YÔSUĀ 1:1 - TÖHET LĪPÖRE (Re-edited) Bible (BSI)

¹ Ngaich angū-ö nö ngö inlahen unôichrit kinpaha Môsös ök tarik ngam Mā Tēv, tö ngam Mā Tēv nö vë-ekūö Yôsuā ök kikōnyö kūön Nön mameukṙen Môsös, nö ngö ṙô,

YÔSUĀ 1:1 Referans Kwoze

I. CHÖNGÖ 34:9

Ngaich ang Yôsuā ök kikōnyö kūö Nön tö tööḵlö tö mikah; pò Môsös nö ṙātö eltire nö i kui ò: hang ṙô ò ngaich yik tarik kūön Israĕl ngaich taūngen nö sāṙô ngam Mā Tēv nö tölṙô Môsös.

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

I. CHÖNGÖ 31:3

Ngam Tēv meh an min ngam Mā Tēv urēhĕkūö meh nö havāngngöre; anga-aṅ öp min ma-ahatngö vē pumnāmö tarik nö i kūö meh, ngaich më-eṅ min amīnu tö cha: Yôsuā ap min mahavāngngöre nö urēhĕkūö meh, sā ṙô ngam Mā Tēv nö ngaich.

I. CHÖNGÖ 1:38

Yôsuā ngam kikōnyö kūön Nön, ngam i kūö yīö nö sökhaka, chuh in e an min anga-aṅ: ṙūöhöl alaha ò yin: tön anga-aṅ an min tötī-iv tö e nö amin Israĕl.

MANEUTNYI 24:13

Chōholre ngaich Môsös, Yôsuā inrē ök mameukṙen ò: ngaich Môsös nö yônlö nö im rôngö ngam Tēv.

RŌMA 1:1

Töhakövö ön Pôl tö Yēsū Kristū, havëtu nö tanīnöṙô, hakösiṙen im tölöök inhangkö ngam Tēv;

INLAHEN 7:45

Ngaich yik muvöhngö hī nö kēhöt e nö hol Yôsūā, hē cha nö kuhēthötre, nö kēḵ aminre tö yik tahëng mihëṅṙö, yik tö ahōṙī tö ngam Tēv, nö i kūö yik muvöhngö hī; söl i nuk sakāmö Tāvit.

I. CHÖNGÖ 34:5

Lökten Môsös ök tarik ngam Mā Tēv nö kapah nö umuh im panam Mô-āp, sā ṙô ngam Mā Tēv.

2 RĀCHA 3:11

Ngö ṙô pöri Yēhōsafāt, Öt hĕng tak ök aṅ i yik tarik ök rācha aṅ Israĕl, tö ngö ṙô nö sap ṙô, Ēlaisa öp ihih öp kikōnyö kūön Sāfāt, öp ṙamöstö mak nö eltī Ēlaicha.

1 RĀCHA 19:16

Hacham el kui Yēhū më-eṅ inrē öp kikōnyö kūön Nimsī nö rācha i kui Israĕl: hacham el kui Ĕlaisa inrē öp kikōnyö kūön Safāt aṅ Āpĕlmehōtah nö pròfĕt nö i chūök meh.

YÔSUĀ 12:6

Ngaich Môsös ök tarik ngam Mā Tēv tö yik kūön Israĕl inrē nö fëlngen cha: ngaich Môsös ök tarik ngam Mā Tēv nö kētö e nö amin yik Rūpön tö Kāt ròngtī miyöngö Manasē inrē.

I. CHÖNGÖ 33:1

Inkôlò ön ngih, aṅtī Môsös ök tarik ngam Tēv nö hakôlò yik kūön Israĕl urēhĕkūö kinpaha ò.

KINṘEŪKÖ 13:16

Anū-ö nun në minë-nyö yik tarik tahīnngö Môsös nö ulāikömatre tök panam. Ngaich Môsös nö kaheūkö Ōsiā kikōnyö kūön Nön nö Yôsuā.

KINṘEŪKÖ 13:8

Ōsiā kikōnyö kūön Nön aṅ i miyöngö Ifrĕm.

KINṘEŪKÖ 12:7

Öt ngatī ngam tarik Chu Môsös; anga-aṅ an tökô-en i tökeuheūttöre el patī Chu.

KINṘEŪKÖ 11:28

Ngaich ök kikōnyö kūön Nön ang Yôsuā, ṙanët Môsös, töhĕng tak aṅ i yik tarik katöllö ò, ngö ṙô nö sapṙô, Mā chu Môsös, tahngen cha.

INMEUKHÖMAT 1:18

Öich tö aṅ inrē; kapah sin Chu-ö, ngaich yĕh meuk, örheūheu Chin ngaich aṅ, aṅhaṅv-in Chin inrē tö në tinkīök ngam kinpaha, tö ngam chūök tökapah inrē.

YĀKÖP 1:1

Salām yip tö nët sīön miyöngö, yip tö parāti an Yāköp, kūönkūö ngam Tēv, ngam Mā Yēsū Kristū inrē.

TAITÖS 1:1

Töhakövö an Pôl tö ngam Tēv, ane inrē tanīnöṙô Yēsū Kristū, sā ngam ṙinātö ellōn yip katöllö ngam Tēv, ane inrē sā ngam inkaha ngam tökô-en, ngam tö sā lanöökö,

T. LŪKÖS 16:10

Ngòh tökô-en nö i törahëichyen, tökô-en nö i töpōyen inrē. Ngòh tömichūṙen nö i tö rahëichyen, tömichūṙen nö i tö pōyen inrē

I. CHÖNGÖ 34:12

Nup minhôiṅyö kël inrē, i nup tökiröng pinhë-eṅkūö inrē nup tī Môsös nö i kūö yik kūön Israĕl.

YÔSUĀ 1:2

Kapah ök tarik chu Môsös, yĕh lökten choholre, kuṙòh havāngngöre tö ngih Yôtön, më-eṅ ṙòkhöre inrē vē tarik, im panam kahëtö chu in cha, in më kūön Israĕl.

YÔSUĀ 1:15

Hanöng saha tī ngam Mā Tēv nö kētö haneūheu hol yīö, sa tī ò nö ngaich nö in yīö, ngaich cha-a inrē nö kē ngam panam aminre ngam kahëtö ngam Tēv yīö ngam amin yīö, ngaich hayōmö e, ngam kahëtö Môsös nö in yīö ök tarik ngam Mā Tēv lamuh tö Yôtön lā löklö ngam tavūöi.

NAHIMIĀ 8:17

Ngaich yik tömūl nö ṙòkhöre cha-a yik mahavan nö ṙā-ang el inkövö nö vī sanrā re ngaich iyöng el nuk sanrā; pòn löktökūö nuk sakāmö Yôsuā ök kikōnyö kūön Nön söl i sakāmö yik tarik Israĕl nö öt ngatī. Ngaich kiröngen ök ṙanāmölōn umuh.