YĀKÖP 3:2 - TÖHET LĪPÖRE (Re-edited) Bible (BSI)

² Pò hī ṙòkhöre kavē-ĕre i tökeuheūttöre. Yĕn töt kavē-ĕrevö tarik nö im ṙô, anga-aṅ an töteung nö tarik, kô inrē nö hachōkūö ngam alaha.

YĀKÖP 3:2 Referans Kwoze

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

INCHŌḴ-OṘÔ 13:3

Haköp nômöre an ngam amahtö elvāng re; palā-airen ön ngòh vamā-anykūö re nö pōitī.

1 PĪTÖR 3:10

Ngòh tö hòṅ hāngenlōn töre nö aṅ, tö hòṅ meuk tölöök sakāmö inrē; hökngen ò yēḵ nö haköp litākre i nup tötlöök, nup minuh ò inrē un ṙôtö töchōich ṙô.

T. MËTIV 12:37

Pòn i nup ṙô meh min, öm aṙēlöngö; i nup ṙô meh min, öm öthakôlöngṙô.

Salmai 34:13

Lakngö ngam litākre tö töt-löök: minuh meh inrē nö i huneū-euṅrô tö tötlöök.

INCHŌḴ-OṘÔ 20:9

Chiāp tökô nö ngö ṙô, Ngaich chin vī ellōn re nö het; het chin ngaich öt īnu tö tökööl?

Mumkahten 7:20

Kô-òngrit, nö öt hĕng tak tölöök tarik el ngih tumlat öp tö löökö la-en öt köölö fālen inrē.

RŌMA 3:10

Sā kinūichngö e nö ngö. Rö-övö nö tölööku, hö-ö, öt hĕng tak.

YĀKÖP 1:4

Ngaich hökngen ngam manöiyö nö hateungngö ngam la-enre, hòṅ yīö öi teungten, öt hanātuṙen i tökeuheūttöre.

1 RĀCHA 8:46

Ngaich yē cha nö köölö fālen nö in meh (pòn öt tarikkuvö töt köölö fālen,) ngaich më-eṅ līn in cha; ngaich cha-a nö kēngen cha nö i panam yip lā-alre nö töhakövö, nö marôvat hēk röhta;

YĀKÖP 2:10

Ngòh tökeuheūt nö haköp ngam chöngö, ngaich hĕng kang chūök nö kavē-ĕre, tö fāluṙen anga-aṅ in u nö ṙòkhöre.

Isayā 64:6

Ṙòkhöre in ngaich vītöre sā öp töthet, ṙòkhöre nup tölöök la-en ih nö sā tömūmu mat hilā. Nyīkngö in sā rōichōn; kē-ĕyö in tö nup tökööl re, sā kuföt.

1 KÒRIN 9:27

Ngatī kisōl, öt höng sā kumsōl kuföt: kisōl ngam alahare pöri chū-ö, ngaich kēhöt e nö el inkövö; hòṅ chu öt löknguṙen öich sōḵov chū-ö, tö kinheūṅtenre mikahten tahëng.

HEPRĀI 13:21

Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

KÒLÒSĪ 1:28

Ngam ahangkö ih, fēḵlö taṙòkhöre tarik, haköptö taṙòkhöre tarik i nup mikah, hòṅ ih kētö taṙòkhöre tarik nö teung nö in Kristū;

KALATĪ 3:22

Ngam ṙô ngam töhet līpöre nö vë-eny nup taṙòkhöre nö elkatòh ngam tökööl, ngaich ngam kinlēḵngô, lökten im mikah in Kristū, nö kô-òren nö kētu nö in cha yip ṙamātö ellōnre.

RŌMA 7:21

Kôtökūö pöri chū-ö ngaich töm chöngö, chu-ö tö hòṅ la-evṙen tö tölöök, ngaich ōtre ngam tötlöök nö in chu.

2 KINṘÖTNGÖ 6:36

Yē cha nö köölö fālen nö in meh pòn öt tarīku öp tötköölö fālen ngaich më-eṅ līn in cha, ngaich kēten cha nö ip lā-al cha, ngaich lökten cha nö halayi nö töhakövö i panam tömarôvat töröhta inrē;

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

KALATĪ 5:17

Pò ngam lōn ngam alaha nö lā-alkūö ngam Töhet Fanöinylö, ane inrē ngam Töhet Fanöinylö nö lā-alkūö ngam alaha; pò u nö kö harīkngöre tö höö; lökten yīö ötkô öi la-evṙen tö nup lōnre.

Salmai 39:1

Ngö ṙô chin. Haṙēmngenre chin i nup talöököre, hòṅ chu öt tököölu i litākre: hakāl elvāngre chin min yĕn ikūö chu ngam tötlöök.

INCHŌḴ-OṘÔ 10:19

Öt hāṅten tanôichngen, yĕn maṙôngö ṙô, tö akaha pöri ngòh mahaköp minuh re.

INCHŌḴ-OṘÔ 21:23

Ngòh mahaköp elvāng re litākre inrē köptī tö re nö la-uk kanihngen.

T. MËTIV 12:34

Yī-ö kūön pēch! Siti kanô-òṅ öi löökö ṙô, yē yīö tötlöök? Pòn i ṙôken nup aṅ ellōn, ngam elvāng nö ṙô-òv.

LA-EN LĒVĪ 13:39

Ngëicha ngaich ngam Kūönṙô: ngaich yē ngam töturë im uk alaha cha nö töpaṙūöya insōho; kiyös an angū-ö, tömôlnyi nö el ngam uk alaha; ötkuvīö an anga-aṅ.

NGAM LĪPÖRE YŌP 15:13

Öm havööngö ellōn re lā-al ngam Tēv, hökngen tö ngatī ṙô inrē nö ṙā-ang elvāng meh?