YĀKÖP 4:4 - TÖHET LĪPÖRE (Re-edited) Bible (BSI)

⁴ Yī-ö ma-asĕhha, öt akahalōn öyih; tö ngam innôlö aṅ ing panam nö lā-al kūö ngam Tēv? Lökten ngòh töng mahanôl ngih panam vi-ire anga-aṅ nö lā-alkūö ngam Tēv.

YĀKÖP 4:4 Referans Kwoze

RŌMA 8:7

Pò ngam kuilōn ngam alaha nö kumnyahṙen im Tēv; pò e nö öt elkatòh ngam chöngö ngam Tēv, kôḵngen angū-ö nö öt rēhĕn nö kô:

KALATĪ 1:10

Līp tarik ṙöng öich töngamuh, hēk, ngam Tēv? Hēk, lukkenre öchu haṙamlōn tarik? Yē chu ṙòngmöng haṙamlōn tarik, ngaich öt tö hakövö öre chu-ö tö Kristū.

T. YÔHAN 15:19

Yē yīö öre aṅ ngih panam, hāngenlōn öre ngih panam tö aṅkūöre. Kūö yīö pöri öt aṅ ngih panam, pò Chu katöllen yīö ing panam; lökten ngih panam nö surīkhen yīö.

T. MËTIV 6:24

Öt tarīkuvö tökô nö nët tak lahök la-en tö yöngṙenre; pò ò lohten min nö hĕng tak sūrīkhö, ngaich hāngenlōn tö ngam tahëng; hēk hĕng kang chūök min anga-aṅ nö haköpngöre, ngaich öt chumkūöṙen tö ngam tahëng. Rö-ö yin kô hĕnghöre lök la-en ngam Tēv, kanôlò ngih panam inrē.

T. YÔHAN 17:14

Ngaich surīkhu cha-a töng panam; pò cha nö öt aṅ ngih panam; sā Chu Chū-ö öt aṅ ngih panam.

YĀKÖP 1:27

Ngih ön töhet falngen im Tēv, öt töchōich inrē, ngih chinöhkö kūönyōich, tafīösi inrē, i nup kanihngen cha; haköpngöre inrē un pitōtuvö tö aṅ ing panam.

RŌMA 5:10

Pò hī, hē hī sin ṙòngmö kumnyah elmat, ngaich lökten im kinpaha ngam kūön Ò öi halāmtu im Tēv, möthë min ayī-ö hayöökaṙen lökten im nômö Ò, pôi ngaich halāmtu.

T. MËTIV 16:4

Tötlöök, ma-asĕhha tūmö, chöh minkahngö; öt kē-ĕvkūö pöri angū-ö tö minkahngö, höng ök minkahngö Yôna. Ṙā-ang Anga-aṅ tö cha, ngaich kiröönngöre.

HŌSĪ 3:1

Ngaich ngam Mā Tēv nö ngö ṙô tö chu, Kirööngöre man hēk, hāngenlōn töp kikānö öp hanāngen ap hòl ò ap ma-asĕha; sā hanāngen ngam Mā Tēv tö yip kūön Israel, pòrô cha-a nö havöötökūöre nö i tahëng tēv, hāngenlōn inrē tö pikoh tönyô angkūr.

T. YÔHAN 7:7

Öt kô ön ngih panam nö surīkhen yīö; surīkhen Chu pöri angū-ö; pò Chu hameukhömat e tö nup la-en e nö tötlöök.

Salmai 73:27

Yĕh meuk, pò cha nö öt kôlò min vē tömarôvat tö Meh: ngāchövah tī Man tö cha yip ṙamāngen Meh.

T. LŪKÖS 19:27

Më tökunyahaṅelmat pöri tö chu, më tö sōḵ nö hayöngö tö chu, kēten cha ihih; fëlngen cha nö i kūö chu.

T. MËTIV 12:39

Ngaich ngö ṙô Anga-aṅ tö cha, Vē tötlöök, ma-asĕhha tūmö inrē, chöh minkahngö; öt kinë-evkūö pöri töminkahngö, höng ngam minkahngö ngam pròfĕt Yôna.

Salmai 21:8

Kôtökūö an min ngam kël meh tö yip tökunyahaṅ el-mat tö meh: kôtökūö an min ngam lāhāmö kël meh tö yip tösumrīk tö meh.

Isayā 57:3

Haröhtöre pöri yī-ö ihih yī-ö kūön vamīngen, kūön ma-asĕha mī-inyihköre kikānö inrē.

Salmai 50:18

Meuk mu-ulāiyö më-eṅ ngaich hō öm in ò: hanôltöre inrē më-eṅ i ma-asēhha.

YERIMIĀ 2:2

Kuṙòh, ahangtö hāngö Yerusalem, Ngö ṙô an ngam Mā Tēv, köpölōn chin tö kanô-en hanāngen meh tö sā tö hapīhö, tö inlahen meh tömkörit chu el inchōn tönyalnyi, ip panam töt teūichtu aṅkūö.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

ISIKĪ-ĔL 16:32

Pīhö ma-asēha, kamë aṅ tahëng nö i chūök öp pīhö ò!

1 KÒRIN 1:20

Isuh ap tö-akaha? Isuh ap kamūich? Isuh ap kamilṙô ing panam? Röh ang ngam Tēv nö vītö kumlō-ov nö mikah ngih panam?

1 KÒRIN 1:21

Pòn im mikah ngam Tēv, lökten im mikahre ngih panam, nö öt akahakūö töm Tēv, kūö lanöökö lōn ngam Tēv an, lökten i kumlō-ov ngam inhānga, nö hayööken cha yip ṙamātö ellōnre.