin, halöngten chu havāngngöre, Öich meuk ap tölöök panam lā muh tö Yôtan, ap tövai rôngö, Lepenön, inrē.

I. CHÖNGÖ 1:7

Havöökūöre yin, öi ngaich kirööngöre, kuṙòh chuh im törūngu panam yip aṅ Amôr, i nup chūökö inrē töröhta nö in e, i Arapa, im törūngu panam, im lā taṙeū panam, lā lòhngö, röhta i kuyāyö ngam mai, i panam yip Kanā-an, Lepanön inrē, tölngö ngam tökiröng tahël, ngam tahël Yufratīs.

1 KINṘÖTNGÖ 18:3

Mihôiṅ inrē Tāvit tö Hatatēsör ök rācha aṅ Sōpah, lā Hamat, ik sā ò nö kiröönngöre nö asöklö ök minkahngö ò nö ik tahël Yūfrātīs.

1 KINṘÖTNGÖ 5:9

Iyöng lā chuhöt inrē anga-aṅ ip tölngö ök kūö taköp ök tönyalnyi lā hih tö kaha Yūfratīs, pò nuk nuā cha nö ṙūölöre ṙôken nö ip panam Kīlīöt.

INMEUKHÖMAT 9:14

Hĕng tak ök tö ngö ṙô tök tinfūöl tak Ma-ahānga, ök tö aṅhaṅv-in tö fanöö, Luhlö yip tö fën tak Ma-ahānga, yip tönyëki nö ip tökiröng tahël Yufratīs.

1 RĀCHA 4:21

Hayöng ang Sòlòmön nö i kui nuk pūlngö nö ṙòkhöre löktökūö ngam Yufratīs söl i panam yip aṅ Filistain, tölngö kūöngö Aikup: kētö raneushö cha-a, ngaich kūönkūö Sòlòmön i rô-òtö sakāmö ò.

ESRĀ 4:20

Rācha yik inrē tökalēḵ mī-i Yērusalem, yik mahayöng ngam panam nö keuheūtlöre Lāmuh tö ngam Tahël, tökē-ĕvkūö tö masūl, ṙāi ṙināhöt chehen ṙāi kūö chūök inrē.

1 RĀCHA 10:29

Hĕng nòng ök inröl ṙamā-ang Aikup tötafūölòng siköl ṙāi tö rupīö hĕng nòng ök kōra inrē töhĕnghöt ṙòng taneui anāi: ṙòkhöre yik rācha aṅ Hitait, rācha aṅ Siriā inrē nö kumten u nö ṙā-ang panam re.