YÔSUĀ 1:11 - TÖHET LĪPÖRE (Re-edited) Bible (BSI)

¹¹ Kiröönngöre man lök ellōn ngam elyöngö, tölṙô yip tarik, ngö ṙô, Halēn nyā-aṅkūö yin; tön i ël tölūöi sumkam yin havāngngöre tö ngih Yôtön, öi kiröönngöre kē ngih panam nö a min yīö ngam kahëtö ngam Tēv yīö ngam Mā Tēv nö amin yīö.

YÔSUĀ 1:11 Referans Kwoze

I. CHÖNGÖ 9:1

Israĕl, hangihtöre: hòṅ havāngngö kui Yôtan man ing töngamuh, öm kiröönngöre ömīnu tö yip pumnāmö tarik, tökiröng, tökalēḵ tö meh, elpanam tökiröng, tösöl el halīöngö rô-òl kui kinlōngö.

2 RĀCHA 20:5

Havanritre man, ngö ṙô tö Hësikiā ap rācha vē tarik chu, Ngö ṙô An ngam Mā Tēv, ngam Tēv Tāvit ök yöng meh, Ngaich chin hang ṙô meh vë-ekūö chu, meuk nuk mak mat meh chin: Yĕh meuk, lööken man tö tī chu: ip linūöi sumkam man min chuh el patī ngam Mā Tēv.

HŌSĪ 6:2

Unôichrit tönët sumkam an min nö ha-aṅha hī: im linūöi sumkam min anga-aṅ hachohlen hī, ngaich aṅ min ayī-ö i kūö ò.

YÔSUĀ 3:2

Ngaich ngö inlahen angū-ö unôichrit tölūöi sumkam, tö yik yöngṙen kumyung nö kiröön nö lök ellōn ök elyöngö;

I. CHÖNGÖ 11:31

Hòṅ havāngngöre yin lā muh tö Yôtön öi kirööngngöre kēḵ ngam panam nö amin yīö ngam tökilē-ĕyö tö ngam Tēv ngam Mā Tēv yīö nö kē-ĕkūö yīö, ngaich amīnu yī-ö min tö e, iyöng in e inrē.

MANEUTNYI 19:11

Hòn lēn ip linūöyö sakāmö: pòn ip linūöyö sakāmö ngam Mā Tēv min nö yih nö i kūö yip tarik nö ṙòkhöre i kui ngam rôngö Sināi.

YÔSUĀ 1:2

Kapah ök tarik chu Môsös, yĕh lökten choholre, kuṙòh havāngngöre tö ngih Yôtön, më-eṅ ṙòkhöre inrē vē tarik, im panam kahëtö chu in cha, in më kūön Israĕl.

YÔSUĀ 1:10

Ngaich Yôsuā nö tölṙô yik yöngṙen kumyung in yik tarik, nö ngö ṙô,

I. CHÖNGÖ 3:18

Ngaich hē e chū-ö ngö ṙô töl ṙô yīö, Ngaich an ngam Mā Tēv ngam Tēv yīö nö kētö ngih panam nö in yīö nö amin yīö: havāngngöre pöichö in yip hol re yip kūön Israĕl öi kumtö aṅtī re kiyung, ṙòkhöre tarik tökalēḵ.