YERIMIĀ 3:3 - TÖHET LĪPÖRE (Re-edited) Bible (BSI)

³ Lökten an ngam kumṙah nö öt chahūköti, ngam kumṙah kūö-arūṙö inrē nö öt yih; sönen me-eṅ māl tö māl mī-inyihköre kikānö, sō me-eṅ öm sirōngkūö.

YERIMIĀ 3:3 Referans Kwoze

LA-EN LĒVĪ 26:19

Likölngö ngam inkeūlen yīö Chin min chöngö; ane inrē vīlö ngam halīöngö yīö min nö sā vët, ngam tumlat yīö inrē nö sā vët, mās;

YERIMIĀ 14:4

Pò ngam tumlat ngam töng ngangngökūö, kūö törö-ö kumṙah im panam, sirōngkūö yip tameūch kahulkuire cha-a.

YERIMIĀ 14:22

Tökô-òv hòng umuh i nup tötkò-en tēv pumnāmö tarik nö kētö kumṙah? Hēk kô ön minë halīöngö nö kētö tö-aṙöka kumṙah? Ō Mā Tēv Tēv ih, röh öm me-eṅ anga-aṅ? In meh in öi meūka, pò në nö ṙòkhöre nö tī meh.

YERIMIĀ 5:24

Hö-ö yin nö ngö ṙô nö ellōn re, Tā-a töi pa-ekūö töm Mā Tēv ngam Tēv hī, ngam kamëtö kumṙah ip hē re, kumṙah ilūöi, kumṙah kūö-arūṙö inrē, ngaich haköpi pòkūö hī në sinat sumkum tövīlöngö tökūö inmūlö ṙòng taneūich.

Isayā 5:6

Piyāingö e chin min; ngaich angū-ö min nö öt kamöpka rōi aṅ öt rēhĕn nö fūngö tumlat; sīöplö pöri min nö umuh vòk nūötö töchökhu kūö inrē: ngaich tölṙô minë taṙul chū-ö min nö kumṙah nö i kui e.

I. CHÖNGÖ 28:23

Mās ngam i kui meh min halīöngö vët ngam tumlat min nö elkatòh meh.

HAKAI 1:11

Ngaich chū-ö inrē havëtö nyanôngö i kūö ngih panam, i kui në rôngö inrē, i kui sāiny, I kui vāin, i kui tavī-i, i kui nup samīöp inrē nö löklö el tumlat, i kui tarik, i kui nuā, i kui nup la-en kuntī tarik nö ṙòkhöre inrē.

AMŌS 4:7

Ngaich chin inrē ṙap röön ngam kumṙah nö in yīö yĕn ṙòngmö lūöi töre chumngëṅtö ap inmūlö ṙòng: ngaich chū-ö vīten e nö kumṙah nö i kui töhĕng elpanam, sōten e inrē nö kumṙah nö i kui tahëng elpanam: hĕng kang chūök ap tö kumṙahtu kui,ngaich ap tö kumṙahtu kui nö öt nyangngö.

YERIMIĀ 8:12

Sirōngkūö aich cha-a hē cha nö kēken sin-òkkūö? Hö-ö, öt sinrōngukūö yin; hö-ö yin nö akahakūö tö miṙē-ĕv. Lökten yin min nö fukngö nö in yip töfukngö; kavāli yin min, hē chu sācha tī tö cha, ṙô ngam Mā Tēv.

YERIMIĀ 6:15

Sirōngkūö yip vö yĕn lūölken sin-òkkūö? Hö-ö, öt sinrōngukūö yip hö-ö yip nö akahakūö tö miṙē-ĕv. Löken yip min nö fukngö nö in yip töfukngö; kavāli yip min ip hē chu sācha tī tö cha, ṙô ngam Mā Tēv.

SEFAINIĀ 3:5

Tölöök an ngam Mā Tēv nö ellōn e öthō an nö la-evṙen tö tötlöök; kaheuk peuheū an nö kēnyö ngam inkaha fālen aṅ in ò nö el hanātö, öthō an nö öt teung; öt akahakūö pöri ngam töt chiplen tö sumrōngkūö.

ISIKĪ-ĔL 3:7

Hö-ö pöri min öp patī Israel nö hangṙô meh, pò cha nö öthōḵ nö hangṙô chu; pòn ṙòkhöre nup patī Israel nö töngë-eṅ māl töngë-eṅ ellōn inrē.

YERIMIĀ 5:3

Ō Mā Tēv, röh ön minë mat Meh nö ngamëchkö kanô-en? Ngaich Man fōhoh cha, hö-ö pöri cha-a nö lökngöre tö chanökö; keuheūtngöre vah yin tö tī Meh, sōḵ pöri cha-a nö kēḵ chinökṙen re.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

NAHIMIĀ 9:17

Sōḵ cha-a nö hang chöngö, ngaich öt köpölōn tö nuk pinngangkūö nuk tī meh in cha; hangëngö likeun re pöri cha-a ngaich vīlö yöngṙen re nö havantöre nö el inkövöre nö i Aikup. Tēv pöri më-eṅ tölēnen aṙē-ĕl, tö-aṙē-ĕlōn tö-aheūkölōn inrē, töt ka-eūyö tanānyö töpōyen, aṅ in inrē tö tököp hanāngenlōn, ngaich rö-ö öm ṙāngen cha.

YERIMIĀ 14:3

Tīnngö tarik re nö fòk mak yip mā tö-akaha; sölta cha-a ngaich nö i nup inchūökngö mak, ötkôtökūö cha-a tö mak havan cha-a ngaich nöng öt aṅhav chūök kum; sirōngkūö cha-a kalūöchöre el kui inrē ngaich kahultö kui re.

YERIMIĀ 36:2

Hēngö kahëḵ man tö tölirōlö chūök kinūichö ngaich kūich në ṙô i mat e në ṙô chu in meh öich la-alkūö Israel Yūtā inrē tö vē pumnāmö tarik nö ṙòkhöre löktökūö ök sakāmö ṙô chu tö meh, löktökūö nuk sakāmö Yôsayā söl ing töngamuh.

SEFAINIĀ 2:1

Hamūlöre yin hĕngre chūök, hôṅ hamūlöre Ō yī-ö pumnāmö tarik töt maheūṅkkuvö;

Ranehlö 19:34

Chalô tö e, im huṙöich, tö ök lanòh nö ngöṙô tök ṙālö, Yĕhmeuk, holtöṙah öp kikōnyö chin vahë yöngre tö hatööm ṙōlhaka: tā-a tai mihiyōingen ò tö vain i ngih hatööm inrē; ngaich kuhēthötre më-eṅ ṙōlngöre holtöṙah ò, hòṅ hā haköpkö mumātö ap yöngre kikōnyö.

INCHŌḴ-OṘÔ 21:29

Hangëkūöre ngòh tötlöök tarik, ngëichkö talöököre pöri öp tö chiplen tarik.

YERIMIĀ 5:25

Havööṙikūö nuk nö ngaich tö öt lanöökö yīö, nup tökööl yīö inrē nö harahngökūö tölöök nö in yīö.

YERIMIĀ 14:1

Ngam ṙô ngam Mā Tēv yamih nö in Yarimiā inlahen ök nganasngö:

AMŌS 4:8

Lökten nuk tönët hēk tölūöi elpanam nö chuh im töhĕng elpanam nö òk mak, ngaich rö-ö nö tööḵngen: sönngenre yī-ö öt havantöre in chu, ṙô ngam Mā Tēv.