YĀKÖP 4:2 - TÖHET LĪPÖRE (Re-edited) Bible (BSI)

² Yik yin yih, ngaich rö-ö öi aṅhaṅv-in: fëlhanga yin, yikhang yin, ngaich rö-ö kô teūngen: kilöön yin kiyung inrē; öt aṅhaṅv-in yin, pò yīö öt havë-a.

YĀKÖP 4:2 Referans Kwoze

T. YÔHAN 16:24

Ölu yin havëkuvö i Mine-eny Chu. Havë-a; ngaich teūngen min yī-ö; hòn hateūngi ngam ṙanāmölōn yīö.

YĀKÖP 1:5

Yĕn hĕng tak in yīö tö īnuvö töp töhāṅten mikah, hökngen ò yĕh nö ve-ekūö ngam Tēv, ngam tötṙāyutī nö kē-ĕkūö taṙòkhöre, ngam tötmumṙē-ĕng inrē; ngaich kē-ĕvkūö min anga-aṅ tö e.

T. YÔHAN 4:10

Ngaich ngö ṙô Yēsū, nö sapṙô ò, Yē meh akahalōn tö ngam tö ngö ṙô inrē, tö meh, Kētö òk Chu man, havë-a öre me-eṅ in Ò; ngaich kô-òren Anga-aṅ nö kē-ĕkūö meh tö tö-aṅ mak.

INCHŌḴ-OṘÔ 1:19

Ngatī talöökö yin nö ṙòkhöre vē töteūngen tö kanôlò re lökten i chanökhuṙen; kēngö nômö ngam yōm re an.

HAPAKŪK 2:5

Hôṅ, hēk inrē ngam vāin nö mahachīlngövah pôḵre, mahakeūlenre nö tarik,tötköp inrē nö i patī re; ṙamūönyö ṙôktö lōn re sā anūlö kupah, sā kinpaha an inrē, nö töng öt hantööḵngenṙen, in re tī pöri nö hamūl pumnāmö tarik nö ṙòkhöre, afônglö yip tarik inrē nö in re.

Isayā 7:12

Ngö ṙô pöri Ahas, Hö-ö chin hòṅ havë-a, öt rēhĕn chin hòṅ kalah ngam Mā Tēv.

Mumkahten 4:8

Hĕng taka öp tarik töt hĕng tak aṅ in, tö kikōnyö kūön hēk öt rēhĕn kikōnyö kūön hēk hanöng löknyö, sön pöri nö öt ṙanānguṙen nup la-en ò, nup mat ò inrē öt hētu nö tööḵngen tö kanôlò, lökten ò nö öt hētu nö hatön, chööḵnyen tö chīö öich lā-evṙen harööḵngenre inrē tö minyam? Angū-ö an inrē chanök alaha töt ṙanāmölōn lā-en.

YĀKÖP 5:6

Asaichhanga yin ngaich, ngaich tī yin fëlngö ngam tölöök; öt laklöre anga-aṅ tö yīö.

1 YÔHAN 3:15

Ngòh sumrīkhö holre, famël tarik an anga-aṅ, ngaich akahalōn yī-ö tö ngòh famël tarik nö öt īnu tö ngam nômö tö-örheūheu-aṅ.

1 RĀCHA 21:6

Pò chu vë-ekūö Nëpòt öp aṅ Yesrīl, öich ngö ṙô tö ò, Kētö ap panô-òṅ vāin re man in chu nö ṙāi tö rupīö; hēk inrē, yē meh hō-o lōn tö e, kētö tahëng panô-òṅ vāin chū-ö min in meh nö ṙënngen e: ngaich ngö ṙô anga-aṅ nö sapṙô, Hö-ö chin hòṅ kē-ĕkūö meh tö ngam panô-òṅ vāin chu.