YĀKÖP 3:6 - TÖHET LĪPÖRE (Re-edited) Bible (BSI)

⁶ Tameūyö an ngam litāk: ngam litāk an chūök öt lanöökö i në tūmö alaha hī, nö tökeuheūtngöre tī nö hachōich ngih alaha, ngaich tōttökūö tameūyö ngam chūök tökapah.

YĀKÖP 3:6 Referans Kwoze

INCHŌḴ-OṘÔ 16:27

Vīken tötlöök ön ngòh tarik töt kanôluṙô, sā tö ngehngökūö tameūyö öp ṙô ò inrē.

T. MĀKÖS 7:15

Öt hĕng tötlöökö tī tö nup lamöknyö latunyī nö i tarik. Nup lamöknyö latuhēt pöri nö i tarik tötlöökö tī töm tarik.

INCHŌḴ-OṘÔ 15:1

Havööngö kūö lanīnö an ngam törēm sanap ṙô, haruhlö tanānyö pöri ngam tökesṙô.

T. LŪKÖS 16:24

Ngaich have-a anga-aṅ nö ngö ṙô, Kayöngö; Aprahām, aheūkölōn tö chu; tīnten Lāsörös, hòṅ ò nö kasumtökūö kuntīre nö el mak, nö mufov ngih litāk chu, tön ötkôlò chin i kūö ngih tameūyö.

INCHŌḴ-OṘÔ 6:19

Ngòh samūichkö holre mu-uhômnyö minyôny-aṅ, tarik inrē tameūichtö inrēvö nö i holre.

Salmai 140:3

Hakeut litāk re yin sā pēch: tö kapahukūö nup pēch i minuh cha.

Salmai 64:3

Yip mahakeut litākre nö sā sanët: ngaich sōktökūö chòkre tö töchökhu ṙô.

3 YÔHAN 1:10

Lökten, yē chu yih, fēḵlen yīö min tö nup la-en ò, nup vahīṙen ò, vë-eng uk nang hī tö töchökhuṙô: öt tööḵngen tö e, ötrēhĕn anga-aṅ nö hōḵ, tö yip hol hī, acha-a inrē yip tötāhai tö ò, ahōnyu inrē nö ṙā-ang im māṅ.

YĀKÖP 2:7

Röh yip nö ötlēkôre tö ngam tö eū-eu mine-eny, ngam invëkö yīö?

INLAHEN 6:13

Ngaich asöklö samūöicha cha-a, yik tö ngö ṙô, Öt ṙākö ṙôre ön ngòh tarik, nö ötlēkôre tö ngih töhet chūök, ngam chöngö inrē;

INLAHEN 5:3

Ngaich ngö ṙô Pītör tö ò, Ananī; Sitih ang ngam Sātān nö hatööklö ellōn meh, öm hōtu minyôinyaṅ i ngam Töhet Fanöinylö, ngaich ròngti hayunngö tö ṙāi ök taṙeū?

T. MËTIV 12:24

Ngö ṙô pöri yik Feresī, hē cha nö hāngö e, “Ahōngö sī-ö Ön ngòh tarik, lökten Pĕ-el-sipūl, ngam mākūö sī-ö,”

T. MËTIV 5:22

Ngö ṙô pöri Chu-ö tö yīö, Ngòh lamā-alkūö holre, nöng öt löknyu chööḵnyi, kihngen min nö im kinṙôka. Ngòh tötlamëkôre tö holre, ngaich kihngen min nö i yip mā kamhôṅka. Ngòh ramūttö ötkanôlò, ngaich kihngen min nö i kūö tameūyö el chūök ötinkôlò.

2 SAMUĔL 19:43

Ngaich yik tarik aṅ Israĕl nö ngö ṙô nö sapṙô yik tarik aṅ Yūtā, Söm nup alaha ih im rācha, ngaich īhö inrē mötlö chanipta in Tāvit tö yīö yī-ö. Kūöyòh ṙöng öi ahūöngen ih, öi sōtu īhö urēhĕ ṙô tö invantö ngam rācha ih? Ngaich minë ṙô yik tarik aṅ Yūtā nö mötlö kumlēḵ tö nuk ṙô yik tarik aṅ Israĕl.

INMEUKHÖMAT 19:20

Kē-ĕ ngaich ök töṙeūla, hol ò inrē ök töminyôiny pròfĕt, ök tö tītö nuk pinngangkūö nö i kūö ò, nuk aṅtī ò nö hachīlö cha, yip töteūngen tö minkahngö ngam töṙeūla, acha-a inrē yip samlām ngam insā ò: nëtre taka cha-a ngaich nö suktu nöng aṅ nö el kūö öp tötöh tameūyö tö kūö tö töhū ihong:

INMEUKHÖMAT 18:23

Öt hēkngöre min ëāṅvö nö yāngökūö nö in meh; öt hēkngöre min öp kikōnyö tö hapihö, ane inrē öp kikānö tö hapihö, nö hāngö ṙô nö in meh; pò yik mī-inyih in meh nö cha-a mākūö ngam panam; pòn hachīlö nö ṙòkhöre vē pumnāmö tarik tö ngam milūönö meh.

INMEUKHÖMAT 13:14

Ngaich anga-aṅ nö hachīlö cha, yip mī-iyöng kūö ngih panam, tö kūö nup minkahngö tökētu nö in ò, vahīṙen ò nö i kūö öp töṙeūla: ngö ṙô tö cha yip mī-iyöng kūö ngih panam, nö hōten cha nö vī insā ngam töṙeūla, ngam tönyahaṅ tö kūö ök sanët, ngaich nöng aṅ.

INMEUKHÖMAT 12:9

Suktu ngaich ngam tökiröng tulan, ngam pēch misī, ngam sī-ö, Sātān invëka, ngam mahachīl në taṙòkhöre panam. Suktu anga-aṅ nö el tumlat; hol ò nö ṙòkhöre yip Ma-ahānga ò, nö suktu.

2 PĪTÖR 3:3

Akahalōn tö ngih urĕh, tö yik mahayëk, i nup manā-aṅ sakāmö nö kumtö inyëḵngen, nö lök i nup kanahngenre tötlöök lōn;

TAITÖS 1:11

Yip tö hòṅ tilūpi elvāng, yip tarik tö keuheūtngöre tī nö tiṙōlngö tö hĕng mumtī-i, haköphöti tö nup sinôtöre, chööḵnyö tö nup tötkôlò taneūngen.

INLAHEN 20:30

Hĕnghöre löklö in yīö yip min tarik, tö ṙôtö tötlöök, nö hòṅ hachōḵngen yip mahaköp nö asīnken cha.

YERIMIĀ 28:16

Lökten an ngam Mā Tēv nö ngö ṙô: Yĕh meuk, kēngen meh chin min ṙā-ang i kūö ngih tumlat, Kapah man min i ngih samyeūheu, pò meh ṙôtö inhôngen ök lā-al ngam Mā Tēv.

YERIMIĀ 20:10

Pòich pōyen ahang tö töhīṙeūtka ṙô. Pinhë-eṅkūö keuheūtngöre lā-al! Vënyen ò nö töfāluṙen! Tā-a töi vënyen ò nö töfāluṙen! yip töha-eh nö hol chu, nö ngëichngö fanukngö chu. Lohten öp min nö hachīlö, ngaich möl ayī-ö kô mihôiṅ tö ò, havahalre inrē in ò.

Isayā 30:27

Yĕh meuk, yih an ngam minë-eny ngam Mā Tēv ṙā-ang tömarôvat, hūkūö nö holtö tanānyö ò, ane inrē im lul tökufëi nö tafūnlöngö: tööḵlö minuh an tö tanānyö, ngam litāk ò inrē sā töhūkūö tameūyö:

KINṘEŪKÖ 31:16

Yĕh meuk achā-a yin töpô-òvkūö tö yik kūön Israĕl, nö lökten i tī Pēlām, nö köölö fālen nö im Mā Tēv, i tö ngatī nö i Pī-ôr, ngaich lökten ök invah in yik ṙôngö tarik ngam Mā Tēv.

2 KINṘÖTNGÖ 13:17

Ngaich Apicha tö yik tarik ò inrē nö pōihöiny nö fëlngen cha; lökten yik aṅ Israĕl tö fukngö tökūö fanël nö taneuyòng köṅny tö katöllöng tarik.

2 SAMUĔL 16:20

Ngaich ngö ṙô Apsalem tö Ahītōfel, halēnö hī man yĕh më-eṅ tö inlahen hī.

I. CHÖNGÖ 13:6

Yē ap hanönglöknyö meh kikōnyö, kikōnyö kūön ap yöng meh kikānö, hēk kūön meh kikōnyö, hēk kūön meh kikānö, hēk ap pīhö meh takô, hēk ap hol, ap tösā lōn meh, nö ulāikenre nö haṙöingen meh nö ngö ṙô, Tā-a töi lök la-en tahëng tēv nup öt mikahkūö meh, öt rēhĕn nö mikahkūö yik muvöhngö meh;

LA-EN LĒVĪ 24:11

Ngaich ngam kikōnyö kūön ngam kikānö aṅ Israĕl nö hachōichngö ngam minë-eny, rūtngövah inrē: ngaich kēten ò cha-a nö in Môsös Selōmit minënyi ök yöng ò kikānö, kikānö kūön Tiprī, aṅ i miyöngö Tën:

KINṘEŪKÖ 25:2

Pò cha nö havëtö yik tarik nö i tökētu nö i nup tēv cha: ngaich nyā-aṅvkūö yik tarik, ngaich sōnngöre nö i nup tēv cha.

INCHŌḴ-OṘÔ 7:5

Nö mahaköpö meh ṙā-ang i tö tayōla kikānö, ṙā-ang i kamlah kanihngen tö faṙëcha ṙô.

Isayā 50:11

Yĕh meuk, ṙòkhöre yī-ö tamôttö kūö tameūyö, töhūkūö tī inrē tö löktökūö tameūyö! Kiröönngöre man el hanātö kūö tameūyöre, i hanūkūö ngam löktökūö tameūyö inrē ngam tahōttökūö meh! Angū-ö an in meh min lamökten eltī meh: ṙōlngöre man min el ngam inkihten meh.

YĀKÖP 3:7

Pòn keuheūttöre mihëṅṙö në töṙeūla, chehechōn inrē, nö pumlāmö, nup lamāna, aṅ el mai inrē, nö ngaich ṙung nö pumlāmö tö tarik: