YĀKÖP 4:1 - TÖHET LĪPÖRE (Re-edited) Bible (BSI)

¹ Ṙeū-eungyih ön në kinyūngö, ṙeū-eungyih inrē në kinlöönö, nö in yīö? Röh ön nö lökten i ngih ihih, ngam kunchikngenre tö yīö, ngam kumyung nö i minë tūmö alaha yīö?

YĀKÖP 4:1 Referans Kwoze

1 PĪTÖR 2:11

Kahōlö; hōten yīö chin yī-ö kumröönngöre ane inrē töt aṅhih, ṙāngö nup lōn alaha, nup kumyung nö lā-al ngam ma-alaha.

KALATĪ 5:17

Pò ngam lōn ngam alaha nö lā-alkūö ngam Töhet Fanöinylö, ane inrē ngam Töhet Fanöinylö nö lā-alkūö ngam alaha; pò u nö kö harīkngöre tö höö; lökten yīö ötkô öi la-evṙen tö nup lōnre.

RŌMA 7:23

Meuk tö harīkngöre pöri chu-ö chöngö i në tūmö alaha chu, lā-al kūö ngam chöngö ellōn chu, ngaich kēten chu hakövö elkatòh ngam chöngö tökööl, ngam aṅ i në tūmö alaha chu.

RŌMA 8:7

Pò ngam kuilōn ngam alaha nö kumnyahṙen im Tēv; pò e nö öt elkatòh ngam chöngö ngam Tēv, kôḵngen angū-ö nö öt rēhĕn nö kô:

YĀKÖP 1:14

Kalaha pöri ngòh tarik, yĕn tūöki anga-aṅ töp lōnre, ngaich hachōḵoyö.

YERIMIĀ 17:9

Tulöng michīl an ngam ellōn tö taṙòkhöre öt kôlò takô inrē; chiāp tökô nö akaha elmat tö e?

1 PĪTÖR 1:14

Sā nyīö tötminôṙô, öt haṙongtöre öi sā nuk raneh tötlöök lōn, hē öt mikah yīö misī:

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

2 PĪTÖR 3:3

Akahalōn tö ngih urĕh, tö yik mahayëk, i nup manā-aṅ sakāmö nö kumtö inyëḵngen, nö lök i nup kanahngenre tötlöök lōn;

YĀKÖP 4:3

Havë-a yin, ngaich rö-ö teūngen pò yīö vāchô havë-a, pò yīö höng hòṅ mëichhanga i nup kunchikngen tö yīö.

2 PĪTÖR 2:18

Pòn ṙônyö nup tökiröng ṙô, töföh chanöh alaha, ngaich haṙöinyö nup tötlööklōn alaha, lökten im tötlöök yinikhanga, ngaich cha-a yip tölöök nö öt kô-òngvah nö in cha yip mi-iyöng tövaich;

TAITÖS 3:3

Tön töt akaha in ayī-ö misī, töminôṙô, hachīlö, ṙōlö lahök tö töchōich lōn, intööḵngen minyam inrē, iyöng i kumnyah elmat inrē, sunrīkhö, kö sumrīkhen höö.

TAITÖS 3:9

Hakūnngö nup ṙô tötakaha intönö, inkaha lökngörit, lina-alkūö töng hòṅ mihôiṅhöre, linā-alkūö chööḵnyö töm chöngö, tön öt kanôlòvö tī nun anū-ö, chanök alaha inrē.

RŌMA 7:5

Pò hī, hē hī misī ing alaha ngaich nup tökööl lōn ngam alaha, nup lamökten im chöngö, nö vahī-ivṙen nö i në tūmö alaha hī, nö asīöpnyö ṙòng im kinpaha.

T. MËTIV 15:19

Pòn löknyö ellōn nup tötlöök lōn, finël tarik, insĕhha, chinô-òṅkānö, unlāiyö sinūöichkö, ötlinëkô; anū-ö nun töchōchö tī tö tarik.

T. YÔHAN 8:44

Ngam sī-ö an yöng yīö; ngaich la-evṙen yī-ö tö nup lōn ngam yöngre. Famël tarik an ik raneh; öt mi-im kanô-en, pòn öt kanô-envö nö in ò. Ṙô-òvö anga-aṅ nö minyôiny-aṅ, yōm minnyôiny-aṅ inrē.

2 TIMÒTĪ 2:23

Sōḵngen nup kumlō-ov, nup ṙô töt akaha intönö inrē, akahalōn tö u nö löknyö linā-alkūö.