YERIMIĀ 2:4 - TÖHET LĪPÖRE (Re-edited) Bible (BSI)

⁴ Hangihtöre tö ṙô ngam Mā Tēv, Ō patī Yāköp, ṙòkhöre inrē mupīhö aṅ patī Israel.

YERIMIĀ 2:4 Referans Kwoze

MAIKA 6:1

Hangihtöre yin töngamuh tö ṙô ngam Mā Tēv: Chōholre, i kūö minë rôngö man lā-al u, hökngen minë rung nö hang ṙô meh.

HŌSĪ 4:1

Hang ngam ṙô ngam Mā Tēv, yī-ö kūön Israel: pò ngam Mā Tēv nö ahôngô yip aṅ ngam panam, pòn öt kanô-envö umuh, öt rēhĕn nö neūkulōnvö, öt rēhĕn nö inkahavö ngam Tēv nö im panam.

YERIMIĀ 34:4

Hang ṙô ngam Mā Tēv pöri, Ō Hēsikiā rācha aṅ Yūtā! Ngö ṙô an ngam Mā Tēv tö inlahen meh: Hö-ö man min kapah tökūö sanët;

YERIMIĀ 33:24

Öt meukngöre öi yī-ö tö ṙô vē tarik, nët hang mupīhö yik sahō-o ngam Mā Tēv yik katöllö ò? Ngati inlahen cha-a nö mināichṙen tö vē tarik chu lökten cha nö öt ngöhören nö pumnamö tarik nö i kūö cha.

YERIMIĀ 31:1

Hē e, ṙô ngam Mā Tēv, öich Tēv taṙòkhöre mupīhö Israel min ngaich cha-a min nö tarik chu.

YERIMIĀ 19:3

Ngö ṙô min me-eṅ, Hang ngam ṙô ngam Mā Tēv, Ō yī-ö rācha aṅ Yūtā yī-ö aṅ Yērusalem inrē. Ngö ṙô an ngam Mā Tēv yip tömaṙôngö, ngam Tēv Israel Yĕh meuk, kētö tötlöök chin i kui ngih chūökö hòṅ nup elnang öp hamang min nö kāthöt elnang tö e.

YERIMIĀ 13:15

Kētö elnang re hang inrē: un hakeūṙöre, tön ṙô-òvö an ngam Mā Tēv nö ngaich.

YERIMIĀ 7:2

Söklöre i kūö inkūp ngam patī ngam Mā Tēv, ngaich umuh ahangkö ngih ṙô, ngö ṙô, Hangihtöre tö ṙô ngam Mā Tēv ṙòkhöre yī-ö tarik aṅ Yūtā kumhĕthötre lökhöt i në inkūp öi vë-ekūö ngam Mā Tēv.

YERIMIĀ 5:21

Hang ngih yin, Ō yī-ö tökulō-ovö töt akaha tarik inrē, yī-ö tö mātu, öt meuk pöri, yī-ö tönāngu öt hang pöri.

YERIMIĀ 2:3

Töhet an Israel nö im Mā Tēv, lanòhlòng nup hamūl ṙòng ò. Ṙòkhöre yip nyamā-aṅ e nö töfāluṙen; teunghukui yip min tö tötlöök, ṙô ngam Mā Tēv.

YERIMIĀ 2:5

Ngö ṙô an ngam Mā Tēv: Asuh ap kanôtökūö yik muvöhngö yīö tövaich in chu töp lökten cha nö marô-òl-kūö nö kiröönngöre nö ṙāngen chu, ngaich tömrit töt kanôluṙô, ngaich vītöre nö töt kanôluṙô?

YERIMIĀ 10:1

Ō patī Israel, hang ngam ṙô ngam ṙô, ngam Mā Tēv nö vë-ekūö yīö.