YÔSUĀ 1:15 - TÖHET LĪPÖRE (Re-edited) Bible (BSI)

¹⁵ Hanöng saha tī ngam Mā Tēv nö kētö haneūheu hol yīö, sa tī ò nö ngaich nö in yīö, ngaich cha-a inrē nö kē ngam panam aminre ngam kahëtö ngam Tēv yīö ngam amin yīö, ngaich hayōmö e, ngam kahëtö Môsös nö in yīö ök tarik ngam Mā Tēv lamuh tö Yôtön lā löklö ngam tavūöi.

YÔSUĀ 1:15 Referans Kwoze

FILIPĪ 2:4

Un kö höngkö nup in re yī-ö, kö ngëichkö nup i yip holre pöri yī-ö inrē.

KALATĪ 5:13

Pò yīö, kahōlö, havëtu im ṙinānyö; un kēka ngam ṙinānyö yīö nö i lōn ngam alaha, lökten im hanāngenlōn, kö kamūönkūö höö.

1 KÒRIN 13:5

Öt siṙakngenre an; öt chöh kanôlòre an; öt harunnyö lanīnöre an; öt afēken inyëḵngenre an.

1 KÒRIN 12:26

Yĕn pòrô nö hĕng ngam tūmö alaha nö chök, ṙòkhöre ngaich minë tūmö alaha nö hol e nö chök; hĕng ngam tö eū-eu, ṙòkhöre ngaich minë tūmö alaha nö ṙāmölōn nö hol e.

KALATĪ 6:2

Keunhökūö höö yin tö lumnganre, ngaich ngatī hateungngö chöngö Kristū.

I. CHÖNGÖ 3:20

Hanöng saha tī ngam Mā Tēv nö kētö haneūheu yip hol yīö, nö sā yīö yī-ö ngaich, ngatī inrē chā-a nö kēḵ aminre tö panam tö kahëtö ngam Mā Tēv, ngam Tēv yīö, nö in cha lā muh tö Yôtan; ngaich möl yī-ö min kö havantöre i nup amin re, tökētu ngaich tö chu nö in yīö.

YÔSUĀ 1:1

Ngaich angū-ö nö ngö inlahen unôichrit kinpaha Môsös ök tarik ngam Mā Tēv, tö ngam Mā Tēv nö vë-ekūö Yôsuā ök kikōnyö kūön Nön mameukṙen Môsös, nö ngö ṙô,

YÔSUĀ 1:14

Höngngöh min yip pīhö yī-ö, yip kūön, yīö, nup nuā yīö, nö im panam lamuh tö Yôtön ngam kahëtö Môsös nö in yīö; havāngngöre pöri min yī-ö öi aṅhāṅvtī urēhĕkūö yip holre, ṙòkhöre yip tökalēḵ tarik yip töt pinhë-eṅvkūö, ngaich holṙen cha min:

YÔSUĀ 1:16

Sap ṙô Yôsuā cha-a ngaich, nö ngö ṙô, La-evṙen in min tö nup tinöölô ih tö meh nö ṙòkhöre, kiröönngöre in min inrē ip töng kū-ö tī meh tīnngen ih.

I. CHÖNGÖ 3:18

Ngaich hē e chū-ö ngö ṙô töl ṙô yīö, Ngaich an ngam Mā Tēv ngam Tēv yīö nö kētö ngih panam nö in yīö nö amin yīö: havāngngöre pöichö in yip hol re yip kūön Israĕl öi kumtö aṅtī re kiyung, ṙòkhöre tarik tökalēḵ.

I. CHÖNGÖ 9:1

Israĕl, hangihtöre: hòṅ havāngngö kui Yôtan man ing töngamuh, öm kiröönngöre ömīnu tö yip pumnāmö tarik, tökiröng, tökalēḵ tö meh, elpanam tökiröng, tösöl el halīöngö rô-òl kui kinlōngö.

YÔSUĀ 22:1

Ngaich Yôsuā nö havëtö yik Rūpön tö yik Kāt inrē, tök töròngti miyöngö Manāsē,