YĀKÖP 4:12 - TÖHET LĪPÖRE (Re-edited) Bible (BSI)

¹² Höng hĕng tak an ngam kamëtö chöngö, ma-akah inrē, höng anga-aṅ An tö kô nö hayööken, fëlhanga inrē; chīö öm pöri me-eṅ ma-akah holre?

YĀKÖP 4:12 Referans Kwoze

RŌMA 14:4

Achīö ṙöng öm me-eṅ, mu-uyëkö kūön holre? Lökngökūö ngam yöngre an min, nö söklöre, hēk fukngö, pòn minhôiṅyu ngam Mā nö asöklen ò.

RŌMA 2:1

Lökten man me-eṅ öt inṙēluvö, Ō me-eṅ tarik, me-eṅ töng kamhôṅka; töt mahakôlòre mana, yē meh kahòkken tahëng; pò meh me-eṅ kamhôka ngaich öm harūnöre i tö ngatī.

T. MËTIV 10:28

Uh yin pa-ekūö tö cha yip famël ngam alaha; ötkô pöri nö fël ngam ma-alaha. Pa-ekūö pöri tö Ò, ngam tökô-òren nö hĕnghöre fël ngam ma-alaha, alaha inrē, nö el chūök ötinkôlò,

Isayā 33:22

Pò ngam Mā Tēv nö ma-akaha fālen hī, kamëtö chöngö hī ngam Mā Tēv, rācha hī an ngam Mā Tēv; anga-aṅ an min mahayööken hī.

YĀKÖP 5:9

Kahōlö, un uyëku in höö, hòṅ yīö min öt kahòkkaṙen: yĕh meuk ngam kamhôṅka, nö sökhaka nö i kūö minë inkūp.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

RŌMA 14:13

Ta-a lökten, ui hēkaṙa uyëken höö: uyëkö ngih pöri lahë, hòn öt tarīku ṙamātö kinve-ĕre nö el talöökö holre, hēk öp lökngövah fanukngö.

RŌMA 9:20

Hö-ö, achīö ṙöng öm me-eṅ, Ō tarik, öm samapṙô lā-al ngam Tēv? Ngö ṙô öng min ngam tövī-i tö Ò ngam vamī-iṅl e, Kūöyòh Öm ngatī tī vī-i chu?

T. LŪKÖS 12:5

Ve-eny nang yīö pöri Chu-ö, tö ngam pinhe-eṅkūö yīö, pa-ekūö yin tö Ò, ngam tömihôiṅ nö kavalhötnen yīö el chūök ötinkôlò; yĕn pòrô nö keuheūtötī nö fël. Hôṅ, pa-ekūö yin tö Ò, ngö ṙô Chin tö yīö.

NGAM LĪPÖRE YŌP 38:2

Achiāp anga-aṅ sumngulngö inlēnö lökten i ṙô töt akaha?

1 SAMUĔL 25:10

Sap ṙô yik tarik Tāvit ngaich ang Nēpòl nö ngö ṙô, Achiāp Tāvit? Achīö ap inrē kūön Yēsī? Pōyen yin vē tarik i në sakāmö töngamuh lumtòkngöre nö ṙā-ang i yöngṙen re.