YERIMIĀ 2:2 - TÖHET LĪPÖRE (Re-edited) Bible (BSI)

² Kuṙòh, ahangtö hāngö Yerusalem, Ngö ṙô an ngam Mā Tēv, köpölōn chin tö kanô-en hanāngen meh tö sā tö hapīhö, tö inlahen meh tömkörit chu el inchōn tönyalnyi, ip panam töt teūichtu aṅkūö.

YERIMIĀ 2:2 Referans Kwoze

ISIKĪ-ĔL 16:60

Sön pöri chū-ö min köpölōn tö ngam kinlēḵngô chu in meh i nuk sakāmö nyinī-öṅ meh, haköpngö ngam töt chanūhuvṙen chin min kinlēḵngô in meh,

ISIKĪ-ĔL 16:8

Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.

YERIMIĀ 11:6

Ngaich ngö ṙô ngam Mā Tēv tö chu, Ahangkö në ṙô i nup elpanam Yūtā, el nup kanröönö Yērusalem inrē: Hang në ṙô ngih kinlēḵngô la-evṙen inrē tö u.

YERIMIĀ 7:2

Söklöre i kūö inkūp ngam patī ngam Mā Tēv, ngaich umuh ahangkö ngih ṙô, ngö ṙô, Hangihtöre tö ṙô ngam Mā Tēv ṙòkhöre yī-ö tarik aṅ Yūtā kumhĕthötre lökhöt i në inkūp öi vë-ekūö ngam Mā Tēv.

I. CHÖNGÖ 2:7

Pò ngam Mā Tēv ngam Tēv yīö nö hakôlò nup vahīṙen yīö nö ṙòkhöre: akahalōn an tö yīö lök el ngih tökiröng tönyaṅlnyi: in yīö an ngam Mā Tēv ngam Tēv yīö i në tö fën anāi samyeūheu; hö-ö yin hanātuṙen.

HŌSĪ 2:15

Ngaich chū-ö min ṙā-ang ihih kētö öp panô-òṅ vāin ò, öp achāṙö kanihngen inrē nö inkūp mineūka: ngaich in e anga-aṅ min nö tikökṙô re, nö sā re i nuk sakāmö inyālöre, sā re inrē ik sakāmö ò nö yih nö ṙā-ang panam Aikup.

YERIMIĀ 2:6

Hö-ö cha-a nö ngö ṙô Isuh ap Mā Tēv öp kamënyen ih ṙā-ang panam Aikup, öp mahachō-o ih el inchōn tönyalnyi, ip panam tönyalnyi kuyāyö tö-anūlu inrē ip panam tönyô tökufëi sinngūlö inrē, ip panam töhĕng tak lamök i chūök törö-ö tarik nö iyöng?

I. CHÖNGÖ 8:2

Köpölōn yī-ö inrē tö nup talöökö nup talöökö tī ngam Mā Tēv nö hachō-o yīö el tönyalnyi i në töfën anāi samyeūheu, pò ò nö hòṅ miṙēngen yīö, nö kalaha yīö, pòn hòṅ akahalōn, tö ellōn yīö, yē yīö hō haköp në chöngö ò hēk yēi rö-ö.

MANEUTNYI 14:31

Ngaich yik aṅ Israĕl nö meuk ṙôkö ngam Mā Tēv i tī Ò tö yik aṅ Aikup: pa-ekūö ngaich yik tarik tö ngam Mā Tēv, ngaich chā-a nö ṙātö ellōnre nö i ngam Mā Tēv im tarik ò inrē Môsös.

T. MËTIV 11:15

Ngòh tö-elnānguvö, hökngen ò yēḵ nö hang.

T. LŪKÖS 12:13

Hĕng taka ök aṅ i yik tömaṙôngö, töngö ṙô tö Ò, Mahaköphöti; tölṙô ap mëm chu Man, nö katölhökūö ai tö nup amin ai,

YÔNA 1:2

Chōholre, kuṙòh chuh Ninēvĕ ngam tökiröng elpanan,hū-a lā-alkūö e; pò ngam ötlanöökö cha nö yih nö i kūö cha.

HŌSĪ 8:1

Kēhöt kūö ngam römpĕt nö elvāng meh. Sā yanīhih matēṙö an nö lā-al ngam patī ngam Mā Tēv: pò cha nö köölö fālen nö im kinlēḵngô chu, fāluṙen yin inrē nö im chöngö chu.

ISIKĪ-ĔL 23:19

Möölö inlaha anga-aṅ nö ṙūöhlenre nö im innyihköre, köpölōn tö nuk sakāmö inyālö re, hē ò nö inyihköre nö ip panam Aikup.

ISIKĪ-ĔL 23:8

Hö-ö anga-aṅ nö ṙāngenre nö im innyihköre ngam harunken ò hē nuk sakāmö ò nö i Aikup; pòn ik inyālö ò tarik nö ṙōlhaka nö in ò ngaich lūölken ök rinëlö ò ngaich in ò tī nö vōknyö ök yanālö tö tötlöök.

ISIKĪ-ĔL 23:3

Inyihköre cha-a nö i Aikup; inyihköre cha-a nö i inyālö cha; in e nup teh cha nö kiröichka lūölkaṙen inrē ök rinëlö cha.

ISIKĪ-ĔL 16:22

I nup sin-òkkūö nö ṙòkhöre tö nup innyihköre tö meh öt köpölōn me-eṅ tö nup sakāmö meh hē meh nyīö, hē meh chumlah lichôi inrē, pilönöre öm i mahām re.

YERIMIĀ 19:2

Ngaich kunyī-inyre in öp Achāṙö öp kikōnyö kūön Hinôm ip lökhöt linrākö tanīöyö inkūp, ngaich ahangnyö në ṙô umuh në ṙô chu tö meh.

Isayā 58:1

Pōitô hū-a, un aṙēlôre, sā ṙô römpĕt hachônglö ṙôre; ve-enynang yip tarik chu tö öt lanöökö cha, yip aṅ patī Yāköp inrē tö nup tökööl cha.

Sòlòmön 3:11

Kuṙòh Ō kikānö kūön Siyôn, ngëichkö öp rācha Sòlòmön nö sapīövu tö öp tö sumpīövlöng nö in ò töp kikānö yöng ò ik sakāmö inpīhö ò, ik sakāmö ṙanāmö ellōn ò.

INCHŌḴ-OṘÔ 1:20

El talöökö ngam mikah pōitô nö hū-a; el chūök mī-inyih angū-ö nö hachônglöṙô re;

MANEUTNYI 16:8

Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

YĀKÖP 4:4

Yī-ö ma-asĕhha, öt akahalōn öyih; tö ngam innôlö aṅ ing panam nö lā-al kūö ngam Tēv? Lökten ngòh töng mahanôl ngih panam vi-ire anga-aṅ nö lā-alkūö ngam Tēv.

INMEUKHÖMAT 2:4

Aṅhaṅv-in pöri chū-ö tö ngih kumnyah nö lā in meh, pò meh ngaich ṙāngö ngam mu-urĕh hanāngenre.

Salmai 129:1

Ṙōl heuh yin nö hakihten chu, löktökūö nyinī-öṅ chu: hökngen Israĕl nö ngö ṙô töngamuh

YERIMIĀ 2:1

Ngaich yih ngam ṙô ngam Mā Tēv nö in chu, nö ngö,

YERIMIĀ 3:4

Röh öm möl töngamuh havëken chu, Kayöngö hol chu man ik nyinī-öṅ chu,

HŌSĪ 2:7

Ngaich anga-aṅ min nö tömrit yip hanāngen re, ngaich rö-ö min nö kôlö nö in cha; chöhö cha min anga-aṅ, rö-ö pöri min nö kôtökūö tö cha. Ngaich ngö ṙô min anga-aṅ hòṅ kiröönngöre chin öich havantöre ip raneh pīhö chu; pò e angū-ö nö ĕhten nö in chu tö ngih töngamuh.

I. CHÖNGÖ 33:3

Hôṅ, hāngenlōn anga-aṅ tö yik tarik; ṙòkhöre yik töhet ò nö eltī ò: ngaich cha-a nö i röön meh nö ūichngöre; kö teūngen min cha-a tö nup ṙô meh.

Sòlòmön 3:6

Asuh ap umuh yamih löktö el tönyaṅlnyi, sā tinfūnlö lul, tumhuṅslöng tö mūr, lōpān inrē, sā tinhūsö töpaṙōnga tötahūsa mī-inyihkö chehen?

HŌSĪ 2:17

Pò chu min kēngö minë-eny nup Pē-al nö ṙā-ang elvāng ò, ngaich anū-ö min nö öt kakka minë-eny tö cha.

HŌSĪ 9:10

Kôtökūö chin tö Israel nö sā angkūr el nyalnyi; meuk yik muvöhngö meh chin nö sā töngāṅv ranehlòng anychīr chōn ik raneh hē ṙòng: yih pöri nö Pē-altī-ôr, ngaich haköhngenre cha-a nö im sinrōngkūö, ngaich vītöre nö sin-òkkūö nö sā ngam hanāngenlōn cha.

HŌSĪ 11:1

Hē Israel misī nö nyīö, ngaich chū-ö hāngenlōn tö ò, ngaich havënyö ngam kūön re kikōnyö nö ṙā-ang Aikup.