YĀKÖP 5:1 - TÖHET LĪPÖRE (Re-edited) Bible (BSI)

¹ Kuṙòh töngamuh, yī-ö tökôlò, peuny yin, ayôken minë ötkanôlòre yin, minë tö teungtöre nö i kui yīö.

YĀKÖP 5:1 Referans Kwoze

INCHŌḴ-OṘÔ 11:28

Nyangngö ön min ngòh mahyönglen re nö i kanôlò, sā tö ayal rōichōn pöri ngòh tölöök min nö kôlòṙen.

INCHŌḴ-OṘÔ 11:4

Öt kanôlu ṙô në kanôlò ip sakāmö lanīnö, ngam lanöökö pöri ṙā-ang im kinpaha.

YĀKÖP 1:11

Pò ngam tavūöi nö meutlö nö holtö töṙāich kuföt, ngaich nyīkngö tī tö minë chōn; ngaich sukngöre minë ṙòng, ngaich chuhngöre ngam lanöökö u. Ngatī min inrē ngòh tökôlò tarik nö chuhngöre i nup talöökö ò.

MAIKA 6:12

Pò vē tökôlò tarik nö tööḵlö tö chanökhuṙen, yip aṅ e inrē nö ṙô tö miyônyaṅ, elvāng cha nup litāk cha inrē nö michīl ṙô.

SEFAINIĀ 1:18

Öt rēhĕn rupīö cha min nö kô nö ṙānyen cha öt rēhĕn humlum cha inrē ip sakāmö lanīnö ngam Mā Tēv: keuheūtngöre vah pöri min ngam panam nö ṙāpngö tökūö tameūyö kumlēḵlōn ò: pò ò min nö keuheūtngen e, hôṅ, veūtö kinheūtngen an, yip mī-iyöng impanam nö ṙòkhöre.

Isayā 13:6

Ayôṙa yin; tön röhta an ngam sakāmö ngam Mā Tēv; nö sā inlëlngö yanihih min nö ṙā-ang im Tökeuheūttöre Chöngö.

YĀKÖP 4:13

Kuṙòh töngamuh, yī-ö tö ngö ṙô, Chuh i ngih in elpanam tötaheui, huṙöich, keuheūtngö tö hĕng samyeūheu in e, inyih inrē ngaich kēḵ taneūngenre:

YĀKÖP 2:6

Ngaich pöri yī-ö miṙēngö ngam yāich tarik. Röh yip tökôlò ṙung nö miyëḵ tö yīö, ngaich cha-a inrē nö tūökten yīö i kūö chūök kinṙôka?

I. CHÖNGÖ 32:15

Kirönglöre alaha pöri Yesūrön, kiyānöre inrē: ṙūöhölre alaha man, kufëi man, vītöre man ngaich ayō-a; ngaich anga-aṅ nö ṙāngö ngam Tēv ngam vamī an, ngaich höhngöre hanāngen töm Ihong inyööken aṅ in Ò.

YŌ-ĔL 1:11

Sirōngkūö yin yēḵ, Ō yī-ö yōm panô-òṅ ayôkö ngam vīt yin, tö ngam pārli inrē Ō yī-ö kamrān vāin; pò ngam kanöinyòng ngam panô-òṅ nö yëḵngen.

YŌ-ĔL 1:5

Yī-ö mihiyōi, aṅhen yin peuiny inrē; ayôṙa inrē, ṙòkhöre yī-ö amòk vāin, kūö ngam tökuchik vāin, pò e nö rökiṙen nö ṙā-ang elvāng yīö.

ISIKĪ-ĔL 19:2

Ngö ṙô: Asuh ök yöng meh kikānö nö kan lāyön nö i nuk kōiny lāyön! Fātngöre anga-aṅ nö el ṙôngö, nup kūön lāyön, Haruk kūön e anga-aṅ.

YERIMIĀ 4:8

Kūö e lökten öm hayutlöre tö sāk, harāmöre kihīökkūö, kalēḵ tanānyö ngam Mā Tēv nö öt havanritre nö ṙā-ang in hī

YĀKÖP 4:9

Hakihtenre yēḵ, haṙivlōn inrē peuny inrē: hökngen ngam nīölö yīö nö havāngtu nö im miṙivlōn, ngam ṙanāmölōn yīö inrē nö im lumngan

YŌ-ĔL 1:13

Fūmlö ṙat re yin tö sāk, harāmöre inrē, yī-ö kūönṙô; ayôṙa yin, yī-ö mameukṙen im tahāklö; tā-a, hĕng mitööm hulalhaka el sāk, yī-ö makeukṙen ngam Tēv chu; pò ngam nyā-aṅ tökētu tö ngam òk tökētu inrē nö öt kētu nö el patī ngam Tēv yīö.

Salmai 17:14

Ō Mā Tēv, löktö eltī meh, ṙā-ang in yip tarik, ṙā-ang in yip tarik aṅ ngih panam, yip tö minchööḵövö tö aṅ ngih nômö, yip töhatööḵöi- ṙen aich tö meh tö nup kanôlò meh: Kô-ònglōn yip tö kūönre, ngaich ṙātö nup chööḵ nö in yip tënö kūön cha.

Isayā 15:3

El talöököre cha-a nö fūömṙatre tö sāk: i kui patī re inrē kö ayôṙa cha-a pōitô nö peuiny.

ISIKĪ-ĔL 30:2

Kūön tarik, ve-eny mu-unôich, ngö ṙô, Ngö ṙô an ngam Mā Tēv: Harāmöre, Aōla kūö ngam sakāmö!