YERIMIĀ 2:3 - TÖHET LĪPÖRE (Re-edited) Bible (BSI)

³ Töhet an Israel nö im Mā Tēv, lanòhlòng nup hamūl ṙòng ò. Ṙòkhöre yip nyamā-aṅ e nö töfāluṙen; teunghukui yip min tö tötlöök, ṙô ngam Mā Tēv.

YERIMIĀ 2:3 Referans Kwoze

INMEUKHÖMAT 14:4

Cha-a yin töt mahachōichngöre nö i kikānö; pò cha nö töhet. Cha-a yin vē tamömrit ngam pököre i töng kū-ö Ò nö kiröönngöre. Cha-a yin töhavaha aṅ i tarik, nö lanòh nö im Tēv, im pököre inrē.

YĀKÖP 1:18

Pò e nö lōn Ò, nö kētö nômö hī, i ngam ṙô kanô-en, hòṅ hī ayī-ö, sā ranehlòng vahī-il Ò.

Isayā 41:11

Yĕh meuk, ṙòkhöre yip töföinyö ellōn nö lā-al meh min nö sirōngkūö kalūöchöre el kui inrē: cha-a yip kamlahare nö lā-al meh min nö sā töng rö-övö ngaich payāyi min.

RŌMA 11:16

Yē ngam lanòhlòng nö töhet, ngatī ngam manulngö: yē ngam ṙĕh nö töhet, ngatī minë pak.

SAKARIĀ 2:8

Tön ngö ṙô An ngam Mā Tēv yip tömaṙôngö: Unôichrit ngam kanôlò anga-aṅ nö tīngen chu in yip pumnāmö tarik yip kamil inlānen meh: pò ò ngam lamūölken meh nö lūölngöre tī tö ngam tö-isoh elmat ò.

YERIMIĀ 50:7

Kāḵngö u nuk tökôtökūö tö u, ngaich ngö ṙô yip tökunyaha elmat, tö u, Hö-ö in ihö fāluṙen, pò cha nö köölö fālen nö im Mā Tēv, ngam tôkô-en elyöngö cha, ngam Mā Tēv, ngam maheūṅkkö yik yöng cha.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

EFISÖS 1:4

Sā tī Ò nö katöllen hī in Ò, urēhĕkūö ranehlö ngih panam, pò hī hōtu het, öt kasutka i kūö Ò, im hanāngenlōn:

YERIMIĀ 12:14

Ngö ṙô an ngam Mā Tēv tö yip tötlöök aṅ ranghö chu yip lamūölkö ngam amin ngam kahëtö chu nö amin yip tarik chu Israel: Yĕh meuk, teuklen cha chin min ṙā-ang ip panam cha, teuklö ngam patī Yūtā chin min inrē nö ṙā-ang in cha.

I. CHÖNGÖ 14:2

Tön töhet man öm tarik ngam Tēv ngam Mā Tēv meh, ngaich më-eṅ atöllöngö tö ngam Mā Tēv, öm tarik ò tötohngöre, tulöng tö taṙòkhöre tarik yip aṅkūö ngam tumlat.

I. CHÖNGÖ 7:6

Tön töhet man më-eṅ öm tarik im Mā Tēv ngam Tēv meh: katöllen meh an ngam Mā Tēv ngam Tēv meh öm tö tohngöre tarik ò, öm ṙā-ang i vē tarik nö ṙòkhöre aṅkūö ngih panam.

KINṘEŪKÖ 18:12

Ṙòkhöre nup tölngö tölöök tavī-i, ṙòkhöre inrē nup tölngö tölöök ṙòng angkūr, sāiny inrē, nup lanòh lòng u kahëtö cha nö i ngam Mā Tēv, in meh tī chin kētö u.

RŌMA 16:5

Salām ap Māṅ, el patī cha. Salām ap hanāngen chu Epenetös, ap lanòhlòng aṅ Asī nö in Kristū.

SAKARIĀ 1:15

Pōyen kumnyahlōn chin inrē in vē pumnāmö tarik vē töng kumchikngenre; pò chu sin töng rahëchyen kumnyahlōn, ngaich cha-a nö ṙūölö ngam kanihngen.

YŌ-ĔL 1:3

Vë-eny e yin i yip kūön yīö, hökngen yip kūön yīö inrē nö vë-enynang yip kūön re, yip kūön cha inrē nö vë-enynang tahëng tumköl chap.

YERIMIĀ 30:16

Lökten yip kamāngen meh min nö kā-ayö, ṙòkhöre inrē yip lā-al meh, kö i tumtak cha min nö chuh el inkövö; cha-a yip maha-āichngen meh min nö ha-āichiṙen, ṙòkhöre yip kamāngen meh min inrē nö vītuṙen nö kā-ayö.

Isayā 47:6

Līn chin in yip tarik re, ngaich öich hachōichngö amin re, öich kēten cha nö eltī meh: ngaich öt hameukhömat cha me-eṅ tö miṙēlōn; hakeunlö yip tököiny man töp kaneun meh tölangan.

I. CHÖNGÖ 26:19

Vīlen meh inrē öm tulöng tö taṙòkhöre pumnāmö tarik vē vahī-il ò i ineū-euṅ, i minë-eny, i minlēḵken inrē; hòṅ meh inrē öm tarik töhet im Tēv meh ngam Mā Tēv, sā ṙô ò nö ngaich.

MANEUTNYI 23:16

Tökiröng sakāmö immūl ṙòng taneūich inrē, nup lanòhlòng vahīṙen meh, nup taneūich meh el panô-òṅ; ane inrē tökiröng sakāmö inmūlhöt, i manā-angrit ngam samyeūheu, hē meh hamūlhöt nup halinten meh aṅ panô-òṅ.

MANEUTNYI 22:29

Uh man ahāṅkenre kētö nup töpōyen ṙòng chōn meh, nup tö-ôkö tö meh inrē. Yip lanòh kikōnyö kūön meh inrē kētu tö meh nö in Chu.

AMŌS 6:1

Tötkôlò yip cha-a yik kumchikngenre nö i Sīyôn, acha-a inrē yip töngë-eṅ chūök nö i kui rôngö Samariā, yip mā tarik yöngkūö yip pumnāmö tarik, yip töyīhiv kūö tö ngam patī Israel!

YERIMIĀ 2:4

Hangihtöre tö ṙô ngam Mā Tēv, Ō patī Yāköp, ṙòkhöre inrē mupīhö aṅ patī Israel.

HAPAKŪK 1:11

Ngaich anga-aṅ inrē nö kumröön ngam kuföt, ngaich fālūṙen, kôti inrē nö fāluṙen: anga-aṅ ngam tö im Tēv re kumlēḵ.