YERIMIĀ 7:4 - TÖHET LĪPÖRE (Re-edited) Bible (BSI)

⁴ Ui hayönglenre i në innyatkö el mat ṙô: töhet chūök ngam Mā Tāv ön ngih, töhet chūök ngam Mā Tēv, töhet chūök ngam Mā Tēv.

YERIMIĀ 7:4 Referans Kwoze

MAIKA 3:11

Yip yöngṙen umuh reushu nö akaha fālen, yip kūönṙô inrē umuh haṙāi inköphöti, yip pròfĕt inrē umuh akah ngam Tēv nö ṙāitö rupīö; sönen cha-a nö hòṅ harônlöre nö im Mā Tēv, nö ngö ṙô, Röh ang ngam Mā Tēv nö el ṙôngö hī? Öt tötlööku min yamih nö in hī.

SEFAINIĀ 3:11

Ip sakāmö angū-ö min me-eṅ öt sirōngkūö tökūö nuk la-en meh, nuk lökngen meh köölö fālen lā-in chu; pò chu min möl kēngö yip mahakeūlen minā-aṅre nö ṙā-ang in meh, ngaich me-eṅ min öt ōtren kanësen im töhet rôngö chu.

ISIKĪ-ĔL 13:19

Ngaich man hachōichgen chu in yip tarik chu nö ṙënngen töhĕng me-eltī-i pārli ṙënngen linreūkö rôti inrē, kumpahngö vah tarik yip tösōḵ nö kapah, ṙātö tarik inrē nö aṅ yip tösōḵ nö aṅ, lökten i minyôiny-aṅ yīö in yip tarik chu, yip hamang minyôiny-aṅ.

YERIMIĀ 29:31

Löö in yip tö tö-ahötī nö ṙòkhöre söömhöti, ngö ṙô, Ngö ṙô an ngam Mā Tēv tö inlahen Sēmayā öp aṅ Nëhelam: Pò Semayā nö vë-eny nö in yīö yē ò nö öt tīni tö chu, ngaich vīten yīö hayönglen re i minyôiny-aṅ,

T. LŪKÖS 3:8

Lökten yin la-evṙen tö nup la-en ngam invöötö ellōn. Ui hòṅ ngö ṙô tö lōnre, yöngu in tö Aprahām. Tön ngö ṙô chin tö yīö, tö ngam Tēv nö kô-òren nö kēḵ në ihong nö vī-il u nö kūön Aprahām.

YERIMIĀ 28:15

Ngaich ngö ṙô ök pròfĕt Yerimiā tö ök pròfĕt Hananiā, Hang man, Hananiā, Hö-ö an ngam Mā Tēv nö tīnten meh, ngaich man vīten vē tarik nö hayönglenre nö i minyôiny-aṅ.

YERIMIĀ 6:14

Höng höhen tī yin nö halanken innyahkö vē tarik chu, ngaich ngö ṙô, Lām, lām, yĕn rö-övö nö lanāmu nö umuh.

YERIMIĀ 29:23

Pò cha nö kēken kumlō-ov nö i Israel, asĕha nap nö i pīhö holre, ṙô-òv inrē cha-a nö i minë-eny chu töminyôny-aṅ nup töt tinölô cha tö chu. Höng chū-ö chin tö-akahalōn, chū-ö inrē mameuk, ṙô ngam Mā Tēv.

1 RĀCHA 9:7

Ngaich chū-ö min rökngen Israĕl nö öt ing panam ngam kahëtö chu in cha; tö ngih patī inrē, ngih ahetlö chu nö i minënyö chu, kavāli min angū-ö nö ṙā-ang i mat chu; ngaich Israĕl min nö inchō-oṙô tinkāköṙô inrē nö in yip taṙòkhöre tarik:

Isayā 48:2

Pò cha nö havëköre nö aṅ ngam töhet elpanam, ngaich hayönglenre nö im Tēv Israĕl; Mā Tēv yip tömaṙôngö ap minë-eny ò.

Isayā 59:4

Öt hĕng tak töchiplen nö i kinṙòkkö fālen, öt hĕng tak töt michūṙen nö chuh im chöngö: hayönglenre yin i töng kaṙū-aṙôre, ṙô-òv yin nö minyôiny-aṅ, halēn ellōn re yin tö tötlöök ngaich kēnyö öt lanöökö.

Isayā 66:1

Ngö ṙô an ngam Mā Tēv: Kantēra chu an ngam halīöngö ranöönö röön chu inrē ngam tumlat; patī yòh öp min patī mahānlö yīö patī chu? Asuh ap chūök chu min heūheure?

YERIMIĀ 7:14

Hö-ö yī-ö sap ṙô, Lökten chin min tinī-iv töng patī tö kaheūkö tö minë-eny chu ngam chūök yīö hayönglenre, im chūökö inrē kahëtö chu in yīö, in yik muvöhngö yīö inrē, sā tī chu tö Sailō.